Mil, 今日係12月29號星期三…上一封信先提完吳大狀， 點知今朝就傳出關於《立場》嘅消息，唔知出面嘅人對於呢件事嘅感覺係「一早預咗」所以較為冷淡，抑或都會覺得震撼呢？
我繼續緩慢咁樣睇Hunger Games第二集，細味啲情節嘅時候心情都有啲沉重。故事入面發生嘅一切都實在太唔公平，第一集無啦啦改咗遊戲規則話同區兩個人可以一齊存活，令主角滿有希望之後，又臨時再改返做只可以活一個。咁樣嘅朝令夕改本身已經係好唔道德嘅事。女主角情急生智諗到用玉石俱焚嘅方法賭一鋪，最終成功保住自己同比德條命。
佢咁做係根本冇犯規嘅，但就偏偏因為「令都城蒙羞」而要被報復，甚至將引發各區叛亂嘅帽子扣喺佢頭上。女主角自己都有講，佢最多只係擦起咗一點火花，但火勢點樣蔓延根本唔到佢控制。施惠國嘅人民本身就已經好似一大堆乾柴同枯草一樣，極其易燃。呢一切嘅責任根本唔喺女主角身上，但總統就偏偏要拎佢嚟報復，仲逼佢要玩多第二次飢餓遊戲添。
我暫時就睇到呢個位啦，都真係覺得幾嬲㗎，但同時又好感受到女主角嗰種強烈嘅無力感，面對住咁龐大嘅體制，佢除咗肉隨砧板上之外，仲可以做啲咩？總統根本隨時一隻手指尾都可以捽得死佢，但礙於統治需要，又偏偏要搞多場遊戲出嚟折磨佢，懶係有規有矩咁。不過「並非有規則，遊戲就是公平的」，我都好期待女主角贏多次遊戲之後，變成全國最有政治能量嘅佢又將會點樣搞得翻天覆地。
希望你明白我想講咩啦！講真而家都冇乜心力寫啲乜，有種有口難言嘅感覺。唔知我哋一齊喺出面嘅話會做啲咩呢？可能會一齊傾吓自己嘅感受，更有可能係坐埋一齊各自碌下Facebook睇吓嘢出下post咁。就算冇乜特別講嘢，但只要知道你存在喺身邊，至少心入面都會有個底咁。
———————————————
如果大家想跟貼阿匡嘅最新消息，亦想支持阿匡被還押嘅各種開支，請小額訂閱Patreon，謝謝各位： www.patreon.com/ventuslauwh
劉頴匡
我繼續緩慢咁樣睇Hunger Games第二集，細味啲情節嘅時候心情都有啲沉重。故事入面發生嘅一切都實在太唔公平，第一集無啦啦改咗遊戲規則話同區兩個人可以一齊存活，令主角滿有希望之後，又臨時再改返做只可以活一個。咁樣嘅朝令夕改本身已經係好唔道德嘅事。女主角情急生智諗到用玉石俱焚嘅方法賭一鋪，最終成功保住自己同比德條命。
佢咁做係根本冇犯規嘅，但就偏偏因為「令都城蒙羞」而要被報復，甚至將引發各區叛亂嘅帽子扣喺佢頭上。女主角自己都有講，佢最多只係擦起咗一點火花，但火勢點樣蔓延根本唔到佢控制。施惠國嘅人民本身就已經好似一大堆乾柴同枯草一樣，極其易燃。呢一切嘅責任根本唔喺女主角身上，但總統就偏偏要拎佢嚟報復，仲逼佢要玩多第二次飢餓遊戲添。
我暫時就睇到呢個位啦，都真係覺得幾嬲㗎，但同時又好感受到女主角嗰種強烈嘅無力感，面對住咁龐大嘅體制，佢除咗肉隨砧板上之外，仲可以做啲咩？總統根本隨時一隻手指尾都可以捽得死佢，但礙於統治需要，又偏偏要搞多場遊戲出嚟折磨佢，懶係有規有矩咁。不過「並非有規則，遊戲就是公平的」，我都好期待女主角贏多次遊戲之後，變成全國最有政治能量嘅佢又將會點樣搞得翻天覆地。
希望你明白我想講咩啦！講真而家都冇乜心力寫啲乜，有種有口難言嘅感覺。唔知我哋一齊喺出面嘅話會做啲咩呢？可能會一齊傾吓自己嘅感受，更有可能係坐埋一齊各自碌下Facebook睇吓嘢出下post咁。就算冇乜特別講嘢，但只要知道你存在喺身邊，至少心入面都會有個底咁。
———————————————
如果大家想跟貼阿匡嘅最新消息，亦想支持阿匡被還押嘅各種開支，請小額訂閱Patreon，謝謝各位： www.patreon.com/ventuslauwh
劉頴匡