#區域法院第卅八庭
#郭啟安法官 #審訊 [10/10]
#0728上環 #暴動
09:46 開庭，PW7 宣誓作供
辯方盤問
PW7講述在28/7晚大概19:08，有速龍警員通知截停了3人，PW7連同其他5名刑事偵緝隊員行入西源里，在19:15 PW6移交D1給PW7，並作簡單交代事情，PW7承認對D1的所有認知是來自PW6，之後冇進行獨立調查，所以唔知之前發生嘅事。
當日PW7在11:30開工，直至翌日上午07:30收工，記事冊和D1的證物全都放在大窩口警署內。
PW7無處理拘捕D3，亦唔知道梁警司曾經入西源里視察。
10:07 PW7作供完畢
10:08 PW8 (女警員) 宣誓作供
主控盤問
PW8平日駐守反恐特警隊，當日被指派為特別戰術小隊成員，在17:50 到達西區警署外，18:00在潘督察帶領下設立防線，18:50跟隨大隊推進，示威者防線大概有300人，有人掟雜物，跨越防線後，見到大概有60人走入奇靈里，連同其他隊員一齊追入去，見到有大批人在地鐵站口，有人入咗站內，有人走咗去東慈商業中心後巷，冇在地鐵站出口周旋，行入後巷後再右轉入西源里，第一眼見到約在10米外有三名人士，跑近時見到其中一位年輕女子，已經跨過鐵絲網落咗地下，另一名女子正在爬鐵絲網，一名男子正攙扶該女子爬鐵絲網，隨即在庭上指出三名被告。
PW8跑到時，已經有4～5位警員在場，見到D1轉身面向警員，舉高雙手向外，站在鐵網前，雙腳左右移動，阻礙警員追截兩名女士，PW8大叫「警察咪郁」，叫D3出返來，叫D2去一個適合嘅地方搜身，在背囊搜出一支行山杖、對講機、護脛，問D2點解有行山杖，佢回答用作行山，再問三個問題：1. 點解嚟呢度，2. 嚟呢度做乜，3. 點解見到警察會走？D2全部冇回答，未能釋除PW8疑慮，所以作出拘捕，罪名係非法集結和藏有攻擊性武器，向D2作出警戒、搜查和檢取證物，過程中有叫D2除下頭盔和豬嘴放在地下，完成後放入背囊；之後向刑事偵緝警員匯報，移交D2和證物作調查，之後離開。
主控取出證物向PW8確認，包括：頭盔、豬嘴、背心、短褲、黑鞋、背囊、行山杖、泳鏡、手套、對講機、消毒藥水和口罩。
主控同様播出4段閉路電視片段，要求證人從片段中認出自已，並跟據人物的衣服，辨認出三名被告，各種身體動作，和手持的物品。
11:42～12:07休庭
PW8 陳述事發當時，有用手勢和語言指示，叫D2過嚟，但無與D3接觸。
PW8指出早前一張辨認其身份的截圖出錯，要求更正，穫控方接納。
［辯方要求PW8暫時退庭，與法庭商討法律技術問題，直播員聽唔明內容，只係聽到辯方律師講，在拘捕現場有人話：「你咁細個，我唔會拉你」］。
PW8再出庭作證，到辯方盤問。
辯方質疑PW8為何要改圖，證人解釋出錯原因：1. 在控方播片時，第一眼見到有人落樓梯，就以為係自己，但隨後的片段見到另一個人落樓梯，才知道出錯，2. 自己身型細小，早前的人身型高大，3. 身上一個灰色袋，有條外露的帶的特徵。
當日速龍隊有大概20人，PW8認識各人，記得名字和様貌，但未能從閉路電視片段中辨認各人；辯方向PW8指出在片段中，見唔到警員有委任證、警員編號、面貌，一名普通市民未必能在現場環境分辨到誰是警察，PW8不同意辯方，市民應該能在一兩秒內便能辨認到警察。
辯方重複PW8口供中拘捕的D2過程：截停 》調查 》懷疑 》搜身 》發問 》未能釋除疑慮 》拘捕 》警戒 ，重複問PW8有冇嘢要補充，證人指無，辯方指出，PW8見到D1, D2, D3懷疑犯法，無對D2先作出警戒，掉轉先後次序，質疑警員唔跟程序做，亦無對D1和D3警戒。
辯方指PW8在3/1/2020錄口供時冇認出D1和D3，證人覺得因為會有其他警員做。
