#手足投稿

//我唔想講新年放下政見呢啲垃圾句子，放唔放下到係好個人嘅事，放唔到咪放唔到，唔係一個命題。只係臨近新年，唔少手足喺心理上都係迷迷糊糊咁過，有啲習慣咗無乜大不了，有啲好掛住屋企嘅會低落。至於仍喺香港手足，面對嘅係親情與政見矛盾。疫情係一個借口可以避免見面，但長遠呢種家人與家人嘅距離，由政權一手撕裂嘅關係，希望無論黃藍都要知道，錯嘅首先係呢個政權，其次先係其他事情。

最後，祝大家新年安康，平安健康。
//

原文：https://www.instagram.com/p/CLJUF5qAES1/?igshid=wxowt04rak3b

支持：https://www.patreon.com/posts/11-2-2021-ji-lu-47402907?utm_medium=clipboard_copy&utm_source=copy_to_clipboard&utm_campaign=postshare

#手足投稿

聽日就係正苦要大家用《安心鹿》既日子，
希望大家識得好好保障自己既個人資料。

有好多黃店都係吊緊命，
開晚市可以救到下，
若果遇到一d黃店有d創新又可行既做法，
就最好唔好係各個媒體大肆宣傳，
俾黃店既手足靜雞雞咁贏，無人想知。

要杯葛用《安心鹿》既黃店，
不如諗下點樣一齊續命，
若果要鬥到大家心灰意冷，咁請你繼續。

祝各位手足，初七，生日平安。

#手足投稿

//大家睇到呢度，一定覺得我放負太勁或想搞分化。唔係，我想大家認清現實。呢個係黃圈發生緊而需要改善嘅現實，呢個係人性。

外國記者問我：你覺得呢段日子香港人最應該反省啲咩？

我咁答：第一，我哋太唔團結，不論你和理非定勇武，我哋總推缷責任，覺得有啲嘢人哋做就得，但人哋做又唔可以阻到自己，好似出去打，一方面覺得可以揭開政權假面，另一方面影響到佢又會話勇武錯，如果唔係勇武就會更安定；第二，我哋太過沽名釣譽，大家都好鐘意話自己好黃，好鐘意講黃嘅程度，好鐘意扮勇武講和理非乜乜柒柒。事實上我唔討厭和理非，只討厭濫用和理非之名嘅港豬。無和理非，我哋邊有律師跟進案件、邊有資源買防具武器、邊個幫我哋心理輔導？老實講，我好感謝真正和理非，真正唔會割勇武嘅和理非，唔會鬥黃不卑不亢喺有限範圍做到最盡嘅和理非；第三，我哋太容易後退，當初明明唱歌無用，而家唱歌有風險，就反論證當初唱歌有用，一直後退，一直唔想喺適當時機做適當嘅事，一直妥協；第四，係最重要一點，我哋總係輸俾人性。
//

原文：https://www.instagram.com/p/CLbQMkyg0l0/?igshid=13p2j8mt4zpwa

支持：https://www.patreon.com/posts/18-2-2021-ren-47700442?utm_medium=clipboard_copy&utm_source=copy_to_clipboard&utm_campaign=postshare

#手足投稿
昨晚，2月20日晚上九時許，一班送車師於西九龍裁判法院送別最後一架囚車。7男15女送車師被埋伏已久的PTU 及便衣截停搜查。其間，一名年約20歲男子因身上持有兩張八達通而被警方鎖上手扣帶上警車。
警方於大約晚上9:30宣布以預防疾病條例第599G 章截停市民。所有人士被截查接近兩小時，期間被要求面向牆壁。送車師被警方登記了所有個人資料，包括但不限於姓名，身分證號碼，住址，學校，衣着，外型，髮型等等。除了紙筆記錄，警方亦使用攝錄機拍攝在場人士的樣貌以及衣着。截查的兩小時中，警員多次以囂張，冇禮貌的態度呼喝送車的市民，更用「曱甴」二字侮辱他們，不斷大叫「呢度係我哋話事，唔係你哋啲曱甴話事，我哋要執法」。

唔知睇到呢度嘅你哋會諗緊啲咩？係覺得佢哋好慘，定係覺得佢地唔小心？倒不如諗吓點解都已經夜晚9:30,成班送車師仲堅持要送埋手足架車。做咁多嘢只係希望手足佢哋感受到呢份愛，知道佢哋唔係孤單一人，我哋會繼續支持佢哋。

btw 聽朝粉嶺都有判刑，星期六希望會有返多啲人啦。
https://publielectoral.lat/youarenotalonehk/20078

最後希望各位旁聽同埋送車嘅市民都平安💛
一息尚存 抗爭到底

#手足投稿

//無人夠膽出聲。FA就係我身後，相隔應該只有兩隻手掌距離，當時我成身震晒，憤怒加上恐懼，「下個會唔會係打我」以及「好想打死啲防暴」兩種極端情緒衝撞，我郁唔到，亦怨自己郁唔到⋯⋯ 事後喺警署見到一個血流披面嘅FA，先知原來佢個頭係咁被防暴撞落地下。係街道嘅石屎地下。

