#讀者投稿

還押手足對流亡手足嘅說話

有時候，我會問自己或是戰友們，現今香港嘅戰況，勇武應何去何從？每次走過熟悉的街道，人來人往，在腦海中經常都閃過往日共渡難關嘅日子，可憾是難關依然未過，我哋依然未贏岀依場革命。

喺還押嘅日子當中，我地都會苦中作樂，細說過去嘅戰事，有血有淚，有苦有樂，我地只能夠依憑一種互相嘲諷嘅態度，去走過渡日如年嘅生活。如果我地身處異地，可以流亡到其他國家生活，我地嘅人生會否不同？喺唔同嘅還押所內，唔同嘅手足面對嘅刑期都各有不同。可能係一年，五年，甚至十年以上。而奇怪嘅係，外人眼中最顯得處之泰然嘅手足往往都係面對長刑期(包括我)。其實我地並唔係你地想像中咁堅強，我地都只係一個普通香港市民，爲左公義同民主而奮鬥。我地會失望，失落，迷惘同絕望。曾經我亦喺獄中閃過一絲自我了斷嘅畫面，最後當然無做到，因為我地唔可以跪地倒下，唔可以比依個暴政見到我地狼狽嘅樣子。

當我有幸走岀還押所，聯絡返流亡台灣嘅昔日戰友，發現佢地原來同我一樣，囚在牢獄之中，只係有牆同無牆嘅分別。大家都對前路好迷茫，活着猶如行屍走肉，失去靈魂及方向，被逼徒步前行卻沒有岀口。

有海外手足問過我：「我地仲可以做到啲乜野去繼續依場革命？」我只係回應左一句：「留住條命就夠，人都無，點光復香港？」香港假如完全淪陷，需要你地每一位係海外延續香港人嘅火種。即使立場不同，只要理念一樣，就可以團結一致。每一個手足雖然只係一根小火柴，集結嘅星火卻可以燎原。

保持勇武嘅心態，憶起過去共同應對嘅場境，在戰場上無分你我，只有戰友和敵人。到今時今日，敵人依然存在，亦只有一個。

海外流亡嘅手足們，請保留有用之軀，無懼之心，跳出自己嘅想像，不要局限自己，即使不在戰場上，亦要令敵人害怕自身嘅強大。

我地係 香港人，無論身在何方，依個身份都不變！