#西九龍裁判法院第三庭
#鄭念慈裁判官
#網上言論 #旁聽師 #續審 [6/7]
上午進度
D1: 彭/ 《牧師和你顛》創辦人 (59) 🛑已還押逾4個月
D2: 趙 (67)
控罪及控罪詳情：
(1) 作出一項或多項具煽動意圖的作為 —— 訴D1
違反香港法例《刑事罪行條例》第10(1)(a)條
被控於2020年11月17日至2022年2月16日期間(包括首尾兩日)在香港，作出一項或多項具煽動意圖的作為，即製作、上載及廣播YouTube影片並維持一個YouTube頻道，具意圖：
(a) 引起對香港司法的憎恨、藐視及對其的離叛；
(b) 引起香港居民間的不滿或離叛；及/或
(c) 慫使他人不守法或不服從合法命令。
(2) 發表煽動文字 —— 訴D1及D2
違反香港法例《刑事罪行條例》第10(1)(b)條
同被控於2022年1月4日，在九龍深水埗通州街501號西九龍法院大樓第三庭發表煽動文字，即具意圖引起對香港司法的憎恨、藐視或激起對其的離叛；及/或慫使他人不守法或不服從合法命令的文字。
控方：#傅悦耳 署理助理刑事檢控專員
辯方：D1 自辯，D2 #譚俊傑大律師、#李峰琦大律師
————————
[09:35] 開庭
主控申請將控方証人曾標示座位的平面圖為P2E。
繼續播放第七片段。
囚車入。牧師叫：「良知、五光十色」。
牧師講何謂良知同正義。正義女神(Lady Justice )係古羅馬其中一位神靈，她蒙住眼，唔理係乜嘢人，都一視同仁。
正義應該係公平執法，但而家乜都同政治、國家安全有關。
六四維園集會有禁制令，工展會及港鐵卻可以如常。唔通病毒有眼，識得分辨？唔會危害市民公共安全嗎？
而家唔係叫口號時候、貼乜乜乜時候，只係渲洩，冇實際意義，面對煽動罪，易被告得入。今日行出嚟，我要有勇有謀、有guts、正義。
表達要有技巧。點解講：「五光十色，食粒朱古力」？再講乜乜乜，有乜嘢意思，冇保障。講「五光十色」，最重要嘅意思係冇意思。明就明，唔明就唔明。
呢個係一個冇英雄嘅時代，唔標榜乜嘢。如果中司法程序，就唔講。但有D嘢一定要講。支持六四，支持良知，係重要嘅。
今日鄒幸彤，佢預咗。但我諗唔到，要通過10個月分期執行。幾個月分期應該夠，但而家大部分時間分期，話係保釋期犯案。大家睇到，西九法官錯咗而冇認錯。「等候審訊期間犯案」同「保釋期間犯案」係兩個概念，大家心知肚明。
鄭官發現直播中，有啲句子無被控方採納為指控，詢問控方情況；控方立場表示該句子可以理解為上文下理，沒有被納入檢控書。
繼續播片。
如果警方無理咁限制我自由，我就要堅持。
作為牧師，我有冇自由吸毒？我有自由。我有自由吸毒及嫖妓，但我選擇運用自己嘅自由「唔去做」。
言論自由係我用自己嘅自由「唔去講某一D嘢」。如果警方限制我嘅自由，我唔會。
要有「智慧」咁運用同「適當場合」表達自己嘅自由，freedom of expression 。
法官陳慧敏覺得鄒幸彤講六四死難者唔啱佢聽。就算我唔同意佢講，我都尊重佢有佢嘅言論自由。
好多嘢係學習過程。我反叛過，好似 Beatles歌咁：「You say yes，I say no」。
民主自由好重要。好似我個蚊型網台，有人講D乜，都冇打遏，佢哋有表達反對嘅自由。
Beatles 首歌「Let it be」，講出智慧嘅說話。人與人之間，有好多嘢學，學唔晒。
良知喺香港係嚴重嘅問題。唔好喪失咗良知，要守護良知。
今日繼續有部(手)機、網絡、開咪，會繼續和你顛。
