#銅鑼灣 #灣仔 #安全觀察

有網民號召，在星期日舉行一個名為「反惡歌法大遊行」的活動 (https://publielectoral.lat/HKOnline2/132)。除年初零星以反對設立診療所為題的地區性遊行之外，基本上對上一次成功起步的遊行，已經是講緊元旦日 —— 即係差唔多半年之前嘅事。

唔想重複呢個月初喺尖沙咀起唔到步嘅問題，除咗寄望24號一嚟就有一萬幾千和理非，主辦單位可以考慮吓以下幾點：

一，根據本區過往經驗，針對呢一類型活動，警方會喺主辦單位一早預告咗嘅起點附近（銅鑼灣東角道和灣仔修頓），每個街口七、八名警員full gear戒備。如果主辦單位諗住動員嘅係和理非，單單呢一個做法已經做到震懾效果。市民唔敢逗留，自然聚集唔到人；而聚集唔到人，就自然起唔到步。

二，要應付以上情況，主辦單位可以安排現場踩線。預先知道對方部署嘅話，就可以靈活轉plan。過往本區成功轉plan而最後成功起步嘅，就試過微調出發地點。

三，如果真係咁樣做嘅話，主辦單位除咗喺網上經過固有渠道作出呼籲之外，亦都要有人喺現場，作出舉牌式指示（真係試過）。因為現場嘅人係顧得住避開popo嘅同時，係唔會有時間睇手機嘅。而其餘轉plan嘅方法，仲有包括轉形式（如轉18區行商場）等。

四，即使起到步，亦都唔代表可以行完全程。因為發起今次遊行嘅主辦單位，已經預告咗遊行路線。預計警方會沿遊行路線擺人作震懾，又或者後街放人戒備準備突襲。過往亦有試過警方全程派出警車，尾隨遊行群眾 —— 後者係會比較難處理，因為佢一駛埋嚟落車設封鎖線，就會成班派告票一人$2000。

五，無可以完美應付以上部署嘅方法，但以往係本區出發嘅遊行，就曾經試過安排每幾個街口，擺定最少兩三個自己人。除咗觀察所負責區域的警方動靜之外，亦都負責與主辦單位溝通，隨時引領遊行群眾作出入後街、出大街等reroute安排。目的都係避開與警方正面衝突。

TL;DR 對於有網民發行本週日舉行「反惡歌法大遊行」，本區深表支持。雖然本區並非主辦單位，但因為遊行路線牽涉本區，所以借此機會向主辦單位作出呼籲：請預先作好安全計劃，以保障參與人士的安全。

如有任何情報、資訊，請透過 @AskChing_bot 提供
- - - - -
銅鑼灣東角道
本區公海： https://publielectoral.lat/CWBhk
全民天文台：https://publielectoral.lat/CWBscout

#銅鑼灣 #灣仔 #安全觀察

前兩日已經向主辦單位提出過一啲建議：https://publielectoral.lat/cwbnow/1960

呢度係少少對參與市民嘅建議：

根據本區過往經驗，針對呢一類型活動，#警方 會喺主辦單位一早預告咗嘅起點附近（銅鑼灣東角道和灣仔修頓），每個街口七、八名警員full gear戒備。

係對方咁嘅部署之下，即使今日我哋有過萬人出嚟，但係因為市民必定係分批、逐啲逐啲咁到達兩個集合地點，好大機會係 #聚集 唔到人 —— 因為警方根本唔會俾人聚集。

所以個關鍵唔係大家有幾早到。

要解決以上問題，個 #關鍵 係我哋要做到一次過、一嘢全部人湧晒出嚟。

所以如果聽日大家見到唔對路嘅話，可以考慮各自 #碎片化 咁樣入商場、入超市、入安全嘅地方先。留意住網上消息：一收到 #指示，就一齊1212同一時間落地面。

咁樣就檔都檔唔黎。

就好似咁：

| | | | | | | | | |
vs.
||||||||||

前者我哋被outnumbered。後者有機會我哋outnumber番對方。

My 2 cents~

如有任何情報、資訊，請透過 @AskChing_bot 提供
- - - - -
銅鑼灣東角道
本區公海： https://publielectoral.lat/CWBhk
Channel: https://publielectoral.lat/CWBnow
灣仔站：https://publielectoral.lat/Wanchai1212

