#區域法院第卅二庭
#陳廣池法官
#0721元朗 #721唔見人 #審訊 [17/25]
上午進度
A1: 林卓廷 (43) / A2: 庾 (35)
A3: 陳 (37) / A4: 葉 (31)
A5: 鄺 (26) / A6: 尹 (48)
A7: 楊 (26)
🛑林卓廷因另案已還押逾32個月
控罪： 暴動（所有被告）
案情：
被控於2019年7月21日，在新界元朗站大堂連同其他身份不詳的人參與暴動。
干犯香港法例第245章《公安條例》第19 (1) 和 (2) 條。
背景資料：
https://publielectoral.lat/s/youarenotalonehk_live/24622
============
[10:03] 開庭
⏺️繼續傳召 PW9 總督察 李伯豪
🔸D2 律師盤問
律師指證人在昨日D1律師盤問時，同意快速應變部隊大約有70人，證人話當時係回答約40～50人，律師指18:00做訓示，包括快速應變部隊有40～50人，屯門支援有30人，有刑事偵輯人員，加埋應超過40～50人，PW9 無數房內人數，唔係訓示全部人，各隊有代表在場，律師問咗多次，PW9 堅持係40～50人，控方起身反對繼續追問，陳官指再追問都無用，只可問多一題問題。
6點訓示後至11點出動前，小隊人員在元朗警署地下或警車上候命，期間無訊息派去其他地方，律師問點解無準備，PW9 稱有指示後會即場計劃，律師繼續追問，但被陳官阻止，唔准再問。
約23:00收到指示去元朗站，由G1入口入，PW9 唔同意律師話“警察作出驅散，好快控制場面”，只係見唔到破壞社會安寧事件，隔咗一陣有人指駡警察；控方反對問題，話驅散係向證人施壓；陳官又加入，畫面見到啲人鳥獸散，驅散係主動做法，畫面上唔啱，要修改用字；律師話剛才問有用「驅散，或者逃避…」嘅字，陳官話聽唔到「逃避」，律師表示唔堅持講咗咩，陳官拒絕，花咗一段時間聽錄音，結果係無「逃避」。
律師指在23:24～23:28期間有效成功控制場面，PW9 唔敢話有效，係無暴力場面；幾時控制場面？遭主控反對。
PW9帶領24人，DOR決定派4隊人，唔記得有無講會面對幾多人，唔知DOR嘅評估係點，有初步諗法唔夠人。
主控反對PW9唔代表DOR；陳官批准提問，係基本估計。PW9稱唔知點解，唔記得DOR有無警告。
快速應變部隊中只有元朗人員，無屯門隊伍，他們在訓示完後返回屯門，因為驚屯門唔夠警力，返去支援，驚其他地方有事。
律師質疑點解咁耐先去到，PW9解釋要7～8分鐘才能出發，因為有4隊，要穿保護裝備，要集合幾十人。
PW9 稱有考慮元朗站情況，唔夠人手守住閘口，未諗到做截停搜查。
其他律師無盤問
[11:13~11:47] 小休
🔹控方覆問
澄清元朗分區無刑事偵緝隊，係屬於元朗警區。
當日元朗區有派人去港島支援，準確人數唔記得，元朗、天水圍和八鄉分區都有派人，元朗分區派咗幾十人，佔人手一半以上。
出發前要著裝備，因為好少著齊裝備在等，當時只有基本裝備，無驅散裝備，低殺傷力武器；至於要做齊辯方指的準備計劃，7～8分鐘未必得。
相信DOR有operation log，唔記得有無見過，DOR無錄音，錄音係指通訊系統的錄音；19年前已經有DOR，例如在在節日活動和打風。
🎥播出警方在元朗站撤退的CCTV片P7N，23:35:00~23:41:30，@23:35:30 PW9 認出自己，PW9跟隨陳官指示，口述現場情況：被唔係白衫嘅公眾人仕指駡，見有受傷人仕，安撫情緒，指駡人仕目光唔係友善，人數越來越多，從通訊機要求增援，有一個人特別激動，@23:38:27 情況轉差，救護員到場，話廁所有人受傷，開條路比救護員，希望公眾claim down。
陳官問被市民圍住，有無陣勢保護自己？驚唔驚❓PW9 話有少少，人手有限，被人圍住。
片段中救護員去咗廁所，畫面右邊人群起哄，市民行過去，警察跟住，救護員帶人走咗，公眾繼續指罵，警察行去J出口。
🎥播出承認事實附件一的#27片，23:44:20～23:45:55，@23:44:26見到PW9，DOR叫撤退，走係順暢，現場超過一百人，市民隔空鬧警察，保持一段距離；離開之後收到指示在元朗巡邏，唔係返警署。
[12:30] 休庭，14:30 續審，傳召其他控方證人。