陳慧敏法庭嘅保安同我講「你今日做嘅事未見過」，佢擰轉面向我舉手指公。
就係要堅持，堅持就勝利，我哋一定赢，真理永遠長存。其實良知大家都有，只係有D人埋沒咗良知。
以柔制剛係好高境界，係鬥智鬥力，唔係心口得個勇字 (用李小龍為例，講出佢如何領悟到水冇形冇像嘅最高境界)。
(有懲教署車入。叫「撐住、良知」。)
我唔會灰心失望，會一樣積極，就好似頭先法庭嗰位向我舉手指公咁，明眼人睇到㗎嘛。
和你顛需要幽默感，要樂在其中，享受。使徒保羅坐監時寫咗監獄書信，靠主喜樂，「靠着那加給我力量的，凡事都能作。」
祈禱係求神保守，幫助佢哋，令佢哋有力量面對。耶穌喺客西馬尼園祈禱，願主取走苦杯，但最後都接受咗。
(有車入。牧師叫「撐住」。)
靠主得力，靠主得勝。在仇敵面前擺設筵席。
(兩架車出。牧師叫：「鄒幸彤撐住，良知。」)
良知上、公義上、道德上睇赢與輸。就算判鄒幸彤有罪，係唔係配合良知公義？法律若冇公義，失去靈魂，冇靈魂就係死嘅法律。
威嚇你，等你唔敢拍手。面對威嚇，唔能夠縮。如果冇拍手，唔會承認。講咗嘅，就要承認。
今日喺香港最重要嘅係「活出良知」。怯就輸一世。如果一驚，乜都唔洗講就收咪啦。
人生自由、言論自由唔係人比，係你自己實踐，運用先至係屬於你嘅。言論自由喺你自己手上，我唔比你多，大家都有，爭在你用唔用。我用就賺晒，唔用就收返。唔止賺，你哋仲一齊分享，傳遞出去，賺晒。自己冇用自由，唔係實際冇。
我唔會閂咪，除非冇(手)機。一機在手，一條心，一把口。用(聖經)銀子比喻，愈用愈多，愈唔用愈冇。而家就係令你唔敢。我唔單止認，仲大聲講。鄒幸彤係捍衛言論自由，守護良知，係香港人嘅典範。當黎明來到，我哋要乜乜乜。唔係你掛住個名係牧師，而係一言一行配唔配做牧師。
暫停播片。
牧師睇到影片謄本有D指控內容似乎不相關，鄭官有同感。控方表示係手文之誤，會更正。
繼續播片。
要活出良知、正義。法官陳慧敏唔比求情，唔比人講，人哋要陳詞吖嘛。你嚇到人，就唔係和你顛。我知道我嘅紅線喺邊。你猜測就唔敢行，怯就輸一世。
鄒幸彤被判。陳官指佢喺保釋期間犯案，判3個月。攪錯咗，係等候審訊期間犯案，繼續判15個月，10個月分期執行。
剛才展示咗自由係要用出嚟。「莫須有」不能習慣。
你哋畏首畏尾，活在恐懼中。我有神與我同在，洗乜驚。
市民理直氣壯，唔洗怕。免於恐懼嘅自由點解咁重要？因為驚就跪低。你散發正氣，警察都唔埋你身。
(有車出。牧師叫：「撐住，良知，五光十色，食粒朱古力。神與你同在，神加潻你力量，守護良知，捍衛言論自由。」)
呢D就係捍衛言論、表達，最直接。係捍衛新聞自由。今日實踐如何面對高壓、打遏，要行出嚟，自由係我哋擁有。睇下，我係唔係好自由？邊個限制？我用到盡表達嘅自由，做緊直播。我送車師啊，警察有冇郁我？行都冇行過嚟。
片段播完。主控稱CL8早前已經播放，現在播CL9。
牧師在東區法院門外。
2019年9月8日，警察入去維園掃蕩，見到有人用雷射筆，就拘捕佢哋。今日3位年青人被控藏有攻擊性武器，罪名成立。今日送車。
尋日區域法院，可以保釋，唔洗送車。今日，3位年青人坐喺我面前，即時還押。
2019年到而家，兩年幾，除咗D1外，其他兩位只可以攞背景報告，唔排除監禁。有D拖到21歲，情況唔理想。
(有車出。牧師叫：「香港人披荆斬棘。」)
而家疫情，直情係管治危機。疫情唔准探，乜都唔比帶。有被告家屬話還押中，乜都唔准帶，只有當時著住嘅衫，又唔知去邊度。
