My Top 10
23 October 2021
早排睇Milk 15週年見到邀請咗唔同artists寫出佢哋人生中各自嘅top 10，之後忽發其想我又想試下列出屬於自己嘅top 10，先發現原來要列出屬於自己人生中最重要嘅十樣嘢係咁困難嘅一件事，亦都好似係一個重新認識自己嘅過程。雖然各位未必認識我而我又係個nobody，相信大家都無興趣睇我嘅top 10，但姑且喺到留低個紀錄，紀錄低2021年嘅我心目中最重要嘅十樣嘢，排名不分先後：
▶️貓
諗到嘅第一樣嘢一定係貓，唔止屋企嗰隻，係全世界嘅貓。經常覺得貓係上天送俾人類嘅一份禮物，有貓便是幸福。(˶‾᷄ ⁻̫ ‾᷅˵)
▶️Knowledge
本人求知欲比較強，亦都可以話比較好奇，人生係需要不停學習，不停吸收新知識，對於好多嘢都唔識嘅自己會感到好不滿，好想不斷學多啲嘢識多啲嘢。
▶️廣東歌
相信音樂對於大部份人都好重要，而對我嚟講，廣東歌嘅地位係其他語言唔能夠代替，因為廣東歌陪我走過高山低谷，每一句都像是對我嘅叮嚀，尤其是入咗嚟嘅呢一段時間，好似同我對話咁。
▶️大自然
利申返先我並唔係啲咩山系女孩，只不過覺得大自然真係好靚，同時十分痛恨人類不斷對環境嘅破壞同對其他生物嘅傷害，所以本人極之反對近年興起嘅露營熱潮，因為好多自私嘅香港人去露營嘅同時必然會對大自然造成破壞，例如垃圾唔帶走、驅趕山上嘅牛牛、令原本綠油油嘅草地禿哂。
▶️Love
呢個唔使講啦，親情、友情、愛情、手足之情，都係令我地繼續行落去、跨過難關嘅動力，「真愛是任何形狀遠近我都護航」。
▶️擇善固執
可謂人生座右銘，的確，呢種態度可能會令到條人生路變得異常難行甚至痛苦，但眼見好多人甘願為虎作倀、庸庸碌碌返工放工而將眼前嘅不正常視而不見，我問自己一句真係想要咁嘅人生咩？答案係definitely no
▶️思考
由細到大都好鍾意思考人生的意義呢個問題，甚至思考到自己好迷失好困惑，但人生的意義呢個問題基本上係無終極答案，但就係不斷搵答案呢個過程已經足夠有趣。亦令我習慣於不同方面都思考呢個問題，例如工作嘅意義、犧牲嘅意義。
▶️香港🇭🇰，起碼現在呢刻都仲係。
▶️Me time
入到嚟更加發覺自己好需要獨處、寧靜嘅時間，比起一大班人，我更加喜歡做一個小毒毒。太多噪音、太多雜聲，係我對監獄嘅總結，所以我好珍惜每晚終於可以自己一個靜落嚟嘅時間。
▶️Hope
ok this one very膠I know😅 我亦都知道嗰句「不是看到希望才堅持」，但我呢到講緊嗰種hope係不論眼前有幾黑暗，都要保持對將來嘅期盼，同時正正係對將來嘅想像，帶來一絲快慰能夠令自己堅持落去。
另：
從鐵絲網車窗望出去，你哋每個我都見到、你哋講嘅每一句我都聽得好清楚、你哋呼喊我嘅名字我亦都忍不住紅了眼框（原本以為自己拋咗一段時間、庭都上過好幾次唔會咁眼淺，但每次都係感動到忍唔住眼濕濕），亦係你哋嘅存在提醒了我，我唔係自己一個，衷心感激。尤記得你哋叮囑我要好好照顧自己，我會好好照顧自己的，同時請你地亦好好照顧自己，望住你哋落雨濕濕都堅持等候甚至追趕至車路上，真係好擔心，記緊小心安全，天雨路滑真係好擔心你哋有危險。再次由衷地感激每一位。
U
#公開信
——————————————————
See more on Patreon👉🏻 www.patreon.com/walkwithu/
walkwithu__