防暴不斷笑，FA不斷救饒，唔記得打咗幾多吓，然後一下槍聲，FA叫咗一聲......
//

原文：https://www.instagram.com/p/CLvsgwYAU2m/?igshid=ek50q5xp97rm

支持：https://www.patreon.com/posts/26-2-2021-ji-lu-48028063?utm_medium=clipboard_copy&utm_source=copy_to_clipboard&utm_campaign=postshare

#手足投稿
知道大家都好緊張嗰47位初選嘅人士，全部都要聽日直接上庭。
但係，唔好唔記得仲有其他手足！
12位手足上次保釋被拒嘅聽日會喺九龍城上庭❗️（#1118理大 )
1位手足喺高院申請定罪及刑罰上訴❗️
1位還押咗半年嘅手足喺東區裁判法院上庭❗️

唔好再係全部人去唒名人庭好唔好，其他手足都需要關注❗️
無人係condom❗️

#手足投稿

//近幾日收到唔少手足嘅「放負」，大家喺一團灰矛盾中過咗幾日。我唔知應該點寫呢篇，好想寫，亦好怕好多人會以為我想分化，足足兩日，我仍然未寫到任何事。有手足話：「或者你將我講過嘅嘢記錄落嚟就好。」所以，我將佢哋嘅心聲結集，單純記錄現實。

......

重點唔係出唔出名，唔係邊個黃啲邊個傷啲邊個慘啲，而係作為一個人，就唔應該收到非人道對待，不論你見到嘅頭版手足，定你見唔到無上過新聞一角嘅手足，同樣應該紀念。

沒有誰比誰更重要。當你知道有手足要上庭，而嗰日可以去旁聽，請去支持。
//

原文：https://www.instagram.com/p/CMB3baUAn4v/?igshid=1w5h6tp431xch

支持：https://www.patreon.com/posts/5-5-2021-ji-lu-48358991?utm_medium=clipboard_copy&utm_source=copy_to_clipboard&utm_campaign=postshare

#手足投稿

//忘記咗係咩場合，有日讀到基本法，好記得有兩條係關於人大釋法，一條係講基本法解釋權全在人大，另一條係講基本法修改權全在人大。雖然案件喺終審法院前可以由香港自行釋法，而修改基本法要通過香港全國人民代表大會三分二通過，但經過呢幾年，大家都知道，根本係「我鐘意點就點」，人民無得反抗。

當年我一臉無知咁問坐喺身邊嘅大人：「點解咁嘅條款會有人信？基本法究竟係邊個簽返嚟，呢個明顯係不平等條約喎！」
//

原文：https://www.instagram.com/p/CMWaEXMA6OW/?igshid=rvvqi8ela4s8

支持：https://www.patreon.com/posts/13-3-2021-ji-ben-48693682?utm_medium=clipboard_copy&utm_source=copy_to_clipboard&utm_campaign=postshare

#手足投稿

//有位戰友曾同我講過「如果我無咗對手，我會自殺死；如果我無咗對眼，我都會自殺死。」
......
//

原文：https://www.instagram.com/p/CMbWErxAhTs/?igshid=18vtt32jo9eml

支持：https://www.patreon.com/posts/15-3-2021-ji-lu-48764842?utm_medium=clipboard_copy&utm_source=copy_to_clipboard&utm_campaign=postshare

#手足投稿
唔好意思
我想提提各位
搭巴士 留意有冇手帶
啱啱坐68X 車牌XA4249
有手帶 話報警 佢哋就即刻落車

#手足投稿
星期一係31/1 年廿九, 係大家開心食團年飯嘅日子，但同時亦係大量手足判刑裁決嘅日子。怕你話到時預唔到時間，依家寫埋俾你地喇：

▫️高等法院3樓1庭 14:30 判刑🔥
陳手足被控無牌管有槍械或彈藥，最高刑罰監禁14年❗️

▫️西九龍法院大樓(暫代區域法院)
4樓3庭 11:00 判刑🔥
15名手足被裁定暴動罪名成立，其中1名手足管有攻擊性武器及冒無牌管有無線電器具罪名亦成立。14名手足還押中。

▫️區域法院2樓6庭 11:00 求情🛑
3名手足被裁定暴動罪名成立，其中1名手足阻差辦公罪名亦成立。

▫️區域法院10樓34庭 15:30 判刑🔥
2名手足承認一項串謀發佈煽動刊物罪，還押中。

▫️西九龍裁判法院 5樓5庭 14:30 裁決❕
劉手足被控管有攻擊性武器，審訊已完成。

▫️西九龍裁判法院 7樓14庭 09:30 判刑🔥
蔣手足承認5項展示及管有煽動刊物罪，還押中。