而家初步確診有7000，繼續爆發嘅話，醫療系統支持唔到。管治危機，影響市民生活。2019年到而家，由亂至治？
上次由維園行過嚟呢度。而家攪到仲衰過第三世界，完善嘅結果，年青人都係面對緊咁嘅問題。
案發時18、19歲，卡咗咁耐，而家至判刑，好在未過21歲，4月至到，爭一個月爭好遠。
你以為可以解決香港問題？好多問題積埋。香港未試過咁大規模，如果醫療系統崩潰，只有死路一條。
一路強權，法庭好似做打遏，法官裁決時好似依法，冇解決問題，解決提出問題嘅人。2019年冇解決。雷射筆、噴漆，損壞財物。積壓到而家冇示威遊行，由亂變治，攪到一鑊粥。有强權冇公理。而家唔諗咁多，大家繼續披荊斬棘。
大家注意網上言論。尋日阮文安洗黑錢案被捕，大家睇到嗰八個字，唔好打出嚟，要用自己嘅自由同智慧，唔打某D嘢。
我聽法庭D案多過律師，一日聽幾宗。阮文安洗黑錢案，我蚊型網台，冇組織、冇勾結、冇眾籌。而家要變通，唔能夠死gu gu。新時代中繼續堅持。網友送乜乜，全部唔收。最緊要知道條紅線喺邊。
我嚇唔到，我倚靠神，全部唔洗驚。八十個警察，我一直做直播，照撐。一條毛都冇郁過我。
香港面對呢D考驗，唔洗驚。但後生仔唔好白白送頭，要好好地讀書。見到陳伯，佢咁講：「艱難時期，好好保護自己，做好自己最重要。」
疫情，要鬥長命。保持身心靈健康，保持鬥志。2020年疫情到而家，保護自己唔好受法律上打遏。
五光十色，由聖誕到而家疫爆直擊。最終一定會赢，正義必勝。神絕對正義，最終審判在神。我哋一定贏。
因為疫情，冇去到美國講道，而開始咗牧師和你顛頻道。
政府派錢比老細，但前線揸車嘅唔係老細。
保守估計，有一萬確診者散佈喺香港。點攪呀？
影片去到42分17秒。未完，放午膳。下午2:30繼續。
💛感謝臨時直播員💛
#鄭念慈裁判官
#網上言論 #旁聽師 #續審 [6/7]
上午進度
D1: 彭/ 《牧師和你顛》創辦人 (59) 🛑已還押逾4個月
D2: 趙 (67)
控罪及控罪詳情：
(1) 作出一項或多項具煽動意圖的作為 —— 訴D1
違反香港法例《刑事罪行條例》第10(1)(a)條
被控於2020年11月17日至2022年2月16日期間(包括首尾兩日)在香港，作出一項或多項具煽動意圖的作為，即製作、上載及廣播YouTube影片並維持一個YouTube頻道，具意圖：
(a) 引起對香港司法的憎恨、藐視及對其的離叛；
(b) 引起香港居民間的不滿或離叛；及/或
(c) 慫使他人不守法或不服從合法命令。
(2) 發表煽動文字 —— 訴D1及D2
違反香港法例《刑事罪行條例》第10(1)(b)條
同被控於2022年1月4日，在九龍深水埗通州街501號西九龍法院大樓第三庭發表煽動文字，即具意圖引起對香港司法的憎恨、藐視或激起對其的離叛；及/或慫使他人不守法或不服從合法命令的文字。
控方：#傅悦耳 署理助理刑事檢控專員
辯方：D1 自辯，D2 #譚俊傑大律師、#李峰琦大律師
————————
[09:35] 開庭
主控申請將控方証人曾標示座位的平面圖為P2E。
繼續播放第七片段。
囚車入。牧師叫：「良知、五光十色」。
牧師講何謂良知同正義。正義女神(Lady Justice )係古羅馬其中一位神靈，她蒙住眼，唔理係乜嘢人，都一視同仁。
正義應該係公平執法，但而家乜都同政治、國家安全有關。
六四維園集會有禁制令，工展會及港鐵卻可以如常。唔通病毒有眼，識得分辨？唔會危害市民公共安全嗎？
