牢獄係一種好有距離感嘅不幸，細個成日睇鐵窗邊緣，但從來冇諗過自己會喺邊緣嘅一側，而家人、摯愛身處另一面。

社會吃人，制度吃人。細細個覺得賣命係一個好幽默嘅自嘲，講嗰個人應該唔係真係咁慘，直到投身社會嘅第一日，賣命變成一道陰影，一道蒙罩住餘生一大段嘅陰影。

然後今日，窗框都吃人。我哋都知道CV突然空白五至十年嘅下場，都知道如果我哋今日突然一走了之十年嘅，愛侶同父母嘅路會幾坎坷，我哋做慣社畜一定明。如果當日係我哋遭受呢種不幸，我哋又會又幾徬徨？

至少呢刻，我哋有命可賣，我唔奢望要倖存嘅人擔起所有勞動責任，咁係唔Fair嘅要求，月月幾千咁，我哋都係人，都需要安穩。所以我哋只係卑微咁呼籲，希望大家許下每月一餐午飯嘅承諾，呢個50蚊嘅承諾，僅獻予被奪走10年光景嘅佢哋。

#在囚支援 #人道支援 #重建信任

社會是非顛倒，信任多次被破壞，
受害嘅唔單止係善良嘅大眾——

當日諗住讓俾更有需要嘅人，
今日偏偏成為最需要被幫助嘅人，
回首已經身處一個充滿懷疑嘅社會，求助卻是無門。

『有人開口問，係咪就係真正要被幫助嘅人？』
呢個問題由我哋去幫你求真，
細榕同多個在囚者支援組織溝通，
同時要求申請者提供身份證明、在囚證明甚至家屬證明，確保申請者真係有需要人士，
並且幫忙將捐款安全送到在囚者手上。

喺失去信任嘅時代，陪我哋一齊重建信任。

#在囚支援 #人道支援 #重建信任