#區域法院第廿三庭
#林偉權法官
#1119尖沙咀 #營救理大
#審訊 [8/10]
👥A1: 伍(16) A2: 羅(17) A3: 梁(22)
控罪：暴動
三人被控於2019年11月19日，在尖沙咀厚福街附近與其他不知名的人參與暴動。
－－－－－－－－－－
🌟D2 D3辯方律師盤問PW12
辯方總結PW12處理第二被告的步驟如下：
親手移除D2的背囊、將她雙手放背後鎖上索帶、問她身份證喺邊，她答你在背囊、找出身份證核對容貌
整個過程都沒有記載在記事冊內。
PW12：因為我認為係普通行為
官：咁你由邊度開始先寫落記事冊？
PW12：由檢取證物嗰刻
辯：警察通例要求警員就以下事項要寫落記事冊：包括使用及解除手鐐鍊帶(即手銬、索帶)的理據。點解你冇寫？
PW12：嗰陣係為咗保障佢安全同防止逃走。可能我唔係好熟警察通例，之後會改善
辯：你就此事件打咗一份三頁共21段的口供，你要將與案有關嘅嘢寫低，有冇寫移除背囊呢一部分？
PW12：呢個過程冇紀錄
辯：你覺得冇需要？
PW12：冇
辯：咁咪冇人知道個背囊最初係如何得來？
PW12：係
官：你第一次寫到佢有背囊係邊一個階段寫？
PW12：寫佢衣著嗰陣。
辯方讀出PW12的口供：...到了天台協助處理案件，上址有五男六女被截停搜查
辯：你去到天台已經見到有人搜查，咁係邊個搜D2？
PW12：嗰陣搜查係進行中但又未進行 (直播員按：1999唔知佢噏乜)
辯：係咪即係截停咗但又未搜查？
官：你不如直接講你上到天台見到啲咩？
PW12：有5男6女踎喺天台
官：咁有冇人搜查佢呀
PW12：冇
官：咁你口供點解要寫「截停搜查」？
PW12：對唔住法官大人，嗰陣係未搜，我寫得唔好
辯方認為移除背囊、向D2作查問、搵到身份證係應該寫落口供嘅重要事項。PW12回答，唔同意係重要事項所以冇寫落口供。
辯方指出案情，PW12接觸D2時佢根本冇背囊，上到天台時係十一人他喺地上。PW12不同意。
官：你上到天台時見唔見到有一啲人係趴？
PW12：一開始係踎低，跟住有長官指示佢哋趴低，因為天台圍欄高度問題。
辯方詳細問及此過程經過。
PW12：佢哋踎喺天台不同位置，大部分喺中間，有軍裝警員看守。之後長官先指示佢哋去中間一排咁趴低。
辯：移除背囊係長官嘅指令？
PW12：係我自己嘅主意，因為上咗索帶就除唔到個背囊落嚟搜查。
辯：見唔見到其他人有冇除低背囊？
PW12：冇留意
辯：向你指出有啲人上咗索帶仍然孭住背囊
PW12：冇留意
辯：你對D2作出搜查，嗰陣視佢為咩身份
PW12：疑人，未被拘捕
辯：你有冇同D2講點解要上索帶，有冇聽到其他警察講
PW12：我冇，亦聽唔到有人講
辯：上索帶係長官指令？
PW12：係
辯：係邊個長官？
PW12：唔清楚係邊個，總之係幫辦級以上
辯：一個幫板指令咁多人上索帶？
PW12：係
辯方查問PW12得到背囊後的處理方法
PW12：一直由我揸住，都有放喺地下，但一直在我視線範圍。背囊被搜查後，將背囊放去佢頭下。
辯：點解你要攝個背囊落去？證物嚟㗎喎
PW12：等佢個頭唔使直接瞓喺地，等佢舒服啲
(庭上發出一聲冷笑)
辯：主問時你話你處理證物時，會畀被告睇到每個行為，即係你都好留意被告啦。11197搜查背囊嗰陣，一定唔會係喺D2頭下面啦，佢瞓喺地下擰側左一面頭，搜查嘅時候你係喺佢左方右方定前方？
