#手足投稿

//再次提醒各位，不要再迷戀任何大台、組織、光環，以平常心面對一切，不論是流亡、前線還是聲稱幫好多人的組織，都不要再冠上「英雄」「正義」的光環盲撐，各人做好各人的事，沒有更黃的人，也不要建立大台，做好崗位的事就夠了。
//

原文：https://www.instagram.com/p/CIqe8HxpfGi/?igshid=19b4fo6ns77ep

支持：https://www.patreon.com/posts/11-12-2020-ji-lu-44925033?utm_medium=clipboard_copy&utm_source=copy_to_clipboard&utm_campaign=postshare

#手足投稿

//呢幾日係咁諗起一條屍體，一位同已成屍體無分別嘅手足，兩位人唔似人嘅手足，十二位⋯⋯一則無咩人知嘅新聞一小角，三則則連新聞都無上過，十二人遙遙無期⋯⋯

前兩位手足，我從來唔知佢哋全名，直到佢哋離開，我都係未知全名，只知兩位都係朋友隊中嘅人，一位係前線，一位係哨。
//

原文：https://www.instagram.com/p/CI2l9UWgMZP/?igshid=a3n920avhd4k

支持：https://www.patreon.com/posts/16-12-2020-ji-lu-45097108?utm_medium=clipboard_copy&utm_source=copy_to_clipboard&utm_campaign=postshare

#手足投稿

//能分配到房間的隊伍不能鎖門，甚至不能關門，屋主更會帶同親朋戚友閒時到安全屋開 party，並會帶同親朋戚友在未經手足同意下到手足房間「探望」手足，更不斷揚言自己「收藏」很多手足。有些手足要求私隱，卻反被屋主惡言相向。
......
屋主以「你哋免費住就要幫我做嘢」為由，逼迫手足做非自願及不人道的事，包括未問及手足同意下強逼手足協助女性KOL朋友搬屋卻整天不准許休息不准飲食，一旦休息立即惡言相向（又話前線？咁弱要抖？）。有些前線仍是學生，需要ONLINE 上課及趕功課，屋主卻擅自替他們接 job 或網上招 job以賺取收入當租金，完全無視前線學生學習時間，更要求前線學生凌晨開工，有手足因為早上上課，凌晨要接 job而長期沒有充份休息，加上抗爭事項身體不勝負荷，但拒絕開工卻會遭來情緒勒索「啲前線好懶！免費俾你住都唔做嘢！我會同你家長講唱衰你！」
//

原文：https://www.instagram.com/p/CJILD9KAGNU/?igshid=vodpgie043wg

支持：https://www.patreon.com/posts/23-12-2020-ji-lu-45348307?utm_medium=clipboard_copy&utm_source=copy_to_clipboard&utm_campaign=postshare

#手足投稿

//上年聖誕因為發生一些意外，在哭聲和「你不如離開香港」的勸喻聲中度過，當時我沒有離港，還豪情壯志想以更極端手段向警方報仇。最後兩位家長和其他前線分別用了很多很多很多小時，說服我放下以死相諫的行為。「你做咗，香港人係唔會記得你，一係話你係鬼，一係就好快忘記甚至攞你嚟變成另一種六四 ONLY。」，當時，某位巴打原本對我計劃有興趣，聽後只感到無奈。
......
今天，有位隊友跟我談到聖誕夜，考慮了很久才寫下來（畢竟很掃大家興），我認為那些前線的心聲也是極需要記錄的部分，所以想以文字，把這位巴打的心聲記錄下來，讓大家知道已離港的手足心聲，而亦是這位巴打心聲，讓我記起上年聖誕，那些勸阻我的話⋯⋯
//

原文：https://www.instagram.com/p/CJP6DzVAeI7/?igshid=7opzstbrgbuz

支持：https://www.patreon.com/posts/26-12-2020-ji-lu-45446230?utm_medium=clipboard_copy&utm_source=copy_to_clipboard&utm_campaign=postshare

#手足投稿

//十二月：情緒仍然起起伏伏，打呢篇文之前啱啱崩潰完一輪，同人傾時，對方話我 PTSD 仲係嚴重，好多嘢綁得自己太緊放開唔到。其實我都唔知點放開，甚至已經好攰，攰到有啲想放棄一切。2020 年 12 月 31 日，我獨自坐喺房打住電腦，決定會訓住跨年，一覺醒來係新一年總好過倒數。回想呢年，我逼得自己最緊嘅應該係成日想自己快啲好返快啲可以做到好多好多嘢，但原來無論幾努力，都必須承認自己只係人類，人類身體好脆弱，人類心靈無我想像中堅強。一路走過，悲憤喺我心入面消除唔到，甚至因為黃圈嘅大大小小「花生」搞到更加悲憤。或者我嘅世界太簡單，接受唔到複雜⋯⋯
//

原文：https://www.instagram.com/p/CJc_8XfAorc/?igshid=10z4y3hy93e6x

支持：https://www.patreon.com/posts/31-12-2020-ji-lu-45623809?utm_medium=clipboard_copy&utm_source=copy_to_clipboard&utm_campaign=postshare

