#寶寶投稿 消防寶寶🧯

我係一個現職高級消防隊長，我全心全意支持各位手足，堅持不指責，不割蓆。但今日，我必須要懇切地請求咁多位手足，唔好再燒舖、燒建築物！！！

一路以來，我地係示威現場點做嘢，相信手足都睇到。呢個幾月就算多咗好多嘢做，我哋真係一句都冇怨，因為前線手足付出嘅代價比我多好多。你地一路支持我地工作，我哋收到晒，未必可以表示啲乜，但係真心極度感激。

但最近經常見到裝修完燒舖、燒建築物，我哋真係要用我哋啲專業出聲，因為真係好危險，很危險，好很危險！因為火勢嘅大細，係永遠冇人可以控制得到！！！裝修唔緊要，但係火勢大到燒到樓上民居咁點算！我地成日小d popo係民居附近9射催淚彈影響健康，咁放火燒到影響自己手足嘅屋企點算？甚至燒到現場手足都唔係唔可能呀。

同埋，講埋職務方面，你哋入去間舖裝修，我地睇到，最多咪講循例嗌兩句「嗱，大家唔好進行破壞行為喇。」大家都知消防既職權係理唔到，同埋，我哋亦都唔會理。但係如果你一用火，我地就焗住要做嘢，仲要call popo嚟現場，呢樣係我地最唔想做既事！希望手足明白，我講呢啲完全冇指責嘅意思，我哋只係希望手足安全，齊上齊落！