#西九龍裁判法院第二庭
#陳慧敏裁判官 #0924旺角
#審訊[4/4]
🌟已隱藏部份被告及其有關資訊🌟
D1: 蔡 （20）🛑上午已經還押
D2: 廖 （30）
D3: 14歲手足
控罪：
(1)非法集結 [D1, D2]
於19年9月24日於彌敦道與太子道西交界與其他人參與非法集結
(2) 非法集結 [D1, D3]
於19年9月24日至25日於彌敦道與太子道西交界與其他人參與非法集結
(3) 在公眾地方管有攻擊性武器 [D1]
於19年9月24日在彌敦道與水渠道管有1個發出鐳射光束裝置
(4) 在公眾地方管有攻擊性武器[D2]
於同日同地交界管有1個發出鐳射光束裝置及1把萬用刀
========================
1436開庭，庭內空約30個位
1440繼續盤問D3妹妹🥺
1553仲盤問中
🟢押後至2021年4月23日1000續審
🟢1556完庭
=======================
由於對答太長，而且到後面控方問題頗多重覆，只例出主要重點
被告背景
父親於19年7月離世，同當時剛轉校
受此事影響，19年尾/20年頭開始睇精神科醫神或心理科醫生到現時(仲有睇)
有食藥
辯方主問
D3當日約左三名朋友晚上7點左右，玩boardgame同食飯去散心。Boardgame朋友並唔太知道D3發生嘅事情，只知道D3心情不佳，所以出來陪同。
兩名boardgame朋友先行離開，剩Becky陪同送D3去搭巴士回家，接近巴士站時，D3覺得有啲疲倦，於是於花旗銀行門外休息，吹一吹冷氣同Becky傾計。(D3回家巴士接近花旗銀行位置) (D3指傾計途中沒有太在意身邊環境，因專注係同朋友嘅對話之中)
係同Becky傾計途中與另一位朋友圖寶(音)約於旺角見面，然後(打算)一齊去D3家中打機，等屋企熱鬧一點，因家中媽媽都認識圖寶，可以舒緩家中氣氛。傾左約十分鐘後Becky得知D3正在等人，暫時未會離開，所以先行回家，當時約晚上11點幾。
當D3一個人時，佢一人行左去較後位置嘅夾公仔機鋪頭，係外面睇左一陣都有進入夾公仔鋪，有諗過玩，但最終都打消左呢個主意。然後約十分鐘後，圖寶與男子B於夾公仔機鋪頭外與D3會合。D3指知道男子B，因有數次見面在與圖寶一齊嘅場合，但未去到認識男子B。但在現場當晚D3主要和男子B聊天，和圖寶並沒有太多對話。
圖寶稱約左圖寶嘅朋友，於花旗銀行外還錢俾圖寶。於時D3便與圖寶一齊於花旗銀行外等候。於等候期間，見到有個哥哥(男子A)係度玩雷射筆覺得啲光線好靚。(男子A衣著黑衫黑褲)
睇左大約一分鐘左右，個哥哥留意到佢，借左枝雷射筆俾佢玩左一陣(D3指佢照下個牆，地下同天空，只係欣賞下光線，並指當時對雷射筆並沒有太多了解，只係從ig見到之前太空館激光中嘅片段)，然後被警方用強光照射(D3指唔知道警方目標對象是否本人因光線太強列同身邊太多人。)之後將枝筆還番俾個哥哥，之後就冇留意個哥哥，繼續同朋友傾計。過左一排個哥哥行返來問D3認唔認得佢，D3指佢答男子A 唔認得。
中間仲有女子N同本案中嘅第四被告有牧童笛 ，D3有同女子N交談並指女子N教D3牧童笛。女子N和第四被告，在現場有吹奏。D3指和第四被告沒有任何交流。
到後期，D3指有想要離開，因為只是同男子B交談，警署都不時有強光照射，同埋警署開始有用擴音器叫咪，但由於現場環境太嘈吵，未能聽到警方講咩野。但圖寶指因為想要等埋佢朋友來到還錢，所以同D3講唔差在等多陣，D3只好留低陪圖寶。
直到警方出警署去拉人，D3跟隨人群跑動，因怕停低會被人群推跌和踩到，並不是因自己有犯任何罪行。
最後D3於9月25日零晨1點25分被一名女警拘捕。
法官要求D3在圖片中圈出男子AB，女子N，第四被告，圖寶，Becky同D3自己。(圖片由控方證物片段所提出)
庭上播放兩段片段，由警方警署所拍攝
片段中能夠見到人群聚集，有聽到叫死黑警，和見到D3玩雷射筆，但並冇集中照射單一警員，只係於警署牆外射來射去。另外片段中有警方舉藍旗，並用擴音器指人群正在參與一場非法集結，警方有機會用適當武力將人群驅散和拘捕。
控方盤問
問: 點解廿幾歲嘅Becky會留低一個十幾歲嘅妹妹係街而自己返屋企先？
答: 怕人地屋企會擔心同埋約左圖寶，所以佢走左先。
問: 同becky傾計時有冇留意到身邊環境並唔尋常？
答: 專心同朋友傾計，並沒有太留意身邊環境
再問: 身邊有人叫囂，夾雜粗言穢語，你聽唔勁聽到，覺唔覺得唔尋常?