#金鐘 #安全觀察
2015 相比起商場外面，太古廣場內的氣氛較為熱烈。因為聚集的人數實在非常之多，若警方選擇強行進入商場採取行動，相信太古廣場要付出的成本頗大。

因此，估計會暫時維持現狀，最少直到入夜人流開始散，警方才會考慮採取行動。 #Admin不科學靠估

#手足投稿 #安全觀察

參與大型遊行的三大誤區

根據筆者觀察，一些參與大型遊行的市民往往抱有一些誤解。現在筆者總結如下：

1. 「一定要早到」

根據過往經驗，很多參與大型遊行的市民，習慣較大會指定的起步時間提早出門。原因很簡單：怕封路封地鐵站會令到自己「入唔到場」，以致連累了其他遊行的參與人士及參與人數等。舉一個最近的例子：七一原定下午三點起步，但早至中午時分已有市民在東角道街頭聚集。

2. 「要先聚人」

基於現時政治氣候陰霾密佈，常發生參與人數少的情況。當人數不足以成為遊行隊伍，市民一般習慣在大型商場先行聚集，作為聚人壯膽或至少集氣之用。這是由於根據過往經驗，一些市民會認為商場是相對於街頭較為安全、較少機會「被咬」。另一個相關的誤區就是市民往往在前無去路的情況下選擇退入商場regroup。最近的例子就是七一臨傍晚時份退入時代廣場。

3. 「要支援被圍街站」

一為提供掩護二為政治文宣，有政治團體會選擇在有大遊行的日子擺設街站。而由於警方最新的處理手法一般是「快刀斬亂麻」，通常在這些街站擺設之後而市民未大批聚集之前，已經開始對這些政黨 (包括知名政治人物) 進行騷擾、警告、票控甚至拘捕。而早到的市民一般習慣是聚集在這些街站的周圍，一作聚人二作支援之用。尤其是如果警方有採取行動，很多市民會跟在場的大批記者圍上前，令到上述的「快刀斬亂麻」以致封路封地鐵站出師有名。

上面呢啲點為之「誤區」？同埋如果真係的話，應該點樣預備嚟緊嘅遊行？下一篇文再拋磚引玉同大家分享。

如有投稿，請透過 @AskChing_bot 提交。
- - - - -
銅鑼灣東角道
本區公海： https://publielectoral.lat/CWBhk
Channel: https://publielectoral.lat/CWBnow

#銅鑼灣 #安全觀察

民陣發起在10月1日港島區舉行一個名為「毋忘義士，釋放十二」的遊行 (https://publielectoral.lat/CivilHumanRightsFront/3230)。其中一個主題是要中共即時釋放12位手足。

由於警方的重手打壓以及政治高氣壓籠罩本港，筆者前兩天跟大家分享了一些對大型遊行的安全觀察 —— 當中列舉了幾個參與大型遊行的市民常抱有的誤區： https://publielectoral.lat/cwbnow/8530

如果唔要早到又唔要先聚齊人，應該點樣做先得？以下嘅建議係基於兩個假設(人數係我哋唯一優勢同埋有民陣吹雞會夠人出嚟)同埋一個目的(大家真係希望落到場成到隊形行到出街而唔係「陣地」aka 被圍diu狗)。

根據本區過往經驗，針對呢一類型活動，警方依家嘅諗法係「快刀斬亂麻」，包括搞街站搵藉口封路封地鐵站。

係對方咁嘅部署之下，即使當日我哋有過萬人出嚟，但係因為市民必定係分批、逐啲逐啲咁到達集合地點，好大機會係聚集唔到人 —— 因為警方根本唔會俾人聚集。

所以個關鍵唔係大家有幾早到。

要解決以上問題，個關鍵係我哋要做到一次過、一嘢全部人湧晒出嚟。

所以建議大家未夠鐘唔好聚集街頭聚喺街站四週。亦唔好集中單一商場去聚人集氣。大家要做嘅係各自 #碎片化 咁樣入商場、入超市、入安全嘅地方先。留意住網上消息：一收到 #指示，就一齊1212同一時間落地面。

咁樣就擋都擋唔黎。

就好似咁：

| | | | | | | | | |
vs.
||||||||||

前者我哋被outnumbered。後者有機會我哋outnumber番對方。

再次重申，上述嘅建議其中一個假設係建基於民陣吹雞會夠人出嚟。但觀乎各大討論區嘅氣氛，似乎係仍需努力。筆者冇連登戶口所以靠大家鳥⋯

如有任何情報、資訊，請透過 @AskChing_bot 提供
- - - - -
銅鑼灣東角道
本區公海： https://publielectoral.lat/CWBhk
Channel: https://publielectoral.lat/CWBnow

