「新義安」疑不滿上月被「和勝和」扑車
尖沙嘴吹雞着黑衫拎鐵通「刮友」

周三（10日）夜晚大約十一點半，有市民喺尖沙嘴目擊一班黑衫人拎住鐵通「晒馬」，到底咩事咁大陣仗呢？Channel C收到消息，其實事件係同上月底有幫派喺尖沙嘴講數有關，如果唔記得咩事，即刻重溫當日嘅《嘮動新聞》啦！（ shorturl.at/ghqE9 ）

消息話，事源新義安疑對和勝和當日扑爆車呢件事深深不忿，知道佢哋其中有幾個人會經常喺尖沙咀出沒，所以就落Order叫人去「刮友」。根據熱心市民拍低嘅片段所顯示，噚晚一班黑衫人拎住鐵通喺尖沙嘴漆咸道南往幸福中心嘅天橋樓梯到集結，另外有部份人就行往電梯方向。而當時附近其實仲有唔少人喺巴士站等車，亦都有幾名男女正想上天橋。如果大家係片中嘅幾位後生仔女，會揀繼續上橋定係調轉頭走呢？

#channelchk #黑幫 #黑社會 #晒馬 #吹雞 #尖沙嘴 #漆咸道南 #天橋

《造星IV》「女版Ian」何佩為離世男友參賽 重拾歌手夢
盼憑歌記錄經歷治癒他人

噚晚（10日）播出嘅《全民造星IV》承接返上集16歲參賽者Ariel（曾家瑩）嘅跳舞演出（欲知詳情可參考呢度： https://bit.ly/309DFc3 ），佢嘅對手係被網民稱為「女版Ian（陳卓賢）」嘅何佩（何佩婷）。旁白君都話何佩笑容同Ian一樣有親和力，而且彈結他自彈自唱風格都好相似，就連主持強尼都話「Ian拍劇我幫佢搵咗個妹」。

何佩之前好鍾意busking同創作歌曲，佢YouTube頻道都有唔少自彈自唱嘅短片，亦曾有出鏡機會，但就對自己好多質疑，會覺得自己做得唔好，直至近日終於對舞台有渴望，有決心想做歌手，「好想可以畀多啲人見到自己。」不過，原來咁大轉變，係因為男友去年過身，所以今次參賽目的都想為男友做少少嘢︰「我做音樂路上佢好支持我，可能好sad，但係都係人生其中一個過程，所以我覺得用歌寫低好好，聽返可以知道自己經歷過啲咩」，佢亦希望自己嘅故事可以安慰同治癒到其他人。

到正式比賽，何佩自彈自唱表演原創曲《Unknown》，用佢嘅治癒聲線唱出自己嘅經歷，評判朱栢康聽完都話「係有feel嘅」，亦到觸動到佢，而且聽得出係有經歷喺入面；鄭融亦都形容佢係「治癒系」。最終何佩以3盞紅盞成功晉級60強，並加入導師許廷鏗（Alfred）嘅A隊。至於表演Popping嘅Ariel，評判都話佢演出唔係唔好，但因為已經有類近嘅參賽者。雖然Ariel跌入復活區，不過Alfred都話，兩個「邊個輸咗我都會救」。

閱讀全文：https://www.facebook.com/101870318844226/posts/145394771158447/

#channelchk #全民造星IV #何佩 #何佩婷 #女版Ian #陳卓賢 #曾家瑩 #阿杰 #張瑞芝 #盧芷韻 #嘉嘉 #張嘉慧 #曾美欣 #任佳慧

德國機構未收到欠款 擬對恒大提破產申請
外媒：恒大躲過債務違約

陷入債務危機的恒大集團（3333），第三次躲過債務違約。有份投資恒大債券的德國數據服務機構DMSA稱，恒大由今年9月起已拖欠支付兩筆債券的利息，而30日寬限期亦早已結束，故機構計劃向恒大提出破產申請，又呼籲其他投資者加入。不過有外媒及後報道，國際結算公司Clearstream的客戶已收到3筆美元債券的逾期付款，意味恒大再次躲過債務違約。

DMSA指，恒大需於11月10日前償還約1.48億美元，外界早前被恒大已支付利息的謠言誤導，實際上機構在發稿前仍未收到任何款項。DMSA指，隨着香港銀行營運時間結束，就代表可以肯定恒大償務遺約。DMSA指，美聯儲早前已警告，恒大的破產最終或會導致「大規模重置」，可能令全球金融體系崩潰。

在DMSA新聞稿發出後不久，《彭博》引述Clearstream發言人指，該公司客戶已收到恒大對三筆逾期美元債支付的利息，意味目前恒大的海外債務尚未有任何違約。受消息刺激，恒大今（11日）股價一度大升9%至2.59元，最尾收2.53元，仍升7%。