跟據PW8口供，在當日12:30和15:55，接受兩次訓示會執行拘捕和掃蕩工作，辯方質疑為何冇帶「羈留人士通知書」，證人解釋覺得冇需要。
13:12～14:45休庭
播出地鐵站閉路電視片段，見到有警員從奇靈里行到去地鐵站，各人散開，約1分鐘後再聚集，一齊行去東慈商業大廈後巷。
從兩段東慈後巷的閉路電視片段中，PW8同意見到D2左手手持一支白色樽內有淺色液體。
播出另一電閉路電視片段，PW8同意D1左手手持白色樽，片段中當D1, D2, D3行過一段路面後，地面出現三處有類似粉末或者液體的痕跡，PW8亦同意D1, D2, D3是從路面的右邊行到去路面的左邊。
辯方播放由市民提供的片段，影到警員在西源里截查的情況，PW8只同意見到有人舉起單手，但未能證實正在拍攝，亦見唔到D2在被搜身時起身面向牆；影片中段影到速龍離開現場，PW8未能從影片中確定是否警察；影片尾段見到有人手持強光電筒，有人攞出行山杖，法官詢問是否有人在拍片，控方話警方沒有拍攝。
再播出兩段市民拍攝的片段，PW8均未能從片段中辨認隊員和自己。
辯方再詳細詢問PW8拘捕D2當刻的情況，PW8在10米外見到三人時，D2雙手雙腳均爬在鐵絲網中間，背對警員，面向鐵絲網，應該見唔到警員，當時PW8有3～4名男隊員，一同向三人奔跑，約3～4秒後到達鐵絲網位置，由於現場混亂，大家都講嘢，所以認唔到人聲，只記得有人大嗌「警察咪郁」，冇印象其他四名隊員講乜，PW8主動對D2作出拘捕，唔知邊個處理D1和D3。
辯方要求PW8在相片中劃出三人位置，PW8到場時D3在PW8右邊，在鐵絲網內面向警察，未落地，D2在左邊，D1在D2左邊，企在地面，作出攙扶的手勢，但冇身體接觸。
PW8在作出拘捕行動後，覺得要向上級匯報，但看過各人的行動呼號後，證實無上級在場。
16:47 休庭，明日4/6 09:45 續審
［由臨時直播員撰寫，請多多包涵］
#郭啟安法官 #審訊 [10/10]
#0728上環 #暴動
09:46 開庭，PW7 宣誓作供
辯方盤問
PW7講述在28/7晚大概19:08，有速龍警員通知截停了3人，PW7連同其他5名刑事偵緝隊員行入西源里，在19:15 PW6移交D1給PW7，並作簡單交代事情，PW7承認對D1的所有認知是來自PW6，之後冇進行獨立調查，所以唔知之前發生嘅事。
當日PW7在11:30開工，直至翌日上午07:30收工，記事冊和D1的證物全都放在大窩口警署內。
PW7無處理拘捕D3，亦唔知道梁警司曾經入西源里視察。
10:07 PW7作供完畢
10:08 PW8 (女警員) 宣誓作供
主控盤問
PW8平日駐守反恐特警隊，當日被指派為特別戰術小隊成員，在17:50 到達西區警署外，18:00在潘督察帶領下設立防線，18:50跟隨大隊推進，示威者防線大概有300人，有人掟雜物，跨越防線後，見到大概有60人走入奇靈里，連同其他隊員一齊追入去，見到有大批人在地鐵站口，有人入咗站內，有人走咗去東慈商業中心後巷，冇在地鐵站出口周旋，行入後巷後再右轉入西源里，第一眼見到約在10米外有三名人士，跑近時見到其中一位年輕女子，已經跨過鐵絲網落咗地下，另一名女子正在爬鐵絲網，一名男子正攙扶該女子爬鐵絲網，隨即在庭上指出三名被告。
PW8跑到時，已經有4～5位警員在場，見到D1轉身面向警員，舉高雙手向外，站在鐵網前，雙腳左右移動，阻礙警員追截兩名女士，PW8大叫「警察咪郁」，叫D3出返來，叫D2去一個適合嘅地方搜身，在背囊搜出一支行山杖、對講機、護脛，問D2點解有行山杖，佢回答用作行山，再問三個問題：1. 點解嚟呢度，2. 嚟呢度做乜，3. 點解見到警察會走？D2全部冇回答，未能釋除PW8疑慮，所以作出拘捕，罪名係非法集結和藏有攻擊性武器，向D2作出警戒、搜查和檢取證物，過程中有叫D2除下頭盔和豬嘴放在地下，完成後放入背囊；之後向刑事偵緝警員匯報，移交D2和證物作調查，之後離開。
