【箝制群眾意識形態，只會瓦解革命】
#唯一出路

如果大家認同下圖[1]嘅各種「不要」，咁代表大家同14年一樣冇進步過。大家應該記得14年點解輸(除非你係今年先覺醒嘅豬豬，咁就更加要睇落去)，就係因為「教條主義」、捉鬼、大台。

呢場革命可以走到今日，就係因為三不原則「不分化、不割蓆、不篤灰」，強調「和勇不分」。大家好似已經將呢啲信仰拋諸腦後，甚至倒退返14年。

「我地唔可以嗌革命」
「我地唔可以有槍」
「我地唔可以燒法院」
「我地唔可以嗌香港獨立」

革命可以行到今日，係因為大家都有多元化嘅思維，互補不足。但有一班人企圖起「大台」，箝制大家嘅意識形態，覺得果啲係不可違背嘅天條，就係因為佢地教條主義。

群眾運動每個參與者都應該係獨立個體。結果呢？我地嘅意形態被箝制，思想及武裝被設限。大台企圖同一班有獨立意志，唔聽大台話嘅抗爭者割蓆，成為革命嘅戰犯。從而分化有槍，嗌獨立嘅抗爭者。倒退返14年。

劃地為固嘅革命係唔會有突破，只會係一場葉公好龍嘅鬧劇，結果革命被大台瓦解。

諗清楚究竟咩係大台，係連登？係民陣？定係我地自己。繼續忠於自己嘅信念，唔好因爲人地批評而放棄，正如一班14、16年被拋棄，被割蓆嘅勇武，至今仍然未放棄一樣。

同時，諗清楚大家追求嘅係咩。係民主？咁咩係民主？就係主權在民。呢家香港嘅主權係北京，所以冇民主。被賦予嘅民主唔係我地想要。沒有主權，就沒有治權。第一步應該係奪回主權。

五大訴求嘅執行難度=香港獨立[2]。如果今日港共政府對我地網開一面，咁係人治，人治社會都唔係我地想要。中國式自治更加唔係，失敗例子比比皆是。去求極權比我地五大訴求，比我地自治，咁係改革。要有自覺呢場係革命，係主權之戰。我地係為主權而戰。

最後想引用梁天琦嘅一句：我地要攞返我地係社會上應該嘅權力，就唔可以教條主義。條條大路通羅馬，邊一個方法可以推翻呢個政府嘅，就要去做。

從來都未係時候[3]，因為最佳嘅時候就係當下。係由我地，香港人製造出嚟。我地冇呢個自覺，永遠都未係時候。

1月1號我會高呼香港獨立，我希望可以聽到下一句得唔得？

點樣有法律依據地向國際爭取獨立？
t.me/ukterminatejd/269

[1] t.me/ukterminatejd/271
[2]五大訴求只會由香港國政府實現 t.me/hkmanual/182
[3]散水論：XXXX未係時候，唔好做/講住 t.me/hkmanual/296