萬聖節金多寶$8,000萬今晚開售
馬會分享最旺號碼、點買先中多啲貼士

萬聖節未到，但六合彩萬聖節金多寶就會率先喺下周二（26日）舉行，如果一注獨中，估計頭獎基金高達8,000萬元！萬聖節金多寶將會喺今晚（21日）攪珠完成後開售，26日晚9:15pm就截止投注。而為預留更多時間畀顧客買彩票，馬會今個周六（23日）將會取消當日攪珠。

馬會又分享咗歷年萬聖節金多寶嘅「幸運號碼」，喺7次萬聖節金多寶攪珠中，最旺嘅係22號，攪出過4次；至於17及29號則分別攪出過3次。而最近4次嘅萬聖節金多寶，除2019年嗰次無人中頭獎，其餘3期就有3位幸運兒均以複式及自選號碼方式嚟中頭獎。

馬會就有貼士畀大家，話如果有8個心水號碼，可選擇買8個號碼複式獎券，包含共28個投注組合，如果攪出其中6個所選號碼，除可獲得1個頭獎，亦可領取12個三獎及15個五獎；而如果以每注$5「部份注項單位」去買，就將獲公佈每注獎金嘅一半金額。

#萬聖節金多寶 #六合彩 #金多寶 #萬聖節 #馬會 ##馬會 #頭獎

萬聖節金多寶8,335萬頭獎1注中 歷來第5高
攪出六合彩號碼 你中幾多？

今年萬聖節金多寶是第95期六合彩攪珠，總投注額1億6,600多萬元。攪出號碼為9、14、23、28、34、48，特別號碼36。頭獎1注中，每注派8,335萬多元，為歷來第五高；二獎6.5注中，每注派近120萬元；三獎257.5注中，每注派8萬多元。

#萬聖節 #金多寶 #六合彩 #頭獎 #channelchk