#admin投稿

由尋日斬人事件可見，壓迫係從未停止。大家千祈唔好覺得，自己係後勤、係和理非就唔需要識保護自己，對家打人、斬人唔會識分你係咪前線。

除咗自己鍛練身體同反應之外，亦都應該多啲提醒身邊嘅「和理非」們，得閒應該學識點好好保護自己。唔好再心存僥倖，運氣唔一定次次都有。

可能仲有一條好漫長嘅路要行，大家繼續努力💪🏻

#admin投稿
話說近日發現有手足share我地啲教學，之後比人惡意challenge，相信有關情況未必係第一次。
我地發覺有關言論，不論係對本頻立場抑或係武術/自衛術嘅本質，都係充滿誤解。
如果手足share我地啲教學個陣，遭到惡意挑戰，而有任何hard feeling嘅話，歡迎搵admin傾下：
@hk_self_defense_bot

#admin投稿

上面片段係一段典型嘅街頭衝突。好多人同人嘈交個陣，都會顎高頭，面貼面咁同人對峙。呢一種做法其實係好危險。

首先係距離愈近，敵人揮拳命中嘅時間就愈短。另外咁近嘅話，視線都望唔到敵人起手。如果咁近距離對峙，敵人突然發難，就算係練開都搞唔掂。所以點都好，麻煩最少保持伸手嘅距離。

另外都要保護自己下巴，因為比人打中下巴，會對個腦有好大衝擊，平時睇比賽見到嘅KO，好多都係由打下巴引致。而上面嘅gif就可以好清楚咁睇到，下巴被打中之後對大腦所造成嘅震盪有幾大。

Fighting Stance:
https://publielectoral.lat/hk_self_defense/154
Long Guard:
https://publielectoral.lat/hk_self_defense/396

#admin投稿

今日辛苦晒大家，無論考試成績係點，都係時候返屋企休息下。

今次考試並唔係一個完結，admin可以預料到日後會有更多嘅考試，或者係突擊測驗，大家繼續努力操fit自己！

admin留意到一樣野：
每逢考試前夕，都會有好多新嘅同學仔加入本頻。當然大家肯share本頻比其他同學係好事，不過練功呢啲野需要時間去累積，希望大家平時得閒都多啲溫書，同多啲同其他同學開心share💪🏻

呢度嘅pin message有教學目錄，各位新同學可以按自己需要同能力去揀練習題做。有唔明白嘅地方，可以問admin:
@hk_self_defense_bot

#admin投稿

近日有好多新嘅同學仔加入，可能大家見到咁長嘅教學目錄(無計，呢度嘅教學內容係咁豐富😁)，會覺得無從入手，唔知由邊度開始睇同練。

容我簡介一下，呢度嘅教學主要分為3類：
1. 反擒拿/逃脫
2. 拳腳攻防
3. 武器應對

先講逃脫篇，動作難度同目錄次序大致相同，愈落就愈難。Admin認為可以由上而下咁去學習，如果本身識嘅就skip左佢，直到見到唔識嘅，由個度開始練。

如果你係完全新手，可以先由捉手嘅拆法開始練起，個方法係相對易上手，女仔都容易做到。

學完捉手拆法，之後再順次序學捉衫、捉頭髮、熊抱、鎖頸...最後先學地戰逃脫。(如果有涉及摔嘅動作，請先同partner掌握好拍蓆/受身:
https://publielectoral.lat/hk_self_defense/206)

至於另外嘅拳腳攻防同武器應對，你地可以當係獨立嘅單元，可以同逃脫篇同時學。拳腳方面，先學好站姿同步法，之後再學防拳、防腳。之後會再加入更多訓練方法。

#admin投稿

今日辛苦晒大家，無論考試成績係點，都係時候返屋企休息下。

今次考試並唔係一個完結，admin可以預料到日後會有更多嘅考試，或者係突擊測驗，大家繼續努力操fit自己！

admin留意到一樣野：
每逢考試前夕，都會有好多新嘅同學仔加入本頻。當然大家肯share本頻比其他同學係好事，不過練功呢啲野需要時間去累積，希望大家平時得閒都多啲溫書，同多啲同其他同學開心share💪🏻

呢度嘅pin message有教學目錄，各位新同學可以按自己需要同能力去揀練習題做。有唔明白嘅地方，可以問admin:
@hk_self_defense_bot

#admin投稿

自從本頻面世之後，可能大家平時都會多左留意不同嘅網上教學短片。但假設係一個新手，完全無格鬥經驗同知識，可以點判斷一段教學片嘅可信性呢？

Admin嘅建議係留意以下幾點：
1. 教學短片嘅拍攝場地
如果拍攝場地為拳館，即係代表導師係館主，或者教學內容最少得到館主同意。一間拳館係唔會隨便拍一啲唔實用或者唔work嘅野放上網，如果唔係會影響到間館嘅聲譽同有機會影響到生意。

2. 導師本人嘅資歷
如果短片有提及導師嘅名，不妨search下佢個名，睇下咩來頭。一啲可以證明導師實力嘅例子包括:
- 為格鬥職業選手
- 擁有認可資格 (例如黑帶)
- Channel本身已經有好多教學片，而且有一定嘅名氣同subscribers

