【到底點樣為之一個好既文宣？】

上次突然間諗起呢一個問題之後我，我特登寫信入去問吓阿木就點樣先係一個好嘅文宣泥傾下，以下係佢既回信：

「點為之好，我都有諗過。我入面睇咗好多宣傳嘅書，因為政治係感情嘅行為，文宣就一定有帶領性，人係會揀啱自己嘅文宣，有啲未必係文宣打動到人，喺文宣同人之間有結合性，所以喺成個社會政治入面，文宣係最重要，因為文宣可以動員到人，或者我會視為係帶領下一步。
一個好嘅文宣要睇吓個受眾，有人睇唔明，分析唔到太深嘅嘢，好嘅文宣係要連最蠢嘅人都明白，簡單，唔好講完等於冇講。

以文學講法就係「革命性文學」，即係讀者睇完後會改變嘅文學，好似《1984》個種，而個作者當時就係目標for中下階級人士睇。喺香港，我認為係需要讀書睇完有改變，知道下一步做乜，簡單有趣，所以文宣要有激情。人係對10年之後嘅目標冇感覺，就好似我哋會10年後定人生目標咁。文宣唔使太長遠，係要集中下一步最近嘅事，可以將文字變為行動，睇完可以做，例如去運動，睇書之類。」

👇👇👇👇👇👇👇👇👇👇👇

小編：有d抽象…但我認為文宣必定係抗爭/革命中好重要既一環。因為不可否定我地好多人都係不會獨立思考，而大部份既人當係參與抗爭既時候，佢地係會以過往睇過既文宣作為往後判斷/行動既基礎。

而好既文宣，係能夠令你吸收知識、令你學會自主/獨立性思考、令你真係願意行動。

希望做文宣既我地，都能夠保持住時刻警醒既態度，提醒住自己何為「初衷」。

尚千赴戎
木何懼火