評級機構惠譽早前已將恒大及附屬公司的信用評級降至C，距違約級別只差一級。有傳媒報道，恒大主席許家印疑為救公司，日前抵押第二間山頂豪宅「還債」。另一方面，外媒報道引述知情人士稱，為顧及形象，中國政府擬將恒大部份資產分數年售予國內企業，令市場保持健康，防止其他開發商倒下。

搏唔切恒大反彈唔緊要，仲有大把投資機會等緊你。而家經Channel C專屬連結喺華盛通開戶，仲有特別優惠！不過投資涉及風險，大家記得量力而為啊～

【11月開戶送$1000股票💰】
立即為你送上華盛11月嘅開戶優惠😍！
成功線上開戶就可以拎到$1000股票(兩股Twitter)！
仲送你港美股0️⃣佣！同埋美股深度擺盤👍🏼，可以直接睇40檔報價！
首入金3萬仲會加送一手7522 ETF (約＄200)！
即刻睇下有咩獎賞啦👏🏻！

✨兩股Twitter（約HK$1,000），港股無限免佣
✨美股免佣半年
✨美股深度擺盤，40檔報價
✨HK$288港股免費串流報價
✨HK$300現金券轉倉賞

11月有咁多優惠，咁多著數，即刻嚟華盛開戶啦！
登記連結👉 https://shorturl.at/qrLMX

#channelchk #恒大 #Clearstream #DMSA #債務違約 #許家印 #財困 #山頂 #豪宅

直男帶情趣用品闖入同志圈
由遊行玩到After Party再做Sponsor
去片👉 https://youtu.be/ZwjhS4Pd9ec

一講起同志遊行，都可能會覺得係「同志限定」嘅活動，但異性戀者Billy喺幾年前就開始參加香港同志遊行，仲越嚟越投入，行完遊行去埋After Party！呢2年，仲以自己情趣用品舖頭Lovenjoy Club 嘅名義做埋Sponsor，究竟有咩咁好玩？

想支持香港性小眾？同Billy傾吓偈？今個星期六市集見！
🏳️‍🌈 2021香港同志遊行 - Rainbow Market 🏳️‍🌈
主題：相約別離 同見未來
日期：2021年11月13日（星期六）
時間：中午1時至晚上8時
地點：觀塘興業街4號The Wave 8樓全層

Lovenjoy Club 情趣用品店 / Play&Joy
攤位號碼：34AB

睇片👉 https://youtu.be/ZwjhS4Pd9ec

＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
同埋Follow我哋Facebook、Instagram同Telegram呀！
https://www.youtube.com/ChannelCHK

#hkp2021 #香港同志遊行2021 #LGBT+ #相約別離 #同見未來 #StayInLove #情趣用品 #性小眾 #同志 #同性戀 #gay #lesbian #bisexual #transgender

拎自己做實驗，袁國勇教授真係人如其名，Channel絲Respect！

去片👉 https://www.youtube.com/watch?v=rPUNkbugPq0
＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
同埋Follow我哋Facebook、Instagram同Telegram呀！
👉YT： https://www.youtube.com/ChannelCHK
👉FB： https://www.facebook.com/channelchk
👉IG： https://www.instagram.com/channelchk
👉TG： https://publielectoral.lat/channelchk
報料／廣告接洽：
info@channelchk.com
#channelchk #嘮動新聞 #科興 #疫苗 #袁國勇 #復必泰
＝＝＝＝＝＝＝＝＝＝=＝＝＝＝
🔥「爆片爆相」返嚟喇！🔥
一經獨家採用將會獲得由網上零食店易買
送出＄200元電子禮券！
報料WhatsApp： https://wa.me/85263544742

利君牙結婚！榮升市值逾1.5億網媒老闆娘
IG晒甜蜜：多謝你成日用行動證明幾錫我

網媒界大事之一，相信非利君牙婚事莫屬。原名陳柏寧、29歲的毛記電視藝人利君牙，昨晚（11日）在IG宣佈，與持有市值逾1.5億的毛記電視和100毛母企、毛記葵涌（1716）主席「阿Bu」姚家豪拉埋天窗，結束5年愛情長跑。她在IG除公開2人合照，更明言多謝對方「成日用行動證明幾錫我」，大晒甜蜜。

擁有四分一印度血統的利君牙，被指貌似TVB藝員朱千雪及歌手薛凱琪。她最初任職100毛維園年宵攤位，被當時其中一名「腦細」林日曦發掘，簽約成為毛記電視主播，廣為人知。2018年，毛記葵涌在港交所主板上市，至今阿Bu是公司主席兼執董，與另一名「腦細」、「陳強」陸家俊是聯合控股股東。2人通過各自擁有一半股權的BVI公司，共同持有毛記葵涌68%股權。