#讀者投稿
論紀律的重要性

去年反送中運動波瀾壯闊，其中一個特色就係無大台「去中心化」。無大台嘅好處係可以百花齊放，可以不斷試邊啲行得通變相continuous experimentation and A/B testing。另一方面，缺點係欠缺紀律。當人數係我哋唯一優勢，冇紀律、行動唔一致嘅話，呢個優勢就自然喪失，我哋亦都冇咗唯一嘅本錢。

一致嘅行動有多重涵義，其一就係關於時間性嘅掌握。舉一個例子：每次喺旺角開波都係只會有遲冇早，而每次喺老銅開波都係只會有早冇遲。背後原因係long story但係旺角通常要拖到傍晚時份，而老銅嘅話就一般太過早開波(以致俾對家藉口封路封站令行動斷橛禾蟲成唔到隊形等)。

正正係呢個原因，筆者喺之前同大家分享咗可以點樣synchronize點樣行動一致嘅方法：https://publielectoral.lat/cwbnow/8545

只有在時間上掌握得好嘅情況之下，我哋先可能outnumber對家。反之，斷橛禾蟲咁就只有企定定等「被橙帶」 —— 尤其係對家講到明係要快刀斬亂麻。

但係要做到行動一致嘅效果，前提係要行動之前、未夠鐘嗰陣大家要俾啲紀律。有所謂「大隱隱於市」：無理由企定定喺街等「被橙帶」。要突破橙帶就要夾好時間1212，同埋好似上述文章咁講未夠鐘大家要 #碎片化 待機(詳見該文)。

當然成功與否視乎人數。但係以上建議嘅好處就係如果到時人數唔夠嘅話，就可以resort to other means like 縮番入商場做啲感覺上比較安全嘅活動(雖然係false sense of security)。

講起商場：行動一致嘅另一個涵義當然就係關於地點。當人數係我哋唯一嘅優勢，而難得有大台出嚟吹咗雞而人數應該有咁上下，就冇理由將啲人數打散縮晒入18區商場 —— 尤其是入嘅商場風險程度其實arguably更加之高：https://publielectoral.lat/cwbnow/8565

順帶講講裝束：如果跟建議做法（等到夠鐘先一齊行動）就黑衫好啲。個好處係好使大家較準時間落到街嗰陣見到夠唔夠人開波。但如果用番以往做法的話（企喺街等被橙帶）就彩衣安全啲。

如有投稿，請透過 @AskChing_bot 提交。
- - - - -
銅鑼灣東角道
本區公海： https://publielectoral.lat/CWBhk
Channel: https://publielectoral.lat/CWBnow

#讀者投稿 #安全觀察
Shopping攻略（第一部份）

基於警方處理商場內進行的抗爭行動比以往重手，加上商場本身的環境限制，好似之前分享 文章 所講，在商場內進行活動，其實相比起街頭的陣地戰更加「陣地」—— 對家唔需要捕亦唔需要「布袋」已經包圍咗我哋。

仲未計商場活動已經被某白咭人士「玩爛咗」搞到一般人唔想去。

但由於喺呢個時勢實在短期內難以有大型街頭活動，呢篇文章就同大家探討下，一個新策略之可行性。

Disclaimer: 雖然聽日就係21號，但係此非行動post而係拋磚引玉，純粹學術討論。

警方執法的假陽假陰考慮

從警方執法嘅角度嚟睇，無論係喺街頭或者室內，每一次行動是否有成本效益視乎以下四樣嘢嘅比例 - -

1⃣️真陽性 (true positive)：準確地target參與行動手足；
2⃣️假陽性 (false positive)：捉錯咗行街買餸嗰啲；
3⃣️假陰性 (false negative)：放走咗參與行動手足；
4⃣️真陰性 (true negative)：放走咗行街買餸嗰啲。

叫得做黑警，當然佢哋係亂拉㗎啦。對佢哋來講，拉嘅數目當然越多越好，但相信都會盡量提高真陽性而減低假陽假陰。 （待續）

如有意見、投稿，請透過 @AskChing_bot 提交。
- - - - -
銅鑼灣東角道
本區公海： https://publielectoral.lat/CWBhk
Channel: https://publielectoral.lat/CWBnow