#手足投稿

//大搜捕同埋卡片有罪，網上唔少人都話係「最黑暗一天」，其實香港都已夠多「最黑暗一天」，或者喺林鄭講逃犯條例嗰日開始，已經係「最黑暗一天」，從來都無光過。喺諷刺日常之下，最多人問「咁我哋仲可以做啲乜？連泛民都犯國安法，我哋呢？」⋯⋯
//

原文：https://www.instagram.com/p/CJvE7R1gw5l/?igshid=1qsvt50mw9tre

支持：https://www.patreon.com/posts/7-1-2021-ji-lu-45913822?utm_medium=clipboard_copy&utm_source=copy_to_clipboard&utm_campaign=postshare

#手足投稿

//你可以唔同意人哋意見，但唔代表人哋無人權同自由去表達意見。佢哋為咗佢哋覺得重要嘅事出嚟為自己發聲，就算阻我返屋企我都唔會怨，即使意見不同，或者有啲根本唔撚關我事，但民主社會，人權社會，尊重其他聲音就係咁。我都好憎反同撚啦，唔通又會話反同集會無道理唔夠正義？反對人觀點同人哋有無自由發聲係兩回事。

簡單少少，任何集會遊行示威，都唔應該由你去話有無道理正唔正義，本身呢啲就係自由同權利，否則你就同港豬藍絲無分別。人哋意見同你唔同，但仍要捍衛佢哋發聲權利。
//

原文：https://www.instagram.com/p/CJwGjOeAZHd/?igshid=15gudddia6jp8

支持：https://www.patreon.com/posts/8-1-2020-ji-lu-45927853?utm_medium=clipboard_copy&utm_source=copy_to_clipboard&utm_campaign=postshare

#手足投稿

//國際線一早已邁向 2019 年嘅香港。2019 年，香港最大撕裂就係和勇，香港人花盡奶力去令到和勇勉強不分，但和勇分割、屌勇武、捉鬼論仍喺 social media 大放異彩，加上唔同 channel 間是是非非，傳說你篤手足灰或者另一人食絲打，好多花生嘗試糢糊成場革命⋯⋯ 到咗 2020 年尾，呢種花生及分化風氣就充斥住國際線，你一係跟大台，一係就跟其他組織，組織間互相承認有「針」安插喺其他組織，大家唔係互爆黑幕就係互通手足私人資料做情報當人情，令手足私隱全無，甚至連手足家人都被起底利用。仲有好多只顧光環而忽略其他手足及事情輕重嘅事發生，舊式大台想將革命六四化變成唱歌跳舞、新式大台就用網絡力量去作故仔「感動」萬千港人⋯⋯

中共係想我哋散，亦想我哋對人性絕望到唔再革命，但我仍對人性抱有一絲希望，希望有人睇到我寫嘅記錄，會反思一下，革命係咪真係咁浪漫又咁簡單⋯⋯
//

原文：https://www.instagram.com/p/CJ-aH1AAgwd/?igshid=3o7tfre6a3fr

支持：https://www.patreon.com/posts/13-1-2021-ji-lu-46152338?utm_medium=clipboard_copy&utm_source=copy_to_clipboard&utm_campaign=postshare

#手足投稿

//究竟仲洗唔洗養手足？老實講，其實對比 2019 年，需要養嘅手足量已大大減少，走嘅走，坐嘅坐，靜嘅靜，有堆手足已回歸正常生活，有啲喺外國已有家長照顧，係咪真係需要養？當然好多已唔需要，但絕對有零零散散好似我咁無身份又身體/精神出現問題手足，甚至一隊人入面個個都16-20歲嘅學生手足，如果家人能力唔夠支撐佢哋海外生活或者讀書（或者好似我咁家人其實唔理甚至一開始仲要問返我攞錢⋯⋯），的確係好需要協助。革命一路以嚟，我都好討厭以勇武付出幾多嚟食人血饅頭，但大家放下非黑即白思維（一係全部需要幫，一係全部唔需要幫嘅思維），以一個簡單同理心角度去睇，全球武漢肺炎下，我作為幫手足搵工嘅一份子，真係要講句：好撚難搵工⋯⋯ 加上黑工係會被遣返，有啲絲打隻身一人我都唔建議出去搵黑工，WFH 嘅工作數量又有限，加上黃圈剝削手足亦唔係新鮮事，仲有身份資料問題⋯⋯ 一切一切，如果係短暫支援，又有何不可？同計劃移民一群唔同，我哋係無準備下被逼即時離開，老實講，有份唔剝削嘅工作已經好滿足。
//

原文：https://www.instagram.com/p/CKQsENBgD5f/?igshid=11tl56sdq3ip4

支持：https://www.patreon.com/posts/20-1-2021-ji-lu-46436925?utm_medium=clipboard_copy&utm_source=copy_to_clipboard&utm_campaign=postshare

#手足投稿

//出事前，我曾收到人通知，會喺某月大約某時對某個地方手足進行清洗，提咗嗰堆手足兩次，第一次，被人話神經質、唔覺會有事；第二次，終於肯清嘢，但卻有人將少量危險品攞返去會清場地方，而嗰個人，就係嗰位絲打......
//

原文：https://www.instagram.com/p/CKhSTNbANG_/?igshid=n0w4oy0qa5i6

支持：https://www.patreon.com/posts/26-1-2021-ji-lu-46703171?utm_medium=clipboard_copy&utm_source=copy_to_clipboard&utm_campaign=postshare