2016年，傳媒報道利君牙與阿Bu在銅鑼灣一帶拍拖，她其後承認戀情。至昨晚，利君牙突然在IG宣佈婚事，坦言自己「用咗好耐思考到底結婚係為咗咩？好多人都會話都係爭張紙啫，但其實又係咪真係爭張紙呢？最後我嘅結論係同平時做嘢一樣，諗幾多係無用，做咗再算」。她又在文尾大晒恩愛，「閃盲」大家：

「多謝你，
成日用行動嚟話我知，你有幾錫我；
例如記住晒我講過嘅無聊嘢；
例如打緊機都會照聽我電話（最多hea覆）；
例如好畀面食晒我啲垃圾創意料理。
不過其實，唔使做咁多，
間唔時用口講，我都OK㗎～」

無論你有冇另一半錫住，最緊要係識得錫住自己，用行動為自己將來打算。做好投資理財，可能係你幾OK嘅選擇。而家經Channel C專屬連結喺華盛通開戶，仲有特別優惠！不過投資涉及風險，大家記得量力而為啊～

立即為你送上華盛11月嘅開戶優惠😍！
成功線上開戶就可以拎到以下獎賞！

✨兩股Twitter（約HK$1,000），港股無限免佣
✨美股免佣半年
✨美股深度擺盤，40檔報價
✨HK$288港股免費串流報價
✨HK$300現金券轉倉賞

11月有咁多優惠，咁多著數，即刻嚟華盛開戶啦！
登記連結👉 https://shorturl.at/qrLMX

#利君牙 #結婚 #100毛 #腦細 #阿Bu #陳柏寧 #毛記電視 #姚家豪 #channelchk #網媒 #主播 #KOL #朱千雪 #TVB #薛凱琪 #林日曦 #毛記葵涌 #上市公司 #BVI

松鼠狗葵芳港鐵站外 慘被車撞死
司機疑不顧而去 狗主尋車cam求助

有網民在車cam Facebook群組出po，指昨晚（11日）7時40分，一隻白色松鼠狗在港鐵葵芳站門外被車撞死。肇事車輛未遵守交通法例停車，意外後疑不顧而去。網民收到狗主求助，代為出po，呼籲當時在場的車主提供車cam片段，還原真相（電話 46112661 ）。

不少網民對狗狗離世感惋惜，同時質疑狗主沒有幫狗狗戴上狗繩。狗主在Channel C IG留言澄清及交代事發經過，指狗狗每次外出一定會戴狗帶，昨晚亦不例外，但事發前牠突然衝前，更「縮頸」掙脫狗繩，「我好驚佢會走失，所以我第一時間追上去，想幫佢戴返狗帶先。但佢1歲，大個女啦，跑得好快，我喺後面好努力追，都追唔上佢」。追逐接近20秒，主人與愛犬相隔兩步之距，但狗狗突然衝出馬路，被車撞飛。

主人指，自己當時腦袋一片空白，一心只想知道愛犬生死，沒有留意車輛外形，「我無怪個司機撞到佢，因為事發突然，可能真係反應唔切，但我只係想問吓佢，點解明知撞到唔停低？」主人難以接受愛犬突然離開，認為若當時涉事車輛停下，愛犬可能仍然有救，「可能佢今日已經無事出院，繼續追住我、黐住我」。

#車cam #交通意外 #車禍 #松鼠狗 #葵芳 #港鐵

林家謙《二十五小》啖啖譚仔味 姐姐和唱勁pro
七師傅新制服行catwalk 賀25周年

「諗唔到食乜就食譚仔」，唔知大家係咪同Channel絲一樣都有呢個習慣呢？不過唔講都唔知，原來譚仔大過Channel絲㗎！譚仔25歲生日，梗係要做返啲嘢賀賀佢，就係「譚仔廿五載情如初見」活動啦！有啓動禮啦、廿五周年主題曲啦、慈善義賣啦、《譚仔．姐．遮》藝術展覽啦，仲有之前嘅「譚仔姐姐2046未來制服設計比賽」等。

