To親愛的xxx :
依排爆第五波疫情，睇嚟大家都係要喺屋企度過時間啦！唔知會唔會因為咁所以開始留意冬奧呢？小弟對冬奧都有啲感觸，本來想講吓冬奧，但突然發生咗啲嘢，冇得講冬奧住。木報突發！竟然連小弟都要進行隔離！之前一直睇新聞有關出面疫情嘅更新，幾百字， 1千字，都係冇感覺。我哋坐監就係隔離緊啦，連03年沙士亦攻唔入監房，但強大懲教嘅保護下今次一定有事嘅。星期六一起身打算出倉，點知老職同我哋講，因為疫情要隔離檢測，今日唔洗出倉。OMG ！原本疫情係可以突然同自己這麼近！係咪出面如果突然政府發公告話你棟樓要隔離強檢就係依種感覺呢？
相信監間房冇拜山已經唔係新聞了，筆友問小弟冇咗拜山，同外界隔離咗有冇唔慣？還好，經歷咗拍嘅五個月，已經習慣隔離，自己做自己嘢，係擔心拋嘅朋友，想當年每日都有拜山，突然有一日唔知點解斷咗，起初每一日都會心浮氣燥一陣，而家突然cut拜山，打擊一定大。冇拜山，冇打波打，又要喺倉隔離，令坐監變得非常專心，不過釘倉隔離有好處，可以專注做返晒自己野，又可以訓耐啲（好耐冇試過可以瞓到八am先起身）。經過隔離釘倉，原來一個人係可以同社會隔離（係隔絕）咁耐，人唔接觸社會都可以生存到。最可怕嘅地方係被隔絕唔會感到有問題，明明遠離開左世界，卻可以自得其樂。諗到一個有趣嘅問題，其實我哋啲隔絕左咁耐，外界係咪已忘記咗自己了？當一個人消失太耐，大家慢慢習慣冇咗嗰個人都OK，其實嗰個人已經死咗，同「社會人格謀殺」雷同，睇怕出冊嗰陣，唔係我哋要適應出面，係出面要適應我哋先真，呢種日子嘅生活，牆外一切就好似幻想生物一樣， iPhone係科幻小說嘅產物，女性係傳說故事嘅生物，我哋呢？應該係歷史書求其揭開一頁求其指中嘅一個名。
專家說話下個月疫情可能到達高峰，即係呢種今日唔知聽日事嘅情況仲有排玩，仲要繼續被隔絕多一段時間先，問我討唔討厭？間中咁都唔錯，可以比自己休息吓，被迫隔嘛！哈哈………有藉口啦！雖然喺倉都係要做嘢就係，有件好事就係出冊時可以同朋友講「我都試過隔離㗎 ！」至少唔會有咁大距離先啦！
2022年只係過咗個半月，已經咁多嘢發生咗，之後唔知會點呢？
尚千赴戎
木何懼火
12-2-2022
依排爆第五波疫情，睇嚟大家都係要喺屋企度過時間啦！唔知會唔會因為咁所以開始留意冬奧呢？小弟對冬奧都有啲感觸，本來想講吓冬奧，但突然發生咗啲嘢，冇得講冬奧住。木報突發！竟然連小弟都要進行隔離！之前一直睇新聞有關出面疫情嘅更新，幾百字， 1千字，都係冇感覺。我哋坐監就係隔離緊啦，連03年沙士亦攻唔入監房，但強大懲教嘅保護下今次一定有事嘅。星期六一起身打算出倉，點知老職同我哋講，因為疫情要隔離檢測，今日唔洗出倉。OMG ！原本疫情係可以突然同自己這麼近！係咪出面如果突然政府發公告話你棟樓要隔離強檢就係依種感覺呢？
相信監間房冇拜山已經唔係新聞了，筆友問小弟冇咗拜山，同外界隔離咗有冇唔慣？還好，經歷咗拍嘅五個月，已經習慣隔離，自己做自己嘢，係擔心拋嘅朋友，想當年每日都有拜山，突然有一日唔知點解斷咗，起初每一日都會心浮氣燥一陣，而家突然cut拜山，打擊一定大。冇拜山，冇打波打，又要喺倉隔離，令坐監變得非常專心，不過釘倉隔離有好處，可以專注做返晒自己野，又可以訓耐啲（好耐冇試過可以瞓到八am先起身）。經過隔離釘倉，原來一個人係可以同社會隔離（係隔絕）咁耐，人唔接觸社會都可以生存到。最可怕嘅地方係被隔絕唔會感到有問題，明明遠離開左世界，卻可以自得其樂。諗到一個有趣嘅問題，其實我哋啲隔絕左咁耐，外界係咪已忘記咗自己了？當一個人消失太耐，大家慢慢習慣冇咗嗰個人都OK，其實嗰個人已經死咗，同「社會人格謀殺」雷同，睇怕出冊嗰陣，唔係我哋要適應出面，係出面要適應我哋先真，呢種日子嘅生活，牆外一切就好似幻想生物一樣， iPhone係科幻小說嘅產物，女性係傳說故事嘅生物，我哋呢？應該係歷史書求其揭開一頁求其指中嘅一個名。
專家說話下個月疫情可能到達高峰，即係呢種今日唔知聽日事嘅情況仲有排玩，仲要繼續被隔絕多一段時間先，問我討唔討厭？間中咁都唔錯，可以比自己休息吓，被迫隔嘛！哈哈………有藉口啦！雖然喺倉都係要做嘢就係，有件好事就係出冊時可以同朋友講「我都試過隔離㗎 ！」至少唔會有咁大距離先啦！
2022年只係過咗個半月，已經咁多嘢發生咗，之後唔知會點呢？
尚千赴戎
木何懼火
12-2-2022