蘋果被迫停刊的一天：良知會驅使人選擇做啱嘅事，哪怕最後係會徒勞無功
呢封信係寫於6月24日，亦即係《蘋果日報》被逼停刊嘅一天，同時都係匡7.1立法會暴動案再次提堂嘅一天：
今日係《蘋果日報》正式消失嘅一日，我仲未睇到今日份《蘋果》，但尋晚臨瞓前喺收音機都聽到有大批香港人專程去到將軍澳蘋果大樓外嗌口號同開手機燈聲援，有《蘋果》記者受訪（呢個係一個記者本身都成為受訪者嘅時代）時話會即刻遞信辭職，原因係唔想公司陪遣散費。
到今朝再聽到凌晨旺角有好多人排隊排到橫跨幾條街嚟買報紙，報販都話做咗咁多年從未見過咁嘅情況，更加要限制每人只可以買三份，我相信呢100萬份要賣得晒都唔會太困難。香港人一向被認為係急功近利、重視效益，但依然有咁多人明知毫無實際作用、唔會改變到任何野都堅持要用行動表態，點能夠唔感動？
人除咗會為效益而行事，亦都會為良知行事，我哋深入面都清楚知道乜嘢係啱、乜嘢係錯，良知會驅使人選擇做啱嘅事，哪怕最後係會徒勞無功。近日再翻睇最後幾份《蘋果》，發現其中有一份副刊標題係「得川家康贏在鬥、長、命」。我唔熟悉日本戰國史，但單憑我比較認識嘅氣象範疇都知道，再猛烈嘅風雨始終都有消散嘅一刻。
雖然雷電交加嘅時候要想像藍天白雲可能會好難，但我哋都知道自然定律終將會令雲層吹散，只要到時人未死、身處嘅大廈未倒塌，就總會可以再透過屋企嘅窗望見陽光。
劉頴匡 Patreon
呢封信係寫於6月24日，亦即係《蘋果日報》被逼停刊嘅一天，同時都係匡7.1立法會暴動案再次提堂嘅一天：
今日係《蘋果日報》正式消失嘅一日，我仲未睇到今日份《蘋果》，但尋晚臨瞓前喺收音機都聽到有大批香港人專程去到將軍澳蘋果大樓外嗌口號同開手機燈聲援，有《蘋果》記者受訪（呢個係一個記者本身都成為受訪者嘅時代）時話會即刻遞信辭職，原因係唔想公司陪遣散費。
到今朝再聽到凌晨旺角有好多人排隊排到橫跨幾條街嚟買報紙，報販都話做咗咁多年從未見過咁嘅情況，更加要限制每人只可以買三份，我相信呢100萬份要賣得晒都唔會太困難。香港人一向被認為係急功近利、重視效益，但依然有咁多人明知毫無實際作用、唔會改變到任何野都堅持要用行動表態，點能夠唔感動？
人除咗會為效益而行事，亦都會為良知行事，我哋深入面都清楚知道乜嘢係啱、乜嘢係錯，良知會驅使人選擇做啱嘅事，哪怕最後係會徒勞無功。近日再翻睇最後幾份《蘋果》，發現其中有一份副刊標題係「得川家康贏在鬥、長、命」。我唔熟悉日本戰國史，但單憑我比較認識嘅氣象範疇都知道，再猛烈嘅風雨始終都有消散嘅一刻。
雖然雷電交加嘅時候要想像藍天白雲可能會好難，但我哋都知道自然定律終將會令雲層吹散，只要到時人未死、身處嘅大廈未倒塌，就總會可以再透過屋企嘅窗望見陽光。
劉頴匡 Patreon