而家唔係叫口號時候、貼乜乜乜時候，只係渲洩，冇實際意義，面對煽動罪，易被告得入。今日行出嚟，我要有勇有謀、有guts、正義。
表達要有技巧。點解講：「五光十色，食粒朱古力」？再講乜乜乜，有乜嘢意思，冇保障。講「五光十色」，最重要嘅意思係冇意思。明就明，唔明就唔明。
呢個係一個冇英雄嘅時代，唔標榜乜嘢。如果中司法程序，就唔講。但有D嘢一定要講。支持六四，支持良知，係重要嘅。
今日鄒幸彤，佢預咗。但我諗唔到，要通過10個月分期執行。幾個月分期應該夠，但而家大部分時間分期，話係保釋期犯案。大家睇到，西九法官錯咗而冇認錯。「等候審訊期間犯案」同「保釋期間犯案」係兩個概念，大家心知肚明。
鄭官發現直播中，有啲句子無被控方採納為指控，詢問控方情況；控方立場表示該句子可以理解為上文下理，沒有被納入檢控書。
繼續播片。
如果警方無理咁限制我自由，我就要堅持。
作為牧師，我有冇自由吸毒？我有自由。我有自由吸毒及嫖妓，但我選擇運用自己嘅自由「唔去做」。
言論自由係我用自己嘅自由「唔去講某一D嘢」。如果警方限制我嘅自由，我唔會。
要有「智慧」咁運用同「適當場合」表達自己嘅自由，freedom of expression 。
法官陳慧敏覺得鄒幸彤講六四死難者唔啱佢聽。就算我唔同意佢講，我都尊重佢有佢嘅言論自由。
好多嘢係學習過程。我反叛過，好似 Beatles歌咁：「You say yes，I say no」。
民主自由好重要。好似我個蚊型網台，有人講D乜，都冇打遏，佢哋有表達反對嘅自由。
Beatles 首歌「Let it be」，講出智慧嘅說話。人與人之間，有好多嘢學，學唔晒。
良知喺香港係嚴重嘅問題。唔好喪失咗良知，要守護良知。
今日繼續有部(手)機、網絡、開咪，會繼續和你顛。
陳慧敏法庭嘅保安同我講「你今日做嘅事未見過」，佢擰轉面向我舉手指公。
就係要堅持，堅持就勝利，我哋一定赢，真理永遠長存。其實良知大家都有，只係有D人埋沒咗良知。
以柔制剛係好高境界，係鬥智鬥力，唔係心口得個勇字 (用李小龍為例，講出佢如何領悟到水冇形冇像嘅最高境界)。
(有懲教署車入。叫「撐住、良知」。)
我唔會灰心失望，會一樣積極，就好似頭先法庭嗰位向我舉手指公咁，明眼人睇到㗎嘛。
和你顛需要幽默感，要樂在其中，享受。使徒保羅坐監時寫咗監獄書信，靠主喜樂，「靠着那加給我力量的，凡事都能作。」
祈禱係求神保守，幫助佢哋，令佢哋有力量面對。耶穌喺客西馬尼園祈禱，願主取走苦杯，但最後都接受咗。
(有車入。牧師叫「撐住」。)
靠主得力，靠主得勝。在仇敵面前擺設筵席。
(兩架車出。牧師叫：「鄒幸彤撐住，良知。」)
良知上、公義上、道德上睇赢與輸。就算判鄒幸彤有罪，係唔係配合良知公義？法律若冇公義，失去靈魂，冇靈魂就係死嘅法律。
威嚇你，等你唔敢拍手。面對威嚇，唔能夠縮。如果冇拍手，唔會承認。講咗嘅，就要承認。
今日喺香港最重要嘅係「活出良知」。怯就輸一世。如果一驚，乜都唔洗講就收咪啦。
人生自由、言論自由唔係人比，係你自己實踐，運用先至係屬於你嘅。言論自由喺你自己手上，我唔比你多，大家都有，爭在你用唔用。我用就賺晒，唔用就收返。唔止賺，你哋仲一齊分享，傳遞出去，賺晒。自己冇用自由，唔係實際冇。
我唔會閂咪，除非冇(手)機。一機在手，一條心，一把口。用(聖經)銀子比喻，愈用愈多，愈唔用愈冇。而家就係令你唔敢。我唔單止認，仲大聲講。鄒幸彤係捍衛言論自由，守護良知，係香港人嘅典範。當黎明來到，我哋要乜乜乜。唔係你掛住個名係牧師，而係一言一行配唔配做牧師。
