FIGO：畀個任務大家！（獄中來信 19/6/2021）
七一將至，蘋果高層被捕，被控國安法，未來更有機會連同支聯會、民陣一同被取締，而未來打壓必然非常大，希望大家能夠保持信念，唔好被嚇怕。（編按：蘋果如今已被迫停刊）
7.1每年都會有遊行，以前經常都會喺遊行當中，聽到好多歌，今日突然諗起「抗戰二十年」，送俾大家，希望鼓勵到大家啦！（https://youtu.be/3TRuHvAbxuM ）
話咁快就坐咗一個月，好掛住出面嘅人同事，每次探監或者收到大家嘅信，都好珍惜，每一次睇新聞報道或者蘋果日報，都好緊張大家出面嘅情況，大家冇事就好安心咁睇書、瞓覺。
放心啦，喺入面嘅我好堅強，雖然早排唔習慣白飯魚跑步，隻腳腫咗，休息咗一段時間，但好快就有做返運動，深蹲做到100下，掌上壓做到200下，而因為沖凍水涼，所以皮膚滑咗好多，仲會食晒碟飯，而且有睇好多書，寫信寫到支筆都無墨。日日都好忙，所以大家唔洗擔心我，長毛之前仲話我係樂觀派，所以可想而知我幾OK！
你哋又點先，有無坐直、見字飲水、早睡早起！無嘅呢家立即反省下，有嘅就乖啦，但最緊要抽時間做運動！
轉咗監獄，涼咗又無小強，舒服好多，見到大家留言鼓勵好開心，畀個任務大家，一人一個笑話，留言俾我等我笑吓！香港好需要開心！都希望留言或者見到其他人嘅笑話你都會開心^v^。
好掛住大家啊^v^
陳皓桓 Figo
2021-6-19
七一將至，蘋果高層被捕，被控國安法，未來更有機會連同支聯會、民陣一同被取締，而未來打壓必然非常大，希望大家能夠保持信念，唔好被嚇怕。（編按：蘋果如今已被迫停刊）
7.1每年都會有遊行，以前經常都會喺遊行當中，聽到好多歌，今日突然諗起「抗戰二十年」，送俾大家，希望鼓勵到大家啦！（https://youtu.be/3TRuHvAbxuM ）
話咁快就坐咗一個月，好掛住出面嘅人同事，每次探監或者收到大家嘅信，都好珍惜，每一次睇新聞報道或者蘋果日報，都好緊張大家出面嘅情況，大家冇事就好安心咁睇書、瞓覺。
放心啦，喺入面嘅我好堅強，雖然早排唔習慣白飯魚跑步，隻腳腫咗，休息咗一段時間，但好快就有做返運動，深蹲做到100下，掌上壓做到200下，而因為沖凍水涼，所以皮膚滑咗好多，仲會食晒碟飯，而且有睇好多書，寫信寫到支筆都無墨。日日都好忙，所以大家唔洗擔心我，長毛之前仲話我係樂觀派，所以可想而知我幾OK！
你哋又點先，有無坐直、見字飲水、早睡早起！無嘅呢家立即反省下，有嘅就乖啦，但最緊要抽時間做運動！
轉咗監獄，涼咗又無小強，舒服好多，見到大家留言鼓勵好開心，畀個任務大家，一人一個笑話，留言俾我等我笑吓！香港好需要開心！都希望留言或者見到其他人嘅笑話你都會開心^v^。
好掛住大家啊^v^
陳皓桓 Figo
2021-6-19