首先聽下由人氣創作歌手林家謙作曲作詞同主唱、譚仔姐姐女聲合唱團和唱嘅主題曲《二十五小》先啦，淨係睇歌名都知啖啖「譚仔」味呀！呢首歌嘅MV取景於譚仔嘅「根」——深水埗。個MV嘅內容簡單啲講，就係家謙細個食完米線唔夠錢畀，譚仔姐姐見到就笑住收埋佢張單；到家謙大個仔，佢就學個姐姐幫個學生哥埋單。途中家謙仲途經咗好多個深水埗而家嘅地標，即使而家深水埗唔同咗好多、多咗好多文青Cafe，但譚仔同譚仔姐姐都係唔會變㗎～睇完個MV，除咗彷彿聞到譚仔陣味之外，Channel絲想講，睇開Channel C嘅人都知我好窮，如果家謙都可以幫我埋單就好啦～

譚仔國際集團CEO劉達民喺啓動禮到話，慶祝活動融合咗譚仔一貫「取諸社會，用諸社會」嘅經營理念，希望譚仔未來能夠繼續發揮創意，喺努力發展業務嘅同時，都可以積極回饋社會。CEO呢番話唔係講假㗎，譚仔今次搵咗6位本地插畫家：CHEAP CENTURY的蘇泳康、謝曬皮、PLASTIC THING、奶茶通俗學的崔氏兄弟、包川田和羅浩光，參與創作又靚又特別嘅「譚仔遮遮」，亦宣佈將透過協康會向有特殊教育需要嘅低收入家庭送出2,500套米線餐飲禮券。幫到人之餘，又推動到本地創作，好滾動呀～

喺啓動禮上，「星級譚仔姐姐」的七師傅仲聯同ViuTV藝人沈殷怡同劉沛蘅，一齊着住由HKDI學生設計嘅2021全新譚仔制服行catwalk。七師傅話，淨係佢流利嘅「譚仔話」，已經足以令佢勝任譚仔姐姐呢個角色，仲讚自己人生第一次喺公開活動行catwalk都表現得好好。

#channelchk #譚仔 #譚仔遮遮 #林家謙 #二十五小 #七師傅 #沈殷怡 #劉沛蘅 #制服誘惑 #catwalk #謝晒皮 #插畫 #plasticthing #cheapcentury #賤人新世紀

着制服懲教沙展 囚車司機位吸電子煙
讀者天水圍拍片直擊 10分鐘抽2支

有讀者向Channel C報料，指一名身穿制服、俗稱懲教沙展的一級懲教助理，昨（11日）早上10時許在停泊在天水圍天桃街的囚車司機位，吸食俗稱電子煙的加熱煙。據了解，懲教署規定，職員身穿制服時，不准吸煙。

該讀者向Channel C指，自己帶同女兒到附近的母嬰健康院時，發現片中身穿制服的懲教沙展吸煙。讀者指，對方留在囚車司機位約10分鐘期間，吸食2支加熱煙。至早上11時讀者離開健康院時，囚車仍泊在原處。

照片所見，囚車背後是英藝小學暨幼稚園，對出是天瑞路。附近除有衞生署母嬰健康院和普通科門診，亦有私人屋苑嘉湖山莊賞湖居、聖公會聖腓力堂和天水圍公園。

#天水圍 #懲教署 #吸煙 #電子煙 #加熱煙 #囚車 #沙展 #制服 #smoke #iqos #一級懲教助理 #天桃街 #天瑞路 #cigarette #tobacco #vape

「上海仔」現身中環IFC 腳步蹣跚
保鑣金晴火眼護實

涉嫌洗黑錢等多項控罪棄保潛逃逾2年嘅「上海仔」郭永鴻，早年返港被捕後，至今仍在保釋。有讀者報料指昨晚（11日）7時許，喺中環IFC商場後門見到郭永鴻蹤影，當時身旁只得一個保鑣保護佢上車，其間有一名市民行過，保鑣都大為緊張。

讀者提供嘅片段所見，郭永鴻搭扶手電梯到地面時，都緊握扶手，喺佢身後嘅保鑣就不時望向後方。另一段片段則見保鑣已走到私家車旁，見到郭永鴻就到時才開車門，但其間郭步伐緩慢，走動不太靈活，由車頭走到後座再上車用上約10秒時間；而郭上車後，可見到他撥了一、兩下頭髮。

外號「上海仔」嘅郭永鴻係黑幫「和勝和」前坐館，2016年7月由泰國布吉返港時，在機場被警方拘捕。當時他涉嫌「串謀勒索」、「串謀刑事恐嚇」及「串謀傷人」3宗罪；至2017年11月再被捕，當時他涉嫌於2007年1月至2012年7月間，透過本地銀行戶口清洗黑錢，並涉及過億元金額。他其後獲准保釋候查，不得離港，但翌年4月棄保潛逃，被警方通緝。

直至去年11月，郭永鴻由杜拜經曼谷抵港時，再被警方拘捕。他涉嫌兩項「串謀傷人」、一項「串謀刑事毀壞」及一項「刑事誹謗」，據傳媒近日報道，警方稱沒有足夠證據對郭提出檢控，他已獲無條件釋放。

