#文宣投稿 #PolyU

黃絲係好多人, 但90%都係和理非, 我都係一個和理非, 好想幫手, 但老實說, 尋晚到而家, 一個具體方案都無, 係咁叫人出去就最多行行企企, 遠距離望下望下, 身為和理非都唔知可以點先幫到。

如果要武力對打, 就要好似1993年索馬利亞戰爭, 美軍彈盡糧絕被圍困, 做法係Call出面增援掩護, 主打一個缺口, 同時間入面D人全部一齊係缺口攻出黎, 然後係戰火裡面盡量逃走, 但有一個問題, 而家入面既手足唔係個個都有勇氣以死相搏, 就算有勇氣都未必有能力, 再加上已經無乜魔法, 而且出面既手足魔法打唔打得贏黑警既現代化軍備(自動步槍、手槍、TG、水炮車、裝甲車…)都係一個疑問, 最壞後果係入面D人攻唔到出黎, 出面又比人打死, 損失所有人員。

有人話, 而家應該要攻打多個據點, 問題係, 幾千個手足攻打左POLY你見到個後果啦, 武備上差距太遠根本好難佔據, 呢個運動最勁係流水式Be water示威, 你要了解警方弱點, 就係佢地行動好bulky, 一行就要上面指揮官話事, 然後plan一大輪先行動, 所以你佔據, 人地咪慢慢睇你個building地圖, 再plan行動去打, 仲可以「合法」堵塞你資源/人手補給, 中大/理大一役已經睇到啦, 所以成日用自己弱項打人強項, 想贏都難。

總的來說, 武力打武力, 真係難打, 你估下弓箭魔法射得遠, 定係子彈射得遠?

入正題, 既然以武抗暴打唔過, 就要重新思考黃絲贏乜野------

*「人數」*

黃絲和理非佔左90%, 係呢個局勢下, 總動員200萬黃絲圍堵POLY、反包圍警方(記住佢地得3000人係個度!), 圍住之後做乜都得，有咁左膠得咁左膠都無問題，紮營、和你拖、連儂牆，係呢個時候，警方得30000個腦(仲要入面80%都係無腦毅進仔)，我地可以集大家智慧、人脈去搵方法，當和理非反圍：

*一、*　　眾怒難犯,佢最多狂放ＴＧ嚇走和理非，但如果和理唔怕你ＴＧ呢？警方唔敢茂茂然亂開槍，否則六四再發生，香港地位同當年北京唔同，習總而家係中共入面唔係坐得好穩，每日大陸走緊３００億黎香港，佢都仲未想放棄香港住，加上美國已經講明如果中共武力鎮壓香港，佢地會有反應；
*二、*　　可以反堵截警方人員及物資補給；
*三、*　　警方已經開左聲話會打持久戰，「消耗十日八日」，我地就佔領圍堵紅磡足咁耐，你估下我地200萬人車輪戰消耗勁，定係30000隻黑警消耗勁(佢地全身gear)；
*四、*　　開始可以打國際戰線，要求以和平方法對話解決，或以人道要求，將食物、水、醫生送入去Poly、呢個時候，因為係和理非活動，各國外使都可以參與到、同埋令各位和理非都清楚知道有咩可以好具體參與。

其實成件事好似鬥獸棋：
象＞虎＞獅＞豹＞狼＞狗＞貓＞鼠

我地而家就係：
國際社會／中共背後班既得利益者＞習總＞林鄭＞鄧炳強＞黑警＞人民

鼠睇落最慘，人人都食得，但你要記住，鼠係食到大象，同人民一樣，可以利用國際社會／中共食習總，然後就骨牌效應倒下

各位

由６月到而家，勇武救左和理非好多次，由一開始白頭佬出黎叫大家唔好撞玻璃，後來發現如果唔係勇武，修訂條例一早過左，到今日，勇武被Trap在Poly就快玩完，係時候，貓之報恩，和理非要總動員救番勇武

記唔記得我地個運動，係和理非、勇武回合交替，我地本來是一家，從無分割

*今日*

*Avengers Endgame*

*Assemble 香港人*

*今日18/11三點正*
*尖沙咀*
*太空館*
*反包圍*
*和理非*