23 October 2021
早排睇Milk 15週年見到邀請咗唔同artists寫出佢哋人生中各自嘅top 10，之後忽發其想我又想試下列出屬於自己嘅top 10，先發現原來要列出屬於自己人生中最重要嘅十樣嘢係咁困難嘅一件事，亦都好似係一個重新認識自己嘅過程。雖然各位未必認識我而我又係個nobody，相信大家都無興趣睇我嘅top 10，但姑且喺到留低個紀錄，紀錄低2021年嘅我心目中最重要嘅十樣嘢，排名不分先後：
▶️貓
諗到嘅第一樣嘢一定係貓，唔止屋企嗰隻，係全世界嘅貓。經常覺得貓係上天送俾人類嘅一份禮物，有貓便是幸福。(˶‾᷄ ⁻̫ ‾᷅˵)
▶️Knowledge
本人求知欲比較強，亦都可以話比較好奇，人生係需要不停學習，不停吸收新知識，對於好多嘢都唔識嘅自己會感到好不滿，好想不斷學多啲嘢識多啲嘢。
▶️廣東歌
相信音樂對於大部份人都好重要，而對我嚟講，廣東歌嘅地位係其他語言唔能夠代替，因為廣東歌陪我走過高山低谷，每一句都像是對我嘅叮嚀，尤其是入咗嚟嘅呢一段時間，好似同我對話咁。
▶️大自然
利申返先我並唔係啲咩山系女孩，只不過覺得大自然真係好靚，同時十分痛恨人類不斷對環境嘅破壞同對其他生物嘅傷害，所以本人極之反對近年興起嘅露營熱潮，因為好多自私嘅香港人去露營嘅同時必然會對大自然造成破壞，例如垃圾唔帶走、驅趕山上嘅牛牛、令原本綠油油嘅草地禿哂。
▶️Love
呢個唔使講啦，親情、友情、愛情、手足之情，都係令我地繼續行落去、跨過難關嘅動力，「真愛是任何形狀遠近我都護航」。
▶️擇善固執
可謂人生座右銘，的確，呢種態度可能會令到條人生路變得異常難行甚至痛苦，但眼見好多人甘願為虎作倀、庸庸碌碌返工放工而將眼前嘅不正常視而不見，我問自己一句真係想要咁嘅人生咩？答案係definitely no
▶️思考
由細到大都好鍾意思考人生的意義呢個問題，甚至思考到自己好迷失好困惑，但人生的意義呢個問題基本上係無終極答案，但就係不斷搵答案呢個過程已經足夠有趣。亦令我習慣於不同方面都思考呢個問題，例如工作嘅意義、犧牲嘅意義。
▶️香港🇭🇰，起碼現在呢刻都仲係。
▶️Me time
入到嚟更加發覺自己好需要獨處、寧靜嘅時間，比起一大班人，我更加喜歡做一個小毒毒。太多噪音、太多雜聲，係我對監獄嘅總結，所以我好珍惜每晚終於可以自己一個靜落嚟嘅時間。
▶️Hope
ok this one very膠I know😅 我亦都知道嗰句「不是看到希望才堅持」，但我呢到講緊嗰種hope係不論眼前有幾黑暗，都要保持對將來嘅期盼，同時正正係對將來嘅想像，帶來一絲快慰能夠令自己堅持落去。
另：
從鐵絲網車窗望出去，你哋每個我都見到、你哋講嘅每一句我都聽得好清楚、你哋呼喊我嘅名字我亦都忍不住紅了眼框（原本以為自己拋咗一段時間、庭都上過好幾次唔會咁眼淺，但每次都係感動到忍唔住眼濕濕），亦係你哋嘅存在提醒了我，我唔係自己一個，衷心感激。尤記得你哋叮囑我要好好照顧自己，我會好好照顧自己的，同時請你地亦好好照顧自己，望住你哋落雨濕濕都堅持等候甚至追趕至車路上，真係好擔心，記緊小心安全，天雨路滑真係好擔心你哋有危險。再次由衷地感激每一位。
U
#公開信
——————————————————
See more on Patreon👉🏻 www.patreon.com/walkwithu/
walkwithu__