主控取出證物向PW8確認，包括：頭盔、豬嘴、背心、短褲、黑鞋、背囊、行山杖、泳鏡、手套、對講機、消毒藥水和口罩。
主控同様播出4段閉路電視片段，要求證人從片段中認出自已，並跟據人物的衣服，辨認出三名被告，各種身體動作，和手持的物品。
11:42～12:07休庭
PW8 陳述事發當時，有用手勢和語言指示，叫D2過嚟，但無與D3接觸。
PW8指出早前一張辨認其身份的截圖出錯，要求更正，穫控方接納。
［辯方要求PW8暫時退庭，與法庭商討法律技術問題，直播員聽唔明內容，只係聽到辯方律師講，在拘捕現場有人話：「你咁細個，我唔會拉你」］。
PW8再出庭作證，到辯方盤問。
辯方質疑PW8為何要改圖，證人解釋出錯原因：1. 在控方播片時，第一眼見到有人落樓梯，就以為係自己，但隨後的片段見到另一個人落樓梯，才知道出錯，2. 自己身型細小，早前的人身型高大，3. 身上一個灰色袋，有條外露的帶的特徵。
當日速龍隊有大概20人，PW8認識各人，記得名字和様貌，但未能從閉路電視片段中辨認各人；辯方向PW8指出在片段中，見唔到警員有委任證、警員編號、面貌，一名普通市民未必能在現場環境分辨到誰是警察，PW8不同意辯方，市民應該能在一兩秒內便能辨認到警察。
辯方重複PW8口供中拘捕的D2過程：截停 》調查 》懷疑 》搜身 》發問 》未能釋除疑慮 》拘捕 》警戒 ，重複問PW8有冇嘢要補充，證人指無，辯方指出，PW8見到D1, D2, D3懷疑犯法，無對D2先作出警戒，掉轉先後次序，質疑警員唔跟程序做，亦無對D1和D3警戒。
辯方指PW8在3/1/2020錄口供時冇認出D1和D3，證人覺得因為會有其他警員做。
跟據PW8口供，在當日12:30和15:55，接受兩次訓示會執行拘捕和掃蕩工作，辯方質疑為何冇帶「羈留人士通知書」，證人解釋覺得冇需要。
13:12～14:45休庭
播出地鐵站閉路電視片段，見到有警員從奇靈里行到去地鐵站，各人散開，約1分鐘後再聚集，一齊行去東慈商業大廈後巷。
從兩段東慈後巷的閉路電視片段中，PW8同意見到D2左手手持一支白色樽內有淺色液體。
播出另一電閉路電視片段，PW8同意D1左手手持白色樽，片段中當D1, D2, D3行過一段路面後，地面出現三處有類似粉末或者液體的痕跡，PW8亦同意D1, D2, D3是從路面的右邊行到去路面的左邊。
辯方播放由市民提供的片段，影到警員在西源里截查的情況，PW8只同意見到有人舉起單手，但未能證實正在拍攝，亦見唔到D2在被搜身時起身面向牆；影片中段影到速龍離開現場，PW8未能從影片中確定是否警察；影片尾段見到有人手持強光電筒，有人攞出行山杖，法官詢問是否有人在拍片，控方話警方沒有拍攝。
再播出兩段市民拍攝的片段，PW8均未能從片段中辨認隊員和自己。
辯方再詳細詢問PW8拘捕D2當刻的情況，PW8在10米外見到三人時，D2雙手雙腳均爬在鐵絲網中間，背對警員，面向鐵絲網，應該見唔到警員，當時PW8有3～4名男隊員，一同向三人奔跑，約3～4秒後到達鐵絲網位置，由於現場混亂，大家都講嘢，所以認唔到人聲，只記得有人大嗌「警察咪郁」，冇印象其他四名隊員講乜，PW8主動對D2作出拘捕，唔知邊個處理D1和D3。
辯方要求PW8在相片中劃出三人位置，PW8到場時D3在PW8右邊，在鐵絲網內面向警察，未落地，D2在左邊，D1在D2左邊，企在地面，作出攙扶的手勢，但冇身體接觸。
PW8在作出拘捕行動後，覺得要向上級匯報，但看過各人的行動呼號後，證實無上級在場。
16:47 休庭，明日4/6 09:45 續審
［由臨時直播員撰寫，請多多包涵］