【羅湖遊記Vol. 32】2021-8-29
今日係被還柙第37日。聽日上庭啦，心入面總係有啲唔踏實嘅感覺，凝住今日會有事發生。結果，尋日發怪夢，夢見自己大咗肚(第二次發大肚夢)，夢入面仲要好醒噉諗: 冇理由㗎，我入咗嚟懲教個零月，X光照過，姨媽都嚟過，點會有BB嘅？唔知咩意思，不過聽講係有希望、有新改變嘅意思，遲啲入本《周公解夢》嚟睇吓？😆 不過戰勝恐懼先係我嘅功課，努力^_^
因為上庭五點幾就要起身(羅湖吊腳)，為免嘈醒其他同倉，前一晚要去第二個倉，同其他都係上庭嘅人瞓一晚。今朝就要執定嘢畀保安姑娘打包，執下執下就發現原來我真係好多信，好多人愛錫，但要出入懲教就好頭痕。因為要檢查一次有冇違禁嘢，所以一定會摷到亂晒=.= 我真係唔鍾意摷亂晒啲嘢，上次仲要砸皺咗幾張 :( 但點都好，可能我聽日出到去呢，出到去先慢慢執囉😚
今日晏晝竟然唔係播星爺，係播《淪落人》，而中央廣播就做之前錄咗嘅《使徒行者3》。講咗《使徒行者》先，佢第一幕係喺監獄入面，又做得幾像真，個鐵閘做得幾似，不過興趣不大。得一部電視，惟有兩邊跳住睇，真係忙。《淪落人》睇得比較短，唔係好評價到，不過都feel到係一套好戲，出冊再翻睇。諗起之前喺大欖識嘅一個被僱主屈偷嘢嘅工人姐姐，離鄉背井已經好慘，仲要畀人恰，工人姐姐都係人，互相尊重好難咩？
跟住姑娘幫我啲嘢打包，可能因為唔趕時間，竟然冇整皺我啲信，太好啦T_T
好啦，最後品評下羅湖嘅最後三餐，我一定唔會返嚟嘅😤 早飯又係辣到飛起咖喱薯仔牛肉球甜竹飯。今日竟然有兩塊甜竹，而且牛肉球嗰調味都唔錯，薯仔又夠淋，惟一扣分位係咖喱啲辣粉好似唔使錢，係噉落=,= 4/5分～ 晏晝杯奶茶繼續勁，加朱古力飲晒，今晚又唔洗瞓。晚飯係椰菜辣汁雞肉飯，無啦啦又加辣椒(冇去籽)，雞肉兩塊厚切咗，睇嚟聽日會有好消息^_^
依家去咗瞓覺個倉喇，又係頭幾日嚟羅湖住嘅劏房倉，又焗又收唔到訊號喊出嚟T^T要擺隻貓仔喺閘邊先收到港台《萬千寵愛葉韻儀》。外面條巷又冇窗，連對流都冇，不過天氣涼咗少少，總算冇嚟嗰日咁焗咁燥。
唔知係因為聽日上庭，定係因為飲咗奶茶，個心勁跳，有啲緊張又有啲諗唔到野😌祝我哋順利啦^_^ 聽日見！
—— 黎雯齡
manlinthanks
今日係被還柙第37日。聽日上庭啦，心入面總係有啲唔踏實嘅感覺，凝住今日會有事發生。結果，尋日發怪夢，夢見自己大咗肚(第二次發大肚夢)，夢入面仲要好醒噉諗: 冇理由㗎，我入咗嚟懲教個零月，X光照過，姨媽都嚟過，點會有BB嘅？唔知咩意思，不過聽講係有希望、有新改變嘅意思，遲啲入本《周公解夢》嚟睇吓？😆 不過戰勝恐懼先係我嘅功課，努力^_^
因為上庭五點幾就要起身(羅湖吊腳)，為免嘈醒其他同倉，前一晚要去第二個倉，同其他都係上庭嘅人瞓一晚。今朝就要執定嘢畀保安姑娘打包，執下執下就發現原來我真係好多信，好多人愛錫，但要出入懲教就好頭痕。因為要檢查一次有冇違禁嘢，所以一定會摷到亂晒=.= 我真係唔鍾意摷亂晒啲嘢，上次仲要砸皺咗幾張 :( 但點都好，可能我聽日出到去呢，出到去先慢慢執囉😚
今日晏晝竟然唔係播星爺，係播《淪落人》，而中央廣播就做之前錄咗嘅《使徒行者3》。講咗《使徒行者》先，佢第一幕係喺監獄入面，又做得幾像真，個鐵閘做得幾似，不過興趣不大。得一部電視，惟有兩邊跳住睇，真係忙。《淪落人》睇得比較短，唔係好評價到，不過都feel到係一套好戲，出冊再翻睇。諗起之前喺大欖識嘅一個被僱主屈偷嘢嘅工人姐姐，離鄉背井已經好慘，仲要畀人恰，工人姐姐都係人，互相尊重好難咩？
跟住姑娘幫我啲嘢打包，可能因為唔趕時間，竟然冇整皺我啲信，太好啦T_T
好啦，最後品評下羅湖嘅最後三餐，我一定唔會返嚟嘅😤 早飯又係辣到飛起咖喱薯仔牛肉球甜竹飯。今日竟然有兩塊甜竹，而且牛肉球嗰調味都唔錯，薯仔又夠淋，惟一扣分位係咖喱啲辣粉好似唔使錢，係噉落=,= 4/5分～ 晏晝杯奶茶繼續勁，加朱古力飲晒，今晚又唔洗瞓。晚飯係椰菜辣汁雞肉飯，無啦啦又加辣椒(冇去籽)，雞肉兩塊厚切咗，睇嚟聽日會有好消息^_^
依家去咗瞓覺個倉喇，又係頭幾日嚟羅湖住嘅劏房倉，又焗又收唔到訊號喊出嚟T^T要擺隻貓仔喺閘邊先收到港台《萬千寵愛葉韻儀》。外面條巷又冇窗，連對流都冇，不過天氣涼咗少少，總算冇嚟嗰日咁焗咁燥。
唔知係因為聽日上庭，定係因為飲咗奶茶，個心勁跳，有啲緊張又有啲諗唔到野😌祝我哋順利啦^_^ 聽日見！
—— 黎雯齡
manlinthanks