答: 因為專心傾計，並沒有太理會身邊環境，至於本身自己及家中都經常會使用粗言穢語，所以沒有覺得唔尋常。
問: 你(D3)知唔知道人群聚集係果度係因為咩野？
答: 當時唔太清楚，因為適逢家中變化，無太留意社會時事，怕影響情緒，只知道係反修例。
再問: 知唔知佢地聚集係針對警察嘅一場示威
答: 真係唔太清楚。
問: 當時N係你身邊吹牧童笛知唔知吹緊咩野？
答: 當時比較嘈吵，只隱隱約約聽到好似係有隻雀仔跌落水。
問: 圖片中明明你係搭住N膊頭，有咩理由你聽唔到?
答: 咁現場咁嘈，真係聽唔清楚
問: 點解你覺得想走，但又唔走？
答: 因為聽到警方開始用擴音機叫咪，但現場環境太嘈，所以聽唔到叫緊咩野。由於圖寶執意留低等朋友來還錢，擔心朋友(指圖寶)，當然留低陪佢。即使覺得環境有問題想走。
再問雷射筆，是否蓄意照向警方
D3指只係見到激光中(科學館)片段，所以有樣學樣射向警署牆上。反問如果蓄意照向警，為何唔用雷射筆集中指定一名警員。
到最後控方律師直指，片段中你同男子A交談，你根本認識男子A，你同佢處於果一度嘅目的都係相同，意圖擾亂社會秩序同騷擾警方。
D3指片段中所謂同男子A交談，只係同圖寶對話，並沒有和男子A有任何交流。
(只節錄比較主要對答，因控方對D3提問重覆性太高，Part Time旁聽師覺得控方律師提問有誘導或意圖令D3承認一啲同佢口供不符合嘅野。)
💛感謝臨時直播員💛
#陳慧敏裁判官 #0924旺角
#審訊[4/4]
🌟已隱藏部份被告及其有關資訊🌟
D1: 蔡 （20）🛑上午已經還押
D2: 廖 （30）
D3: 14歲手足
控罪：
(1)非法集結 [D1, D2]
於19年9月24日於彌敦道與太子道西交界與其他人參與非法集結
(2) 非法集結 [D1, D3]
於19年9月24日至25日於彌敦道與太子道西交界與其他人參與非法集結
(3) 在公眾地方管有攻擊性武器 [D1]
於19年9月24日在彌敦道與水渠道管有1個發出鐳射光束裝置
(4) 在公眾地方管有攻擊性武器[D2]
於同日同地交界管有1個發出鐳射光束裝置及1把萬用刀
========================
1436開庭，庭內空約30個位
1440繼續盤問D3妹妹🥺
1553仲盤問中
🟢押後至2021年4月23日1000續審
🟢1556完庭
=======================
由於對答太長，而且到後面控方問題頗多重覆，只例出主要重點
被告背景
父親於19年7月離世，同當時剛轉校
受此事影響，19年尾/20年頭開始睇精神科醫神或心理科醫生到現時(仲有睇)
有食藥
辯方主問
D3當日約左三名朋友晚上7點左右，玩boardgame同食飯去散心。Boardgame朋友並唔太知道D3發生嘅事情，只知道D3心情不佳，所以出來陪同。
兩名boardgame朋友先行離開，剩Becky陪同送D3去搭巴士回家，接近巴士站時，D3覺得有啲疲倦，於是於花旗銀行門外休息，吹一吹冷氣同Becky傾計。(D3回家巴士接近花旗銀行位置) (D3指傾計途中沒有太在意身邊環境，因專注係同朋友嘅對話之中)