PW12：右手邊
辯：咁D2一定要係擰向右邊，而且都只係望住你哋嘅腳
PW12：11197係喺地下搜查，佢有踎低將物件放喺D2面前。
辯：咁D2可能只係見到物件嘅其中一面
PW12：係
辯：D2有冇講過啲嘢唔係佢嘅？
PW12：冇聽過，聽唔到佢哋說話內容
辯：你有冇諗過向D2查問？警誡？
PW12：冇，因為係屬於之後嘅程序，除非係搵到啲毒品呀嗰啲先會即時警誡
辯：0414-0950 你一直揸住呢個背囊？
PW12：係
辯：去到影相部分。有冇上司命令你要帶D2影相？
PW12：冇，呢啲係拘捕程序嘅流水作業
辯：你冇向D2講解點解要影相
PW12：我冇，但警員7153講解時，D2都喺我身邊
辯：7153講咗啲咩？係同你講定同D2講？
PW12：佢係同我講，要指示D2著返我見到佢嗰陣嘅衣著，作調查同情報分析之用
辯：有冇話會作為呈堂證據？
PW12：冇
官：當時以你嘅理解，會唔會用嚟做證物？
PW12：會
辯：被告有冇權拒絕？
PW12：以我理解呢個係一般調查同拘捕程序，我唔清楚佢有冇權拒絕
官：你當時都冇咁樣諗
PW12：係
辯：係邊個指示D2拎住張紙同孭背囊？
PW12：係7153決定，我只係帶佢去影相區
辯：係你叫佢孭個背囊，你都冇同佢講可以唔孭，都冇人同佢講呢張相會用嚟做證據顯示佢管有呢個袋。
PW12：係
🛑覆問
主要指出PW12做口供不知道案件性質和回文重點，不會知道爭議點。
📌PW13 前女偵緝警員11197 沈嘉慧(音)作供
🛑主問
於2020年2月已離開警隊，現在在公積金計劃管理局工作。案發當日屬西九龍應變大隊刑事應變小隊第八隊。03XX被指派到厚福街7-7A天台作搜查女被捕人士的工作。
上到天台時已有其他警務人員，及一些被截停的人在天台中央趴低，手放在腰後面，上了索帶。在天台的工作沒有記錄，只憑記憶作供。我的職責只是搜查危險物，書面紀錄由其他同事去做，例如負責押解的同事，有和他們溝通過。
開始搜查前，看守的同事會同我講他們的名字和身份證，我會核對下佢哋個樣。我會睇下佢哋有冇危險物同埋搵下佢哋個褲袋，但冇揭開佢哋啲衫。有背囊同埋袋，我會擺喺佢哋面前問「係咪你㗎」，但其實成晚都冇人答過我，冇人出聲。 跟住我會喺佢哋面前搜袋，如果搵到啲嘢就會拎出嚟佢哋面前問「係咪你㗎」，都係成晚都冇人答。我搜完之後會將啲嘢放返入個袋，拉好拉鏈再放返低個袋。之後會向同事匯報裏面大概有啲咩。
現場嘅看守同事都係隊員，其中一人係15386 (PW12)。我同佢只係處理咗一個人。冇印象喺天台停留咗幾耐。
🌟D2 D3律師盤問
辯：我獲告知你嘅記事冊只係填寫到10月4日，之前基本上都只係填寫返工放工，有咩原因？
PW13：10月4號之後我參與咗其他案件嘅後援工作，冇咩特別嘢要記錄。11月我又要處理重案組嘅工作，冇時間補錄之前嘅事。因為工作繁重，我精神狀態都唔係幾好，就算寫咗都未必準確，而且都冇咩重要嘢要記低
辯：會唔會係十月份嗰陣你已經知道可以轉職？
PW13：唔係，我12月先決定離職，到咗20年年尾先返呢份工。
辯：有冇請示過上司可以唔寫？有冇人檢查？
PW13：冇，都冇人會檢查
辯：2021年9月21日你寫咗份口供，係邊個叫你做？
PW13：警員16909喺19定20號打畀我，佢話有單案喺厚福街，佢一講我就記得係邊單case，叫我去警察總部錄口供