3. 拍攝短片嘅機構
可以留意下短片是否以一些值得信賴嘅機構名義發佈，例如可靠嘅武術教學機構，或者軍警單位。

舉一啲例子，例如館長，佢本人真係一位健身同武術教練，而且有一定嘅知名度；又或者台灣同大陸警察都有出過片教防身術（不過香港就真係無見過啦）。

#admin投稿

如果教自衛術，學自衛術係恐怖分子，咁製片人(如果有睇本頻嘅話)可否解釋下，下面呢啲警察教自衛術係乜野？

中国代表
https://publielectoral.lat/hk_self_defense/535
日本代表
https://publielectoral.lat/hk_self_defense/536
台灣代表
https://publielectoral.lat/hk_self_defense/537

香港得呢個(反面教材)
https://publielectoral.lat/hk_self_defense/538

#admin投稿

想簡單回應一下。講到遇到衝突，的確好多人會認為可以直接逃跑，當然唔可以話佢地錯，但呢個唔會係一個唔需要學格鬥嘅理由。

有啲情況，唔能夠即時逃跑，例如身邊有朋友、親人，或者被迫至死角，呢啲情況唔使特別解釋。

除左上述情況，大家可以思考以下幾個問題：
1. 如果同人口角期間，對方突然動手，你能否即時作出適當嘅反應去擋或避？或者對方動手前，你已經做出適當嘅防衛動作，或準確判斷安全距離？
2. 如果對方捉住你，你又有無能力掙脫？
3. 逃跑其間如果突然仆街，對方又即將靠近，你又識唔識點起身先啱？

以上種種情況，相信一個未學過、未受過訓練嘅普通人，未必有能力應付，而呢啲都係好實際會發生嘅情況。

#admin投稿

有啲人見到一啲比較「有技術」嘅街頭實戰，可能都會有個疑問，到底條友係咪真係咁勁？係咪造假？

admin唔個別判斷單一片段嘅真偽，我地自問無咁嘅能力。要知道，判斷一段比賽片段嘅真偽，同埋判斷街頭格鬥嘅真偽，係兩個唔同嘅概念。對於街頭格鬥，我地對當事人(被打敗嘅一方)嘅格鬥能力、背景全無認知，亦唔應該假設佢地一定有一個大家認為合理嘅水平。因為出到街外，一般門外漢嘅格鬥水平可以係無下限，所以唔能夠單憑佢地做唔到一啲大家認為要做到嘅野，就判斷話係造假。

趁呢個機會想分享一下admin對街頭格鬥嘅見解。大家平時上網可能會留意到好多不同嘅街頭格鬥實例，當中有大部分都係無乜技術咁亂打，好少見到平時喺比賽或者教學會見到嘅招式，因此可能會直覺上認為真實打交呢啲招無乜用。

其實個真相係因為大部分人真係唔識打交，少見到「有技術」嘅打交，呢個只係統計學嘅問題。簡單假設識打交嘅人口係2成，每一場街交入面，雙方都識打交嘅機會只有4%，而一個識一個唔識嘅機會都只有32%。

#admin投稿

今日係2020年最後一日，相信好多人都唔鍾意呢一年。因為武肺肆虐，令到好多gym room、拳館都長期關閉，對於唔少習武者黎講都係一個煩惱。

雖然係咁，但相信都有好多人搵到唔同嘅方法同渠道去增值自己。祝願大家新一年武運亨通，一齊繼續變強！

#admin投稿

公海傳送門：
https://publielectoral.lat/hk_self_defense/711

唔知大家入左公海未呢，原來入面都有好多高手，佢地都會分享心得同討論唔同嘅技術，admin都學左唔少野。

不過我地相信，呢個可能係全香港最難入嘅公海，因為我地以一個特別嘅方式驗證入谷者—以邏輯題考驗入谷者理解同基本推理能力。

我地發現有一部分人都花左唔少時間先入到黎，喺呢度想比啲提示大家，題目嘅模式大致都係咁：

1. 首先，題目會提供已知嘅資料/前提；
2. 然後，會有一個或多個推論；
3. 入谷者須要根據前提，判斷推論是否邏輯上正確。

例子1 ：
已知所有A都是B，所有B都是C。
由此可見，所有A都是C。
以上推論是否正確？

答案：正確

例子2 ：
已知所有A都是B，所有C都是B。
由此可見，所有A都是C。
以上推論是否正確？

答案：錯誤

當然武術或者自衛術，最好最直接嘅交流方式係以實戰交流，但基於疫情及現時社會氣氛，而家唔係一個最適當嘅時候。所以暫時只好建立一個平台，比大家以文字交流，然後各自修行。

而作為一個用以文字交流嘅平台嘅管理員，比起身體質素或者格鬥能力，我地更加重視谷友嘅理解、推論能力，因為咁樣可以減少好多不必要嘅爭論，進而可以集中討論有討論價值嘅話題。

#admin投稿

早前討論區講起街頭衝突，一般人會有兩種唔同嘅取態：
1. 走
2. 正面對抗，擊倒對方

要結束/預防肢體衝突，除左以上兩種方法，有一點係經常會被忽略，就係戰鬥心理。

要知道一般人選擇郁手，佢會有以下兩個假設：
1. 你唔會還手；
或者
2. 佢嘅格鬥能力喺你之上

相反，假如佢認為：
1. 你會還手；
而且
2. 你嘅格鬥能力可能喺佢之上
大部分人都會停止攻擊。

真實例子：
有谷友表示曾經喺街比人撩交打，於是佢就擺出自己平時所學嘅架式，結果對家立即淆底。