#channelchk #上海仔 #郭永鴻 #洗黑錢 #國金 #IFC

行人危站將軍澳隧道出口往觀塘快線 嚇窒司機

道路駕駛者真係無時無刻都要一眼關七，周三（10日）夜晚九點幾，有一名「人士」企咗喺將軍澳隧道出觀塘方向嘅快線位置踱步，如果有司機揸歪少少，就隨時都會撞倒佢，真係險象環生。Channel絲睇返事發當時嘅車Cam片，片中嗰位人士着深色衫、白色鞋，加上企喺白線之上，成個人就好似有保護色一樣，司機稍不留神已經未必睇得清楚。

雖然唔講都好多人知，但Channel絲再提提大家，咁樣除咗危險仲係犯法㗎。根據《道路交通（快速公路）規例》第7條，任何人除非身在汽車之內或之上，否則不得進入、使用快速公路或在其上停留，一旦被定罪，最高可被罰$5,000及監禁3個月。

#channelchk #車Cam #公路 #將軍澳隧道 #觀塘繞道

【1940更新】
26歲前男警涉水警殉職後fb發表仇恨言論 被控煽動准保釋再訊

水警林婉儀今年9月追截走私快艇時墮海殉職，警方昨（11日）於沙田拘捕一名26歲已離職男警務人員，涉嫌在社交媒體發表煽動言論。案件下午在西九龍裁判法院提堂。法官聽畢控辯雙方陳詞後，批准被告以2萬元現金保釋候訊。

26歲被告崔駿民報稱無業，被控一項作出一項或多項具煽動意圖的行為罪，即於今年9月25日至9月28日期間，在facebook發表公開陳述，意圖引起對特區政府、香港司法的憎恨或藐視，或激起對其離叛，或引起香港居民間的不滿或離叛。

國安法指定法官、署理總裁判官羅德泉應控方要求，被告暫毋須答辯，並將案件押後至明年1月14日再訊，以待警方作進一步調查、及檢驗被告的數碼裝置，被告准以2萬元現金保釋候訊。

警方網絡安全及科技罪案調查科總督察戴子斌今日較早前表示，水警總督察（追授）林婉儀殉職後，警方留意到有不法分子於社交網站發表具煽動意圖言論，「務求引起對香港政府憎恨同市民間不滿」。經深入調查後，警方鎖定該名26歲前警務人員。警方昨日將他拘捕，並檢獲3部電話。

戴子斌又說，相信今次事件是個別人士行為失當而干犯罪行，會不偏不倚多角度調查，並檢視疑犯有否同時干犯其他罪行，又稱不排除有更多人被捕。

他又提醒市民要留意不法之徒利用網上散播仇恨，對這種扭曲價值觀的行為，強調警方絕不會姑息。而根據《刑事罪行條例》，任何人作出煽動意圖行為或發表煽動文字，一經定罪，首次犯案可判罰款5,000元和監禁2年，再犯者可判監3年。

#channelchk #男警 #警務人員 #煽動 #林婉儀 #水警 #散播仇恨

「三高」六旬漢打科興2日後亡 裁定「死因存疑」
專家委員會下周一討論3歲可接種科興

一名患有「三高」及心肌梗塞的六旬漢於年初疫苗接種計劃開始首日，接種首劑國產科興疫苗兩日後去世，成為首宗針後死亡個案。死因庭首次就疫苗死亡事故召開死因研訊，陪審團退庭商議超過4小時後，一致裁定「死因存疑」，認為導致死者死亡的原因為急性肺水腫。

裁判官周慧珠今早引導陪審團時指，若陪審團認同死者在接種疫苗前已患有心肌梗塞，引起急性肺水腫，即是死於致命疾病，應裁定「死於自然」。而接種疫苗前已出現急性心肌梗塞，即兩者無因果關係。即使未能排除科興疫苗可能令急性肺水腫惡化，均可裁定死者「死於自然」。相反，若陪審員不接納本案專家證人之口供，認為有其他因素引致死亡，但由於未有足夠證據指其他因素為何，則可裁定「死因存疑」。

陪審團建議衞生署在接種疫苗小冊子上，對「未控制的慢性病」提供實際例子，例如糖尿病、心臟病等，列出的病患名稱不應只有專家用詞，要確保市民明白，並解釋何謂受控病患，即病情嚴重，需服用藥物應對的疾病，同時列出嚴重疾病的選項供市民剔選，讓當值醫生留意及提供建議。

