▌今年 #TVB 藝員訓練班 極受歡迎，除咗有超過1,000名香港人報名外，亦有分別1,300及300名中国、馬來西亞嘅朋友意欲加盟無綫🥳 據《明報》報導，TVB已經收咗62位學員，當中24位係香港人，其餘全部都係來自中国同馬拉，可見TVB喺融入大灣、走向國際嘅戰略方針上已經取得成果🇨🇳🇲🇾

▌過去幾年藝訓班出過咩人你未必識，但以下呢位新學員就算你唔識佢，都應該聽過佢套《#媽媽的神奇小子》，佢就係新鮮出爐嘅電影金像獎最佳男配角🎬 #馮皓揚（羊羊）！點解會咁突然？都唔突然㗎，原來羊羊上年已經出現過喺TVB劇集《#愛上我的衰神》，飾演年輕版胡鴻鈞，可惜呢套劇集只係取得16.8點平均收視，所以大家唔知都唔出奇。不過，羊羊今年只係17歲，TVB近年亦面臨人才流失問題，相信佢喺30歲前就算拎唔到男一，都可以喺「回歸30周年」劇集取一席位。

▌根據資料，今年藝訓班校長為陳德森，導師包括羅冠蘭、鄭丹瑞、曾志偉、錢嘉樂、譚俊彥、袁偉豪、麥美恩、麥秋成、陳貝兒、鄧梓峰、林盛斌(Bob)、肥媽、林溥來(Patrick Sir)等。

圖片為TVB藝訓班馬來西亞學員，取自《頭條日報》