【王迪詩】

今日想寫一下佢同佢近年出版既一本書<<我這樣讀歷史>>(Time Will Tell)，老實講我本身認為佢係一個「八婆」，無錯，係「八婆」。(並唔係有意羞辱佢，如有得罪多多見諒)。但最近有人硬塞一D因石牆花結業而須要移走既書籍俾我(原諒，但不能忘記就係其中之一)，亦唔理我係咪想睇，想要，fine，煮到埋黎咪食lor，結果今日全日係court之際，無聊之時拎左上手，亦突然比左好大既動力比我去執筆一寫最近完全唔想寫既長文，(以前並唔認為做文字工作係一件辛苦既事，直到自己執筆要攪盡腦細胞咁用文字向他人傾訴一D自己既理念、信念、想法，原來係一件精神疲勞十分嚴重既事，亦明白到<<爆漫王>>、<<家有女友>>既主角曾經一刻點解拎起筆，卻咩都寫唔出既感覺，原來真係需要由靈魂深度被引起既衝動、衝擊力，再同自己肚裏既墨水融會為一既時候，先寫得出。

其實係過往我非常討厭王迪詩所著作既各種個人主義形式既薰陶作品，亦既係完全符合我心底中既「100%港女格」，不必多講，係壞既意義上，而唔係好既方面上，BTW，係臨上court前既呢幾個鐘我開始打開呢本比人硬塞埋呢既書，或多或少令我對佢稍為有D改觀，或者係經歷過呢3年既事而令人產生如同化學劇烈反應掛，至少我好意外既係，佢係文字中竟透出對歷史同香港竟有如此清晰既頭腦，確實對我引起唔小的衝擊，就係呢個個人主義既女人居然為香港同世界歷史而執筆的！真的，呢3年對所有人既影響十分之巨大，亦令無數無數既人，包括我都受到影響同持續既改變。(有機會既話，未來，我亦寫一寫我以前係一個如何對他人、對世界係何地冷漠既一個人。)

而係呢本書入邊提到二戰時期既日本侵華至今日本仲未承認認呢D事實，即使到今日依然存有大量人證資料、相片同紀錄，但呢度我想講既係同最近日本岸田文雄參拜靖國神社，而被中方批評一事上，二戰至今已80年，就連以Nazi聞名全球既德國亦承認當年大量屠殺猶太人，但日本政府無，之不過，我認為我地偉大的祖國亦實在無咩資格話人，甚至更應該愧於面對自己的國民，因為佢連自己親手發動既政治運動亦唔願意承認並負責時，又有咩資格要求其他人咁做？咁唔係雙重標準，「寬以待己，嚴以律人」咩？

雖則本書主要內容都係歷史史料，但係今時今日呢個環境底下敢於作出呢個行動，敢於利用自己的力量去嘗試改變世界，係一件非常偉大既事。我尊重呢個女人由始至終都行徑如一，敢於表現自我的精神。無論如何佢亦係屬於香港的一份子，係佢敢於發言之時，亦應得到相應的尊重同友情，至少，我個人對佢有根本性上的改觀。

----------------------------------
如果大家想支持文浩，歡迎訂閱、追踪：
patreon: https://www.patreon.com/manhoinjail
FB:文浩的365日
IG:manhoinjail

文浩的365日