63歲男子李宇根於2月26日在官涌體育館疫苗接種中心接種第一劑科興疫苗，兩日後因氣促到伊利沙伯醫院急症室求醫，及後心跳停頓但搶救無效，28日凌晨證實死亡，終年63歲。死因研訊早前傳召了16名證人，包括死者親友、為死者診治及急救的醫生、疫苗臨牀事件評估專家委員會成員等。

另外，新冠疫苗顧問專家委員會下周一（15日）開會討論，將科興疫苗接種年齡下調至3至17歲。疫苗可預防疾病科學委員會主席劉宇隆向傳媒表示，政府於10月中旬收到科興申請更改接種年齡至3歲或以上，當時表示將交予疫苗顧問專家委員會考慮及審批，並向食衞局長建議是否批准申請。

#channelchk #科興 #疫苗接種 #死因庭 #COVID19 #三高 #心肌梗塞

《造星IV》中性Dru勝人靚聲甜Yoyo
上屆20強方方不敵全能Marf

《全民造星IV》每一集都有驚喜，而個「驚」係評判畀觀眾嘅。有邊個會估到，喺MV以「寶礦力」Feel青春氣息脫穎而出嘅Yoyo，會不敵唱歌扮型嘅中性Dru吖⋯⋯仲要係一盞燈都拎唔到！

第九集嘅第一場對決就係Yoyo Vs Dru。29歲嘅Dru話，中性打扮嘅成員可以為女團帶嚟特色，但花姐喺面試嘅時候就一眼睇中樣子甜美嘅Yoyo，仲話「寧願唔要MIRROR都要佢」。雖然中性感覺嘅女團成員都可以好吸引，例如韓國f(x)嘅Amber、短髮嘅Twice定延等，但歌喉未見特別出色嘅Dru，喺表演嘅時候，似乎比較平平無奇。而可以靠樣做花瓶嘅Yoyo，就用台灣樂團F.I.R嘅歌《Lydia》編排咗唱歌同跳舞表演，雖然表情管理可以再好啲，但聲線悅耳、跳舞唔錯，Channel絲以為佢入硬圍⋯⋯可惜，Yoyo最尾以三盞藍燈輸俾Dru，要跌入復活區，而梁祖堯就代表「LGBT」Pick Dru入佢組。唔少網民對評判嘅決定大感驚訝，話越嚟越唔明評判嘅準則，「係咪靚女就要跌入復活區等人救㗎？」

全文閱讀：
https://www.facebook.com/101870318844226/posts/145658871132037/?d=n

#channelchk #全民造星IV #方方 #Marf #Yoyo #Dru #榛綦 #2Ling

唔好成日台灣台灣，其實香港都有彩虹㗎！
去片👉 https://www.youtube.com/watch?v=hURTrNaqwTY
＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
同埋Follow我哋Facebook、Instagram同Telegram呀！
👉YT： https://www.youtube.com/ChannelCHK
👉FB： https://www.facebook.com/channelchk
👉IG： https://www.instagram.com/channelchk
👉TG： https://publielectoral.lat/channelchk
報料／廣告接洽：
info@channelchk.com
#channelchk #同志 #性小眾 #LGBT #市集 #同志遊行 #彩虹 #Rainbow

警員被咬至傷口見骨 漁護署今起每月捉野豬人道毀滅

日前北角有警員被野豬襲擊及咬傷，漁護署今（12日）發表新聞稿指，為減少野豬數目及野豬滋擾，將會定期捕捉在市區出沒的野豬及把捕獲的野豬人道毀滅。

漁護署解釋，過去十年香港共錄得36宗野豬傷人個案，其中超過八成、即36宗，均是於過去三年發生，即平均一年有十宗，較以往七年一宗大增。署方自今日起，會把在市區出沒的野豬捕捉及人道毀滅，又會每月都進行野豬捕捉行動，利用麻醉槍捕捉目標野豬人道毀滅。漁護署稱，會優先處理有大量野豬出沒，及野豬曾傷人或對公眾構成危險的地點。

漁護署將野豬出沒歸咎於「人為餵飼活動」，又呼籲市民在任何情況下都不要餵飼野豬。署方指，目前正研究修訂《野生動物保護條例》（170章），包括擴大野生動物禁餵區範圍，加強控制餵飼活動等。

#channelchk #野豬 #漁護署 #警員 #襲警 #人道毀滅

女YouTuber指醉酒「斷片」後遭男友人強姦
男被告今脫罪 與妻散庭後擁抱

28歲港女YouTuber早前聲稱酒醉「斷片」後被男友人強姦，案件上周於高等法院開審，陪審團今以6比1大比數裁定男被告強姦罪罪名不成立。被告家屬聞判後喜極而泣，而男被告亦有與妻子擁抱。