#陳廣池法官
#0721元朗 #721唔見人 #審訊 [17/25]
上午進度
A1: 林卓廷 (43) / A2: 庾 (35)
A3: 陳 (37) / A4: 葉 (31)
A5: 鄺 (26) / A6: 尹 (48)
A7: 楊 (26)
🛑林卓廷因另案已還押逾32個月
控罪： 暴動（所有被告）
案情：
被控於2019年7月21日，在新界元朗站大堂連同其他身份不詳的人參與暴動。
干犯香港法例第245章《公安條例》第19 (1) 和 (2) 條。
背景資料：
https://publielectoral.lat/s/youarenotalonehk_live/24622
============
[10:03] 開庭
⏺️繼續傳召 PW9 總督察 李伯豪
🔸D2 律師盤問
律師指證人在昨日D1律師盤問時，同意快速應變部隊大約有70人，證人話當時係回答約40～50人，律師指18:00做訓示，包括快速應變部隊有40～50人，屯門支援有30人，有刑事偵輯人員，加埋應超過40～50人，PW9 無數房內人數，唔係訓示全部人，各隊有代表在場，律師問咗多次，PW9 堅持係40～50人，控方起身反對繼續追問，陳官指再追問都無用，只可問多一題問題。
6點訓示後至11點出動前，小隊人員在元朗警署地下或警車上候命，期間無訊息派去其他地方，律師問點解無準備，PW9 稱有指示後會即場計劃，律師繼續追問，但被陳官阻止，唔准再問。
約23:00收到指示去元朗站，由G1入口入，PW9 唔同意律師話“警察作出驅散，好快控制場面”，只係見唔到破壞社會安寧事件，隔咗一陣有人指駡警察；控方反對問題，話驅散係向證人施壓；陳官又加入，畫面見到啲人鳥獸散，驅散係主動做法，畫面上唔啱，要修改用字；律師話剛才問有用「驅散，或者逃避…」嘅字，陳官話聽唔到「逃避」，律師表示唔堅持講咗咩，陳官拒絕，花咗一段時間聽錄音，結果係無「逃避」。
律師指在23:24～23:28期間有效成功控制場面，PW9 唔敢話有效，係無暴力場面；幾時控制場面？遭主控反對。
PW9帶領24人，DOR決定派4隊人，唔記得有無講會面對幾多人，唔知DOR嘅評估係點，有初步諗法唔夠人。
主控反對PW9唔代表DOR；陳官批准提問，係基本估計。PW9稱唔知點解，唔記得DOR有無警告。
快速應變部隊中只有元朗人員，無屯門隊伍，他們在訓示完後返回屯門，因為驚屯門唔夠警力，返去支援，驚其他地方有事。
律師質疑點解咁耐先去到，PW9解釋要7～8分鐘才能出發，因為有4隊，要穿保護裝備，要集合幾十人。
PW9 稱有考慮元朗站情況，唔夠人手守住閘口，未諗到做截停搜查。
其他律師無盤問
[11:13~11:47] 小休
🔹控方覆問
澄清元朗分區無刑事偵緝隊，係屬於元朗警區。
當日元朗區有派人去港島支援，準確人數唔記得，元朗、天水圍和八鄉分區都有派人，元朗分區派咗幾十人，佔人手一半以上。
出發前要著裝備，因為好少著齊裝備在等，當時只有基本裝備，無驅散裝備，低殺傷力武器；至於要做齊辯方指的準備計劃，7～8分鐘未必得。
相信DOR有operation log，唔記得有無見過，DOR無錄音，錄音係指通訊系統的錄音；19年前已經有DOR，例如在在節日活動和打風。
🎥播出警方在元朗站撤退的CCTV片P7N，23:35:00~23:41:30，@23:35:30 PW9 認出自己，PW9跟隨陳官指示，口述現場情況：被唔係白衫嘅公眾人仕指駡，見有受傷人仕，安撫情緒，指駡人仕目光唔係友善，人數越來越多，從通訊機要求增援，有一個人特別激動，@23:38:27 情況轉差，救護員到場，話廁所有人受傷，開條路比救護員，希望公眾claim down。
陳官問被市民圍住，有無陣勢保護自己？驚唔驚❓PW9 話有少少，人手有限，被人圍住。
片段中救護員去咗廁所，畫面右邊人群起哄，市民行過去，警察跟住，救護員帶人走咗，公眾繼續指罵，警察行去J出口。
🎥播出承認事實附件一的#27片，23:44:20～23:45:55，@23:44:26見到PW9，DOR叫撤退，走係順暢，現場超過一百人，市民隔空鬧警察，保持一段距離；離開之後收到指示在元朗巡邏，唔係返警署。
[12:30] 休庭，14:30 續審，傳召其他控方證人。