暫停播片。
牧師睇到影片謄本有D指控內容似乎不相關，鄭官有同感。控方表示係手文之誤，會更正。
繼續播片。
要活出良知、正義。法官陳慧敏唔比求情，唔比人講，人哋要陳詞吖嘛。你嚇到人，就唔係和你顛。我知道我嘅紅線喺邊。你猜測就唔敢行，怯就輸一世。
鄒幸彤被判。陳官指佢喺保釋期間犯案，判3個月。攪錯咗，係等候審訊期間犯案，繼續判15個月，10個月分期執行。
剛才展示咗自由係要用出嚟。「莫須有」不能習慣。
你哋畏首畏尾，活在恐懼中。我有神與我同在，洗乜驚。
市民理直氣壯，唔洗怕。免於恐懼嘅自由點解咁重要？因為驚就跪低。你散發正氣，警察都唔埋你身。
(有車出。牧師叫：「撐住，良知，五光十色，食粒朱古力。神與你同在，神加潻你力量，守護良知，捍衛言論自由。」)
呢D就係捍衛言論、表達，最直接。係捍衛新聞自由。今日實踐如何面對高壓、打遏，要行出嚟，自由係我哋擁有。睇下，我係唔係好自由？邊個限制？我用到盡表達嘅自由，做緊直播。我送車師啊，警察有冇郁我？行都冇行過嚟。
片段播完。主控稱CL8早前已經播放，現在播CL9。
牧師在東區法院門外。
2019年9月8日，警察入去維園掃蕩，見到有人用雷射筆，就拘捕佢哋。今日3位年青人被控藏有攻擊性武器，罪名成立。今日送車。
尋日區域法院，可以保釋，唔洗送車。今日，3位年青人坐喺我面前，即時還押。
2019年到而家，兩年幾，除咗D1外，其他兩位只可以攞背景報告，唔排除監禁。有D拖到21歲，情況唔理想。
(有車出。牧師叫：「香港人披荆斬棘。」)
而家疫情，直情係管治危機。疫情唔准探，乜都唔比帶。有被告家屬話還押中，乜都唔准帶，只有當時著住嘅衫，又唔知去邊度。
而家初步確診有7000，繼續爆發嘅話，醫療系統支持唔到。管治危機，影響市民生活。2019年到而家，由亂至治？
上次由維園行過嚟呢度。而家攪到仲衰過第三世界，完善嘅結果，年青人都係面對緊咁嘅問題。
案發時18、19歲，卡咗咁耐，而家至判刑，好在未過21歲，4月至到，爭一個月爭好遠。
你以為可以解決香港問題？好多問題積埋。香港未試過咁大規模，如果醫療系統崩潰，只有死路一條。
一路強權，法庭好似做打遏，法官裁決時好似依法，冇解決問題，解決提出問題嘅人。2019年冇解決。雷射筆、噴漆，損壞財物。積壓到而家冇示威遊行，由亂變治，攪到一鑊粥。有强權冇公理。而家唔諗咁多，大家繼續披荊斬棘。
大家注意網上言論。尋日阮文安洗黑錢案被捕，大家睇到嗰八個字，唔好打出嚟，要用自己嘅自由同智慧，唔打某D嘢。
我聽法庭D案多過律師，一日聽幾宗。阮文安洗黑錢案，我蚊型網台，冇組織、冇勾結、冇眾籌。而家要變通，唔能夠死gu gu。新時代中繼續堅持。網友送乜乜，全部唔收。最緊要知道條紅線喺邊。
我嚇唔到，我倚靠神，全部唔洗驚。八十個警察，我一直做直播，照撐。一條毛都冇郁過我。
香港面對呢D考驗，唔洗驚。但後生仔唔好白白送頭，要好好地讀書。見到陳伯，佢咁講：「艱難時期，好好保護自己，做好自己最重要。」
疫情，要鬥長命。保持身心靈健康，保持鬥志。2020年疫情到而家，保護自己唔好受法律上打遏。
五光十色，由聖誕到而家疫爆直擊。最終一定會赢，正義必勝。神絕對正義，最終審判在神。我哋一定贏。
因為疫情，冇去到美國講道，而開始咗牧師和你顛頻道。
政府派錢比老細，但前線揸車嘅唔係老細。
保守估計，有一萬確診者散佈喺香港。點攪呀？
影片去到42分17秒。未完，放午膳。下午2:30繼續。
💛感謝臨時直播員💛