32歲姓雷的男被告，被控於2019年4月23日在油麻地強姦女子X。現年28歲、報稱擔任YouTuber的事主X，早前作供時曾透露，案發當月她剛與男友分手，所以每次心情低落都會喝酒。X在案發前4個月認識被告，二人為朋友關係，當日她與被告凌晨1時許到太子一間酒吧，飲完1瓶白酒後便告「斷片」，直至早上7時許醒來，發現被告正在與她性交。X形容當時感覺驚慌及錯愕，又即時縮腳並瞪住被告，而被告最終則離開。

男被告出庭自辯時反駁X說法，指X當時有酒意但沒有飲醉，又稱X在性交過程中有呻吟。而涉事酒吧的閉路電視片段顯示，二人離開酒吧時亦有手拖手。

#channelchk #強姦 #YouTuber #醉酒 #飲醉 #太子 #酒吧

毛記版霸道總裁愛上我～❤️一齊重溫利君牙同阿Bu嘅愛情之路

去片👉 https://www.youtube.com/watch?v=wQoSMhgAmHU
＝＝＝＝＝＝＝＝＝＝=＝＝＝＝
記得Like、Share、Comment條片，Subscribe我哋YouTube Channel，仲有撳埋鐘仔搶先睇片喇！
同埋Follow我哋Facebook、Instagram同Telegram呀！
👉YT： https://www.youtube.com/ChannelCHK
👉FB： https://www.facebook.com/channelchk
👉IG： https://www.instagram.com/channelchk
👉TG： https://publielectoral.lat/channelchk
報料／廣告接洽：
info@channelchk.com
#channelchk #100毛 #毛記電視 #利君牙 #阿Bu #嘮動新聞

東涌福朋喜來登爆疫 同層2人染Delta+變種
袁國勇：客房做運動製毒氣 擾流效應走廊染鄰房

本港早前兩宗COVID-19輸入個案，患者均於東涌福朋喜來登酒店檢疫期間，確診更易傳播的Delta+變種（AY.4.2亞系），且住同層相鄰房間。政府專家顧問、港大微生物學系講座教授袁國勇視察後，指先發病的患者、即56歲男子，常於房內做運動，噴出的「毒氣」疑因擾流效應流出走廊，意外傳染常不戴口罩開門的62歲男子。同層的54名住客，須入住竹篙灣檢疫中心。

衛生防護中心早前指，二人先後在上月22日及本月1日，分別於泰國及英國抵港，於本月1至6日同時入住酒店在15樓的1515及1517號房。由於二人的基因排序百分百相同，故當局相信病毒在酒店傳播。 袁國勇指，住在1515號房的56歲男於4日出現病徵，而1517房間住客打開房門時，大多數都無戴口罩，故可能導致意外感染。

袁國勇強調，檢疫酒店房間並非醫院隔離病房，難以避免擾流效應，但建議若檢疫住客想在房內做運動，房內一定要設有空氣清新機，以減低病毒數量，而住客打開門亦一定要戴好口罩。袁又發現，有員工在走廊噴消毒液時表現「麻麻」，建議酒店重新訓練員工。

東涌福朋喜來登酒店屬萬豪國際集團旗下，去年12月1日正式開幕，並於同月底成為政府指定隔離酒店。同位於東涌的世茂喜來登酒店向Channel C澄清，世茂喜來登與爆疫的福朋喜來登是分開營運，僅福朋喜來登屬政府指定的檢疫酒店。

#channelchk #袁國勇 #COVID19 #喜來登 #福朋喜來登 #東涌 #sheraton #sheratonhotel #marriott #萬豪 #酒店 #hotel #變種病毒 #deltavariant #deltaplus #quarantine #mask #口罩 #擾流效應 #空氣清新機 #檢疫 #隔離 #做運動 #sport #excerise #workout #gym

野豬襲警片段曝光！
受傷警被追住咬逾10秒 一仆一碌落荒而逃

一名男警周二（ 9 日）遭野豬咬傷後，漁護署昨晚（12日）即宣佈會將市區出沒的野豬捕捉及人道毀滅。野豬襲警案發一刻片段亦曝光，可見受傷警員被野豬追住咬至少10秒，警員一仆一碌慌忙逃脫，未知最後有否再被野豬追捕。

流出的片段長46秒，片中顯示事發時間為本月10日凌晨12時05分，與野豬襲警當晚，輔警晚上11時許到場時間吻合。片段初時可見，輔警當時正在停車場，並手持會發出紅色光的棍狀物，當他走到一架私家車旁時，一隻野豬突然撲向他，將他推跌，輔警似想立即企起身離開時，再不斷被野豬撞擊，輔警「一仆一碌」走到兩車之間的窄位，但仍被野豬追至。