辯：有冇人同你講要講咩內容，16909有冇畀啲咩資料你？
PW13：冇，我係憑自己記憶講，2019年11月16日係我入職十週年，之後我就由11月17號當值到11月19號，印象好深刻
辯：你嗰日協助過咁多警員，淨係寫15386？
PW13：我同15386都係重案組，其他人係其他unit所以唔記得
官：同你聯絡嘅人係點講㗎，有冇話「我哋想你講某一位嫌疑人或者警員處理嘅事」，定係只係概括講下天台情況？
PW13：佢係講呢單案會上法庭，講左被告嘅名，問我記唔記得呢一日嘅事
官：咁你畀口供時記唔記得你有處理過呢位被告？
PW13：唔記得㗎喇
官：隊員你淨係記得15386？
PW13：淨係記到呢個number，記得其他人嘅名
辯：喺天台嗰陣，有啲人有背囊墊住個頭，有幾多位？
PW13：唔肯定，但我嘅理解係佢哋墊住嘅係自己嘅袋
辯：咁你搜背囊嗰陣佢哋個頭就冇嘢墊住啦，佢哋趴喺度，最多係望到你對鞋
PW13：把搜袋時會特登將啲嘢攞一攞去佢哋眼前，比佢睇然後問佢係咪你㗎
辯：其實你都認定咗啲嘢係佢嘅
PW13：唔係，如果佢答唔係我會問返同事
辯：咁呢個算唔算係查問
PW13：我覺得唔算係，都冇人答
官：咁如果你搜到把刀，佢又答係佢嘅，你會點？
PW13：會向佢警誡
官：咁你問人啲嘢係咪佢嘅算唔算係查問呀
PW13：咁算係嘅
辯：但你冇做任何紀錄
PW13：係
🛑覆問
PW13和15386在油尖警區重案組共事一年，再之前在不同組時亦有合作，所以較熟悉。
📌PW14 女偵緝警員10283 鄭樂韻(音)，負責搜查D3及帶D3在警署處理各種程序，主問完成。
1430續審。
#林偉權法官
#1119尖沙咀 #營救理大
#審訊 [8/10]
👥A1: 伍(16) A2: 羅(17) A3: 梁(22)
控罪：暴動
三人被控於2019年11月19日，在尖沙咀厚福街附近與其他不知名的人參與暴動。
－－－－－－－－－－
🌟D2 D3辯方律師盤問PW12
辯方總結PW12處理第二被告的步驟如下：
親手移除D2的背囊、將她雙手放背後鎖上索帶、問她身份證喺邊，她答你在背囊、找出身份證核對容貌
整個過程都沒有記載在記事冊內。
PW12：因為我認為係普通行為
官：咁你由邊度開始先寫落記事冊？
PW12：由檢取證物嗰刻
辯：警察通例要求警員就以下事項要寫落記事冊：包括使用及解除手鐐鍊帶(即手銬、索帶)的理據。點解你冇寫？
PW12：嗰陣係為咗保障佢安全同防止逃走。可能我唔係好熟警察通例，之後會改善
辯：你就此事件打咗一份三頁共21段的口供，你要將與案有關嘅嘢寫低，有冇寫移除背囊呢一部分？
PW12：呢個過程冇紀錄
辯：你覺得冇需要？
PW12：冇
辯：咁咪冇人知道個背囊最初係如何得來？
PW12：係
官：你第一次寫到佢有背囊係邊一個階段寫？
PW12：寫佢衣著嗰陣。
辯方讀出PW12的口供：...到了天台協助處理案件，上址有五男六女被截停搜查
辯：你去到天台已經見到有人搜查，咁係邊個搜D2？
PW12：嗰陣搜查係進行中但又未進行 (直播員按：1999唔知佢噏乜)
辯：係咪即係截停咗但又未搜查？
官：你不如直接講你上到天台見到啲咩？
PW12：有5男6女踎喺天台
官：咁有冇人搜查佢呀
PW12：冇
官：咁你口供點解要寫「截停搜查」？
