反惡歌法。 序章

你覺得過去一年自己所做嘅野係到底抗爭定係革命? 你覺得自己對於光復香港時代革命呢個口號又付出咗幾多?

去年6月至今眼見身邊手足一個又一個被罰黃牌紅牌，走嘅走，消失嘅消失。 抗爭圈子變得越來越細係事實，但主因卻唔係因為手足被捕，而係香港人真係好鍾意外判，連革命抗爭都要外判。 出錢比意見無疑係香港人強項，但好多問題唔係用金錢可以解決。

由去年6月至今見證整個運動高低起落，或者真係走得太前，一回頭先發覺200萬和理非唔見晒。 無民意授權嘅抗爭只會淪為小圈子搗亂，最終做任何事都唔會得到認同。

國歌法將會係5月27日進行二讀，一般二讀通過就會即日完成三讀並通過條例。 國歌惡法明顯係一條莫需有罪名用於打壓異見者， 嚴重踐踏香港人道德及自由底線。 若法案通過，香港人將世世代代將生活在政治黑暗之中，到時候立法會選舉亦無法挽回敗局，23條將會成為摧毀香港最終的一根稻草。 到時候沉醉係奢華物質生活嘅香港人大夢初醒，先發現人頭經已落地，後悔當初無為自己及香港下一代付出。

勇武同和理非都係民意嘅產物，兩者相輔相成缺一不可。 無民意同和理非支持嘅勇武最終只係一套獨腳戲。 舊年10月至今，勇武手足一直擔當抗爭主力。 中大及Poly一役元氣大損，但仍然無畏無懼為香港人抗爭。 今日香港人面對國歌惡法挑戰，若再慣性將抗爭責任推卸比勇武手足，不單止無辦法阻止法案通過，仲會令手足傷亡慘重。

2020年5月24日，希望香港人可以再次承擔起社會抗爭責任，不再去依賴其他人，學識用自己雙手去改寫香港歷史。 再一次用民意向國際展示香港人嘅團結同堅持。

反惡歌法大遊行
5月24 1:00pm 起步
銅鑼灣Sogo -> 中環遮打花園
#切勿帶任何違法物品
#終極和理非
#抗爭路上你並不孤單
*本遊行並無申請不反對通知書，請自行承擔風險