一位曾同大家操練，已離開香港嘅手足有寄語送畀大家

#已得到同意轉發
#原po已改
#離別

咁多位手足，巨巨s，無論我哋喺呢兩年有冇喺操練時見過面。小弟都十分感謝大家喺呢段時間嘅陪伴，一齊和你eat，一齊操，一齊揸灘，一齊進步。係大家令我知道，無論當下嘅情況有幾惡劣有幾瘋癲，都有一群同路人陪住我一齊瘋癲一齊憤怒即使當下做唔到啲乜嘢亦都可以為將來做好準備，令我知道手足一直都在。對唔住咁多位，我暫時會登出香港嘅Server，期待他日裝備得更好之後可以同大家喺返呢個Server度一齊爆機。正如手足話齋，樂觀唔會令到你贏，但係樂觀會係驅使你贏嘅一個動力，唔好灰心，唔好俾呢個政權打沉。手足，和你抗爭，我很愉快。我好榮幸可以同大家一齊參與呢一段香港人永遠唔會忘記嘅過去，同時亦都好榮幸大家都係呢一段歷史嘅一份子。多謝大家。希望大家將來繼續帶住逝去手足嘅寄託生活落去，直到香港光復，烈士安息嘅一日。願大家平安，健康。

我以香港人嘅名義起誓，永遠唔會忘記呢度發生嘅所有事情，並會將係呢片土地上面發生嘅所有事傳承落去，一息尚存抗爭到底，至死守護呢片土地。

別了，我城。
諸位，保重。
緊記，約定。
煲底，再會。
光復香港，時代革命。