14/2/2022(第四十七日)

1. 情人節快樂？今日嘅情人節禮物係比姑娘開咗2個窿抽血，但唔成功抽血。以前去捐血試過俾捐血姑娘鬧我血管咁幼捐咩血😩本身有捐開血嘅我因為嗰次冇再去捐血～依家周不時見到血庫唔夠血就會諗起捐血得益者好多非港人，仲要俾人鬧，就捐血不了，驚咗🙂唔小心扯開左個話題，個姑娘話搵唔到血管😑玩咗好耐，最後抽血時發現我凝血好勁，搞唔掂sosad

2. 終於食返私飯，食多返好多嘢～開胃！！食大欖野太單一，勾唔起食慾～

3. Hk9cake好味啊，判之前有去買嚟食☺️知道佢哋暫時休店，希望佢哋開返之後，你哋代我去食😋 利申：嘴刁，話好食真係好食

4. 見到新聞寫有家屬不滿「一刀切」禁探監，啱啊～我都好不滿，又唔監管啲姑娘放工周圍去，去買士多啤梨🙂行街街，但又唔俾探話驚傳染，最好笑係律師探訪唔cut，律師探訪係密閉空間見一個鐘，有塊通窿嘅膠板，你可以見到個律師，竟然唔cut，反而cut完全接觸唔到嘅家屬探訪，當然我明白家屬多人啲，咪安排視像囉，又話無回應🙂

本土野 Local Yeah