#西九龍裁判法院第十八庭
#死因裁判法庭 #研訊 [3/11]
#高偉雄死因裁判官
#陳彥霖

承上

證人11伍紹剛先生(彥霖筆友/男友)

--------------------------
📌無心裝載的伍仔
在壁屋服刑時，通過書信認識彥霖，2019年2月第一次收到彥霖嘅信，起初彥霖大約一星期回信一次，不過書信往來在2019年2月一道中斷。直至在2019年5月在塘福懲教所服刑時，才恢復書信往來，不久彥霖每日寄信俾伍仔。在7月16日在塘福懲教所與彥霖初次見面。第一次探嘅對話唔係好記得，冇講屋企，話返工啲嘢囉，好似係元朗餐廳做侍應。

第一封日期係2月15日。第二封5月17日，抬頭寫咗「我收到信，所以回信俾你」，唔係寫「陳先生」而係寫另一個暱稱「伍仔」同埋自稱「彥霖」。第三封6月16……內容一開始都係介紹下自己啊、去過邊度玩，講屋企情況已經係好後期。

伍仔表示唔知彥霖幾時生日，死因研訊主任曾藹琪向伍仔指出彥霖於7月16日，即初次與你會面當天生日。伍仔才恍然，憶起當天彥霖提及探訪後與彥霖媽慶生，仲以為是彥霖媽生日……不記得彥霖第二次幾時探，只記得第三次係唔俾探嗰次。

--------------------------
📌痴心枉付的彥霖
後來好曖昧，彥霖會同伍父講你係佢男朋友，你有冇好錯愕？
伍仔答：咁後期書信內容都似男女朋友

你話你俾咗爸爸電話彥霖，咁用哂(探訪)配額嘅時候係點樣同爸爸講？係筆友？女朋友？
伍仔答：話有個女仔咁囉

然後彥霖都係冇走過，因為佢話要等伍爸嚟，佢有嘢要同伍仔講。伍仔覺得好奇怪，問彥霖係咪吸毒？彥霖話佢無。晏啲探訪嘅時候，得彥霖講，伍爸冇乜講嘢，伍仔有少少發緊脾氣，彥霖講講下無啦啦又喊。

＊ 探訪中冇提過佢喺社運嘅角色。最多係有講過有人俾警察打，不過我唔係好鍾意傾呢啲話題

--------------------------
📌From Bad to Worse
第17封信係彥霖喺女童院寫嘅，封信唔知佢講咩「個天好灰」，日期蓋章(懲教)係8月28日。

第18封信係9月2。(收到第18封)幾日之後收到另一封信，係正常啲，佢話「驚嚇親你daddy，搞到d阿sir嗰d囉」。而第17封真係唔明佢思路。

📌
陪審員：睇彥霖嘅信，所得感覺有冇自殺念頭？
伍仔：每封信都寫好多唔開心

陪審員：書信上有冇跟進返？
伍仔：都有嘅，叫佢開心啲、唔好諗咁多

陪審員：佢點覆？
伍仔：唔記得佢有冇回覆。佢有話佢想重新開始過，話要del哂facebook嗰啲，要開過個新嘅。我覺得咁樣幾積極啊

--------------------------