To我愛的XXX：
《Error自肥企劃》紅爆全港，最近收到嘅信每封都有講 《Error自肥企劃》有幾正，有幾好睇，入面嘅時間當然係無法睇到ViuTV夜間嘅節目，好彩多謝有心嘅牆外手足特別係燕子生命send來文字版，先可以睇到。喺牆內，唔少人（包括手足）都紛紛問到底有乜好睇，甚至質疑Error點解紅得起，而小弟嘅回答係「見唔到人哋努力嘅人，係唔識欣賞」。
喺 《Error自肥企劃》至Error大熱嘅時候，小弟都係非常興奮，係肥仔出《Lady Killa》嘅時候，心內已經浮現一個問題，「到底Error幾時先可以紅？」，Error 同Mirror 一樣出生於造星，不過一直當紅嘅好似就只有Mirror，以電台為例，Mirror 嘅歌一定播得多過Error 嘅歌，Error彷彿變成左一個配角，活喺Mirror嘅影子之下，Mirror 成員各自出單曲喎，到大家啷啷上口時，Error成員出嘅單曲好似被孤立左咁，記得肥仔出《Lady Killa》時係蘋果一個訪問，肥仔碌爆人情卡仲要自己出資，花姐亦話係「一大功成萬骨枯」，仲要面對鄭欣宜同期拍出嘅跳唱新曲。當下真心祈求肥仔成功。
相信每一個人鍾意呀Error同《Error自肥企劃》都有自己獨特嘅原因，在我而言，努力付出嘅人係值得登上高峰，尤其係努力做真誠獨特嘅自己嘅人。睇咗好多Error嘅「劇評」都會加上「真誠」二字，《Error自肥企劃》之中每位都「演出」自己真實一面，肥仔證明咗唔使理人點睇肥仔都可以係Lady Killer， 193直言講出對CCTVB嘅睇法⋯活出「真愛」係而家禮賓樂壞之時尤其受用，日日睇住一班偽人，政棍甚至身邊嘅朋友為生存而跪，大家都悶啦。
面對着各種謊言、虛偽、「跪」、老海鮮嘅「規則」，Error出咗航，打破左呢個框架，游學修話Error 係個神跡都未夠傳神，應該係話Error創造咗神跡，《Error自肥企劃》嘅成功就立下咗依個史時時代嘅開始，Error 用自身話俾我哋知「就算所有事都唔順，都要記住自己能貢獻到嘅嘢，唔好否定你當初相信嘅價值。」呢一句話係正確。我哋未必係電視中嘅「Error」，不過每一個人只要盡力、努力、堅持，都可以喺自己嘅舞台上駕駛Error去發光去戰鬥，Error 用自己向依個時代嘅各位發出邀請，邀請我哋去坐上自己嘅Error，喺自己崗位嘅努力，成就自己嘅神蹟。喺呢個時代，每個人都可以成為史詩。
史詩已開始，結局由我哋決定，唔好白費Error嘅邀請。致一直還在努力的人，做真正的自己，拒絕虛偽同框架，坐上Error 出擊，戰鬥吧！
尚千赴戎
木何懼火
13-06-2021
《Error自肥企劃》紅爆全港，最近收到嘅信每封都有講 《Error自肥企劃》有幾正，有幾好睇，入面嘅時間當然係無法睇到ViuTV夜間嘅節目，好彩多謝有心嘅牆外手足特別係燕子生命send來文字版，先可以睇到。喺牆內，唔少人（包括手足）都紛紛問到底有乜好睇，甚至質疑Error點解紅得起，而小弟嘅回答係「見唔到人哋努力嘅人，係唔識欣賞」。
喺 《Error自肥企劃》至Error大熱嘅時候，小弟都係非常興奮，係肥仔出《Lady Killa》嘅時候，心內已經浮現一個問題，「到底Error幾時先可以紅？」，Error 同Mirror 一樣出生於造星，不過一直當紅嘅好似就只有Mirror，以電台為例，Mirror 嘅歌一定播得多過Error 嘅歌，Error彷彿變成左一個配角，活喺Mirror嘅影子之下，Mirror 成員各自出單曲喎，到大家啷啷上口時，Error成員出嘅單曲好似被孤立左咁，記得肥仔出《Lady Killa》時係蘋果一個訪問，肥仔碌爆人情卡仲要自己出資，花姐亦話係「一大功成萬骨枯」，仲要面對鄭欣宜同期拍出嘅跳唱新曲。當下真心祈求肥仔成功。
相信每一個人鍾意呀Error同《Error自肥企劃》都有自己獨特嘅原因，在我而言，努力付出嘅人係值得登上高峰，尤其係努力做真誠獨特嘅自己嘅人。睇咗好多Error嘅「劇評」都會加上「真誠」二字，《Error自肥企劃》之中每位都「演出」自己真實一面，肥仔證明咗唔使理人點睇肥仔都可以係Lady Killer， 193直言講出對CCTVB嘅睇法⋯活出「真愛」係而家禮賓樂壞之時尤其受用，日日睇住一班偽人，政棍甚至身邊嘅朋友為生存而跪，大家都悶啦。
面對着各種謊言、虛偽、「跪」、老海鮮嘅「規則」，Error出咗航，打破左呢個框架，游學修話Error 係個神跡都未夠傳神，應該係話Error創造咗神跡，《Error自肥企劃》嘅成功就立下咗依個史時時代嘅開始，Error 用自身話俾我哋知「就算所有事都唔順，都要記住自己能貢獻到嘅嘢，唔好否定你當初相信嘅價值。」呢一句話係正確。我哋未必係電視中嘅「Error」，不過每一個人只要盡力、努力、堅持，都可以喺自己嘅舞台上駕駛Error去發光去戰鬥，Error 用自己向依個時代嘅各位發出邀請，邀請我哋去坐上自己嘅Error，喺自己崗位嘅努力，成就自己嘅神蹟。喺呢個時代，每個人都可以成為史詩。
史詩已開始，結局由我哋決定，唔好白費Error嘅邀請。致一直還在努力的人，做真正的自己，拒絕虛偽同框架，坐上Error 出擊，戰鬥吧！
尚千赴戎
木何懼火
13-06-2021