▌據多間媒體報導，《#東張西望》主持 #黃穎君 (基本藝人合約) 已離開 #TVB (AKA #老人台)，並獲民政事務局聘用為媒體主任，該職位月薪達67,295元，合約期為一年，職責包括檢視市民意見、制訂公關策略、傳媒聯絡等。

▌黃穎君有「翻版謝安琪」之稱，佢喺2012年參選港姐落敗後加入無綫電視，擔任娛樂新聞台主播，又喺多齣電視劇出演小角色，期間取得中大社會學系碩士學位。2019年，黃穎君加入《東張西望》成為外景主持，近期因報導曱甴屋事件而受關注及被TVB打手吹奏。

▌根據《信報》報導，黃穎君曾參加民主思路課程，本身亦係親中組織香港青年聯會成員，另外，黃穎君近期亦為香港再出發大聯盟擔任選舉論壇主持，可見黃穎君具備愛国愛港嘅心，相信定能勝任民政局呢個職位。

▌#TVB法律部 近期戰狼上身，頻頻出征，繼強行註冊 #SayNo4TVB 商標及舉報本專頁之評論貼文後，今日(31日)本團隊再收到Instagram通知，指我哋一篇報導「《東張》主持黃穎君離巢 獲聘為民政事務局媒體主任」侵犯版權，舉報人為TVB。

▌呢篇報導用咗《#東張西望》嘅 #黃穎君 截圖，本身已經Blur咗Logo同咪牌，貼文內容分為三段，第一段係報導《東張西望》主持黃穎君離開TVB，轉往政府任職的敘述，第二段為介紹黃穎君在TVB的經歷，第三段則係敘述黃穎君的政治立場，及本團隊對黃穎君的期許。根據香港《版權條例》，在特定的情況下，例如批評、評論和報導時事，可合理使用他人的版權作品，而不會招致民事和刑事責任。換句話說，即係TVB又濫用舉報功能，以「侵權」為名義打壓言論自由、消滅異見聲音，而meta公司（包括FB及IG）又再一次成為幫兇，本團隊已經就裁決提出上訴。

▌各位做開專頁嘅朋友，我哋嘅遭遇並唔係孤例，你哋望吓 #游大東（@yautaitung）、#方以文（@fongemantvman）最近都一同遭殃，就知道TVB已經不顧企業形象，封殺所有中立，或者無一面倒唱好TVB嘅頻道，大家以後取用TVB素材，或者用到三色台Logo嘅時候小心啲喇。