片段未有拍攝到輔警如何逃出野豬「魔掌」，只見他從另一架車旁邊慌忙逃出，與野豬走相反方向，但最後野豬似乎發現輔警，慢慢向輔警逃離方向走近。

事發在周二晚8時許，一名大廈保安員在北角天后廟道26至32號飛龍台2樓停車場，發現一隻野豬受傷，於是報警。警員到場戒備，並通知漁護署協助。至晚上11時許，3名輔警到場接替同袍封鎖現場，其中一名輔警沒持盾牌；漁護署人員及後亦到場，手持工具準備圍捕。

其間，野豬疑感威脅亂竄，一度隱身草叢內，當人員進一步行近時，野豬突撲出撞向一名52歲輔警。輔警閃避不及，遭野豬撞跌倒地，野豬繼而張口狂噬，咬傷輔警右小腿、左邊臀部及右邊腰部。受傷輔警其後在長椅上等候救援，當時從網上圖片可見，輔警臉色蒼白；小腿傷口深可見骨，右面褲管都滲滿鮮血，腳掌亦沾有血迹，要先由同袍幫忙止血。

至於咬傷警員嘅野豬逃走後疑慌不擇路，由停車場跳落約10米下山坡時受傷，漁護署獸醫到場施以麻醉槍將其捕獲，其後證實傷重死亡。

而事發3日後，漁護署昨晚發新聞稿指，為減少野豬數目及野豬滋擾，將會定期捕捉在市區出沒的野豬及把捕獲的野豬人道毀滅，並優先處理有大量野豬出沒，及野豬曾傷人或對公眾構成危險的地點。署方又將野豬出沒歸咎於「人為餵飼活動」，呼籲市民在任何情況下都不要餵飼野豬。野豬關注組則去信署方要求撤回政策。

#channelchk #野豬 #野豬襲警 #漁護署 #警員 #襲警 #人道毀滅

袁國勇：港現時通關恐有上萬人死亡
倡政府制訂打針時間表 明年3月限期前打齊2針

政府專家顧問、港大微生物學系講座教授袁國勇建議政府推行「本地疫苗護照」後，引起極大迴響。袁今日重申，當與內地及國際通關後，「香港一定會有爆發」，甚至可能會有上萬人死亡；認為若無接種疫苗，就不應到公眾場所，強調「疫苗通行證唔係為咗麻煩」，而是保護市民。

本港疫苗接種率一直都未能突破7成，袁國勇在商台節目《政經星期六》表示，若現在開關，以現時香港仍有約三分一人未打疫苗推算，即有約250萬人沒有免疫，若按以往季節性流感傳播速度去推測，兩個月就有20%的人感染COVID-19，即有50萬人感染，計及COVID-19死亡率有2%，即若現時一通關可能有一萬人死亡。此外，醫療系統會承受極大壓力，所有非緊急服務都會停頓，影響每一個香港人。

他續說，若全港市民已打針，死亡率可能跌至0.1%，預計只有500人死亡，與季節性流感的死亡數字差不多，認為「疫苗護照」可以幫到大家。

袁國勇稱，部份仍未接種疫苗人士多為對疫苗感到擔心、不相信政府、只聽從KOL意見，相信相關人士不會聽從政府勸喻。他建議政府應該訂下時間表，例如明年1至3月讓所有港人要完成接種兩劑疫苗、7至9月已打第3針，屆時再開放邊境，引起的震盪就可以減少好多。他認為「香港人都係坐同一條船」，為香港應接種疫苗。

食衞局局長陳肇始在港台節目亦表示，某程度上認同「疫苗護照」，認為到戲院或健身室等，是有需要接種疫苗。但她強調並非針對某些場所，指現時市民到D類食肆或卡拉OK等場所，都需要出示疫苗接種紀錄，有關做法並非新事物。若得到相關場所負責人支持，就能更快推動相關措施。

對於有意見認為成年人接種疫苗後，小朋友不用接種，袁國勇強調完全不正確，以季節性流感舉例，很多爆發都是兒童感染後，傳染給成人及長者造成爆發。

袁國勇又估計，本港下周將決定將兩款新冠疫苗接種年齡，降低到3至12歲兒童。他表示有勸喻當局為兒童接種疫苗時可以將注射部位，從肩部改為於大腿，以提高安全性；並建議家長若仍有疑慮，可安排子女接種科興疫苗，雖然抗體量較低，但可以接種3至4針達同等保護力。

註：原圖出自政府新聞處，為海關及消防處在港珠澳橋舉辦行聯合反恐演習資料圖片。

#channelchk #袁國勇 #疫苗護照 #通關 #打針 #第3針 #Covid19