#手足投稿 #警世
被狗知住處嘅手足留意
⚠️⚠️⚠️⚠️⚠️
「前幾日番屋企發現屋企門口有兩個人喺度鬼鬼祟祟，上前問佢哋咩事，佢地即刻跑走

後尾發現屋企門口被人安裝左兩個針孔cam，即刻通知保安同報狗

喺等緊狗果陣又見返果兩條友，即刻捉住佢地交俾狗，d 狗話個兩條友係CID做緊神秘調查，再同我講一番誤會，就拆左d cam 就走左」
⚠️⚠️⚠️⚠️⚠️

#巴打投稿 #流亡手足 #警世
🛎🛎🛎🛎🛎🛎🛎🛎🛎

想借Scott Scout分享一件事，請抽兩分鐘睇一睇。

是咁的，長話短說：最近台灣有一個 私家偵探跟蹤、監視來台旅遊香港人 嘅個案上咗法庭審理。成件事最值得留意嘅係：⚠️其中一個被捕嘅委託人係香港後生仔⚠️，而佢聲稱背後嘅「老闆」係「香港人」。相關新聞報導👇
https://tw.appledaily.com/local/20201022/F4LLB3AW6RFAZFQFIZZNPVL5CQ/

🈲呢件事提醒所有手足，無論你身處何方，行事、為人都要謹慎，壞人隨時在身邊：

👍靜雞雞
求下你唔好再咁多口做大聲公，有好多嘢根本唔應該講出嚟，你做過乜、朋友做過乜、朋友嘅朋友打算做啲乜，一切在心中，言多必失。

👍帶眼識人
唔好對陌生人有幻想，「香港人」唔一定係手足；一嚟就自稱手足/乜乜乜臺鴨免/乜乜小隊成員果啲更加要小心。本身唔識嘅人，千萬不要單獨赴會。

👍活在未來
大仇報咗未？未！
香港光復咗未？未！
國際戰線成熟未？未！係乜都未！
過去有幾威，無人想知，請繼續努力裝備自己，累積實力，重新定位自己角色。

👍注意私德
人在外地，代表香港，請額外注意私德，唔係要做聖人，只求對得住良心，唔好做仆街仔。不要因為私慾，施加痛苦到本地人身上。

👍應慳則慳
食住等基本需求遇到困難，贊成向人尋求可信之人幫助；苛索金錢享樂，請過主。本地家長唔係銀行，唔識印銀紙；香港經濟亦都好差，好多人失業，無錢浪費係無謂野上。

🥽煲底之約
最後，各位流亡手足，流離失所的滋味、過程的辛澀，我非常清楚。請堅強，好好保護自己、保護身邊人，我們並不孤單，期待日後煲底除罩相見。

保重