面對怪物要比怪物更強
若只懂濫賣悲情，只會陷入永續抗爭輪迴

//上星期日，香港人喺英國曼城中國領事館外示威，遭中國領事館官員捉入領事館內圍毆。今週日(23日)，英國多個城市有港人組織發起示威，抗議此事。

中共駐外領事恃住外交豁免權，於講求法治、人權嘅國家仍有恃無恐公然毆打示威者，事後外交部歪曲事實，誣蔑示威者攻擊在先，仲要求英國向中方領事「提供便利」。整件事中，中共必然係最需要譴責嘅一方。

接二連三喺海外示威受襲之後，香港人有無反思應該如何應對呢？自2020年起，海外港人示威不斷面對小粉紅襲擊、騷擾，尤其是喺英國。因此香港人每次出嚟示威之前，都應該萬全準備，隨時預備自衛甚至還擊。除非香港人想每次都本住被人打，賣慘嘅心態出去示威。若永遠抱住受害者心態，究竟係示威定示弱？


今次事件中，英國警方相隔20秒先至入館救人，事後只係稱會調查。中共施襲者仍然大搖大擺。從今次事件可見，縱使喺民主國家，只要一涉及外交問題，就算被中共人士襲擊、騷擾，當地政府都係愛莫能助。追溯到問題嘅最根本，香港人冇代表自己嘅國家，去到邊度都只能係異鄉異客。

今日香港本土已經不能再發出任何反對聲音，不少尚在本土嘅手足都寄望海外港人代為發聲，豈料海外卻再度陷入形式化抗爭，除左賣慘了無方向，一有人號召勇武行動，捉鬼大師立即現身。

面對怪物，要比怪物更強。香港人仍無力抵擋中共怪物，因為我地仍未夠強。而重蹈舊有抗爭模式，只會使我地無法突破，跌入永續抗爭，而無成果嘅無限輪迴。
惜今日海外各地港人抗爭，對比2019年不但未見進步，每年集會人數，愈集愈少人，仍有人肯走出嚟已經值得高興，其餘香港人，移民後將香港拋諸腦後了嗎？//

📌完整文章連結
https://publielectoral.lat/HKNFChannel/3134

#香港獨立 #香港民族 #光復香港 #香港人反抗