【再見，事頭婆-倫敦白金漢宮活動悼念活動】

伊利沙伯二世女王陛下於昨日駕崩，今日白金漢宮前有大批群眾嚟獻花悼念，由於人數眾多，為免堵塞以及造成混亂，官方將憲法場地移師至白金漢宮附近嘅聖占士公園。

悼念活動亦有唔少香港人參與，沿路見到至少20幾名香港人前往白金漢宮，於獻花場地亦有人獻上香港旗以紀念曾經作為香港君主嘅女王陛下。

#英國 #倫敦 #英女王 #伊利沙伯二世 #駕崩
———————————————
更多資訊，包括最新一期《自由港》請點擊以下連結⬇️⬇️
https://linktr.ee/HarbourofFreedom

捐款支持我們:
https://ko-fi.com/harbour_of_freedom

【倫敦伊利沙伯二世女王陛下公眾瞻仰靈柩】

本日（9月19號）朝早六點半，於西敏宫嘅公眾瞻仰靈柩活動正式結束，隨即將於本日舉行國葬。

於短短四日之內，除咗各國元首出席憑弔之外，更有大批群眾前來表達哀思，等候隊伍最長嘅時候長達16公里，遠遠超出官方預期，甚至需要關閉部份地鐵出入口以防止造成混亂。

由於參與人數過多，輪候時間亦都相當之長，唔少人都有中午輪候至深夜，甚至有人通宵紮營等候瞻仰女王。而官方亦向等候群眾派發手環以作識別，等佢哋可以暫時離開等候隊伍稍作休息。

有見及此，救世軍亦係千禧橋環球影城旁邊設置休息站提供免費熱茶、熱水以及咖啡，派發禦寒毛氈，並設置座椅俾群眾稍為歇息。

而沿着等候嘅人龍，我哋可以見到沿途嘅公共設施以及商舖都展示出伊利沙伯二世女王陛下嘅相片，以紀念呢位統治不列顛長達七十餘年嘅君主。

修正：第一張圖片為今日較早時分等候國葬儀式群眾。

#英國 #倫敦 #英女王 #伊利沙伯二世 #駕崩
———————————————
更多資訊，包括最新一期《自由港》請點擊以下連結⬇️⬇️
https://linktr.ee/HarbourofFreedom

捐款支持我們:
https://ko-fi.com/harbour_of_freedom