PW12：對唔住法官大人，嗰陣係未搜，我寫得唔好
辯方認為移除背囊、向D2作查問、搵到身份證係應該寫落口供嘅重要事項。PW12回答，唔同意係重要事項所以冇寫落口供。
辯方指出案情，PW12接觸D2時佢根本冇背囊，上到天台時係十一人他喺地上。PW12不同意。
官：你上到天台時見唔見到有一啲人係趴？
PW12：一開始係踎低，跟住有長官指示佢哋趴低，因為天台圍欄高度問題。
辯方詳細問及此過程經過。
PW12：佢哋踎喺天台不同位置，大部分喺中間，有軍裝警員看守。之後長官先指示佢哋去中間一排咁趴低。
辯：移除背囊係長官嘅指令？
PW12：係我自己嘅主意，因為上咗索帶就除唔到個背囊落嚟搜查。
辯：見唔見到其他人有冇除低背囊？
PW12：冇留意
辯：向你指出有啲人上咗索帶仍然孭住背囊
PW12：冇留意
辯：你對D2作出搜查，嗰陣視佢為咩身份
PW12：疑人，未被拘捕
辯：你有冇同D2講點解要上索帶，有冇聽到其他警察講
PW12：我冇，亦聽唔到有人講
辯：上索帶係長官指令？
PW12：係
辯：係邊個長官？
PW12：唔清楚係邊個，總之係幫辦級以上
辯：一個幫板指令咁多人上索帶？
PW12：係
辯方查問PW12得到背囊後的處理方法
PW12：一直由我揸住，都有放喺地下，但一直在我視線範圍。背囊被搜查後，將背囊放去佢頭下。
辯：點解你要攝個背囊落去？證物嚟㗎喎
PW12：等佢個頭唔使直接瞓喺地，等佢舒服啲
(庭上發出一聲冷笑)
辯：主問時你話你處理證物時，會畀被告睇到每個行為，即係你都好留意被告啦。11197搜查背囊嗰陣，一定唔會係喺D2頭下面啦，佢瞓喺地下擰側左一面頭，搜查嘅時候你係喺佢左方右方定前方？
PW12：右手邊
辯：咁D2一定要係擰向右邊，而且都只係望住你哋嘅腳
PW12：11197係喺地下搜查，佢有踎低將物件放喺D2面前。
辯：咁D2可能只係見到物件嘅其中一面
PW12：係
辯：D2有冇講過啲嘢唔係佢嘅？
PW12：冇聽過，聽唔到佢哋說話內容
辯：你有冇諗過向D2查問？警誡？
PW12：冇，因為係屬於之後嘅程序，除非係搵到啲毒品呀嗰啲先會即時警誡
辯：0414-0950 你一直揸住呢個背囊？
PW12：係
辯：去到影相部分。有冇上司命令你要帶D2影相？
PW12：冇，呢啲係拘捕程序嘅流水作業
辯：你冇向D2講解點解要影相
PW12：我冇，但警員7153講解時，D2都喺我身邊
辯：7153講咗啲咩？係同你講定同D2講？
PW12：佢係同我講，要指示D2著返我見到佢嗰陣嘅衣著，作調查同情報分析之用
辯：有冇話會作為呈堂證據？
PW12：冇
官：當時以你嘅理解，會唔會用嚟做證物？
PW12：會
辯：被告有冇權拒絕？
PW12：以我理解呢個係一般調查同拘捕程序，我唔清楚佢有冇權拒絕
官：你當時都冇咁樣諗
PW12：係
辯：係邊個指示D2拎住張紙同孭背囊？
PW12：係7153決定，我只係帶佢去影相區
辯：係你叫佢孭個背囊，你都冇同佢講可以唔孭，都冇人同佢講呢張相會用嚟做證據顯示佢管有呢個袋。
PW12：係
🛑覆問
主要指出PW12做口供不知道案件性質和回文重點，不會知道爭議點。
📌PW13 前女偵緝警員11197 沈嘉慧(音)作供
🛑主問
於2020年2月已離開警隊，現在在公積金計劃管理局工作。案發當日屬西九龍應變大隊刑事應變小隊第八隊。03XX被指派到厚福街7-7A天台作搜查女被捕人士的工作。
上到天台時已有其他警務人員，及一些被截停的人在天台中央趴低，手放在腰後面，上了索帶。在天台的工作沒有記錄，只憑記憶作供。我的職責只是搜查危險物，書面紀錄由其他同事去做，例如負責押解的同事，有和他們溝通過。
開始搜查前，看守的同事會同我講他們的名字和身份證，我會核對下佢哋個樣。我會睇下佢哋有冇危險物同埋搵下佢哋個褲袋，但冇揭開佢哋啲衫。有背囊同埋袋，我會擺喺佢哋面前問「係咪你㗎」，但其實成晚都冇人答過我，冇人出聲。 跟住我會喺佢哋面前搜袋，如果搵到啲嘢就會拎出嚟佢哋面前問「係咪你㗎」，都係成晚都冇人答。我搜完之後會將啲嘢放返入個袋，拉好拉鏈再放返低個袋。之後會向同事匯報裏面大概有啲咩。
現場嘅看守同事都係隊員，其中一人係15386 (PW12)。我同佢只係處理咗一個人。冇印象喺天台停留咗幾耐。
🌟D2 D3律師盤問
辯：我獲告知你嘅記事冊只係填寫到10月4日，之前基本上都只係填寫返工放工，有咩原因？
PW13：10月4號之後我參與咗其他案件嘅後援工作，冇咩特別嘢要記錄。11月我又要處理重案組嘅工作，冇時間補錄之前嘅事。因為工作繁重，我精神狀態都唔係幾好，就算寫咗都未必準確，而且都冇咩重要嘢要記低
辯：會唔會係十月份嗰陣你已經知道可以轉職？
PW13：唔係，我12月先決定離職，到咗20年年尾先返呢份工。
辯：有冇請示過上司可以唔寫？有冇人檢查？
PW13：冇，都冇人會檢查
辯：2021年9月21日你寫咗份口供，係邊個叫你做？
PW13：警員16909喺19定20號打畀我，佢話有單案喺厚福街，佢一講我就記得係邊單case，叫我去警察總部錄口供
辯：有冇人同你講要講咩內容，16909有冇畀啲咩資料你？
PW13：冇，我係憑自己記憶講，2019年11月16日係我入職十週年，之後我就由11月17號當值到11月19號，印象好深刻
辯：你嗰日協助過咁多警員，淨係寫15386？
PW13：我同15386都係重案組，其他人係其他unit所以唔記得
官：同你聯絡嘅人係點講㗎，有冇話「我哋想你講某一位嫌疑人或者警員處理嘅事」，定係只係概括講下天台情況？
PW13：佢係講呢單案會上法庭，講左被告嘅名，問我記唔記得呢一日嘅事
官：咁你畀口供時記唔記得你有處理過呢位被告？
PW13：唔記得㗎喇
官：隊員你淨係記得15386？
PW13：淨係記到呢個number，記得其他人嘅名
辯：喺天台嗰陣，有啲人有背囊墊住個頭，有幾多位？
PW13：唔肯定，但我嘅理解係佢哋墊住嘅係自己嘅袋
辯：咁你搜背囊嗰陣佢哋個頭就冇嘢墊住啦，佢哋趴喺度，最多係望到你對鞋
PW13：把搜袋時會特登將啲嘢攞一攞去佢哋眼前，比佢睇然後問佢係咪你㗎
辯：其實你都認定咗啲嘢係佢嘅
PW13：唔係，如果佢答唔係我會問返同事
辯：咁呢個算唔算係查問
PW13：我覺得唔算係，都冇人答
官：咁如果你搜到把刀，佢又答係佢嘅，你會點？
PW13：會向佢警誡
官：咁你問人啲嘢係咪佢嘅算唔算係查問呀
PW13：咁算係嘅
辯：但你冇做任何紀錄
PW13：係
🛑覆問
PW13和15386在油尖警區重案組共事一年，再之前在不同組時亦有合作，所以較熟悉。
📌PW14 女偵緝警員10283 鄭樂韻(音)，負責搜查D3及帶D3在警署處理各種程序，主問完成。
1430續審。