係同Becky傾計途中與另一位朋友圖寶(音)約於旺角見面，然後(打算)一齊去D3家中打機，等屋企熱鬧一點，因家中媽媽都認識圖寶，可以舒緩家中氣氛。傾左約十分鐘後Becky得知D3正在等人，暫時未會離開，所以先行回家，當時約晚上11點幾。
當D3一個人時，佢一人行左去較後位置嘅夾公仔機鋪頭，係外面睇左一陣都有進入夾公仔鋪，有諗過玩，但最終都打消左呢個主意。然後約十分鐘後，圖寶與男子B於夾公仔機鋪頭外與D3會合。D3指知道男子B，因有數次見面在與圖寶一齊嘅場合，但未去到認識男子B。但在現場當晚D3主要和男子B聊天，和圖寶並沒有太多對話。
圖寶稱約左圖寶嘅朋友，於花旗銀行外還錢俾圖寶。於時D3便與圖寶一齊於花旗銀行外等候。於等候期間，見到有個哥哥(男子A)係度玩雷射筆覺得啲光線好靚。(男子A衣著黑衫黑褲)
睇左大約一分鐘左右，個哥哥留意到佢，借左枝雷射筆俾佢玩左一陣(D3指佢照下個牆，地下同天空，只係欣賞下光線，並指當時對雷射筆並沒有太多了解，只係從ig見到之前太空館激光中嘅片段)，然後被警方用強光照射(D3指唔知道警方目標對象是否本人因光線太強列同身邊太多人。)之後將枝筆還番俾個哥哥，之後就冇留意個哥哥，繼續同朋友傾計。過左一排個哥哥行返來問D3認唔認得佢，D3指佢答男子A 唔認得。
中間仲有女子N同本案中嘅第四被告有牧童笛 ，D3有同女子N交談並指女子N教D3牧童笛。女子N和第四被告，在現場有吹奏。D3指和第四被告沒有任何交流。
到後期，D3指有想要離開，因為只是同男子B交談，警署都不時有強光照射，同埋警署開始有用擴音器叫咪，但由於現場環境太嘈吵，未能聽到警方講咩野。但圖寶指因為想要等埋佢朋友來到還錢，所以同D3講唔差在等多陣，D3只好留低陪圖寶。
直到警方出警署去拉人，D3跟隨人群跑動，因怕停低會被人群推跌和踩到，並不是因自己有犯任何罪行。
最後D3於9月25日零晨1點25分被一名女警拘捕。
法官要求D3在圖片中圈出男子AB，女子N，第四被告，圖寶，Becky同D3自己。(圖片由控方證物片段所提出)
庭上播放兩段片段，由警方警署所拍攝
片段中能夠見到人群聚集，有聽到叫死黑警，和見到D3玩雷射筆，但並冇集中照射單一警員，只係於警署牆外射來射去。另外片段中有警方舉藍旗，並用擴音器指人群正在參與一場非法集結，警方有機會用適當武力將人群驅散和拘捕。
控方盤問
問: 點解廿幾歲嘅Becky會留低一個十幾歲嘅妹妹係街而自己返屋企先？
答: 怕人地屋企會擔心同埋約左圖寶，所以佢走左先。
問: 同becky傾計時有冇留意到身邊環境並唔尋常？
答: 專心同朋友傾計，並沒有太留意身邊環境
再問: 身邊有人叫囂，夾雜粗言穢語，你聽唔勁聽到，覺唔覺得唔尋常?
答: 因為專心傾計，並沒有太理會身邊環境，至於本身自己及家中都經常會使用粗言穢語，所以沒有覺得唔尋常。
問: 你(D3)知唔知道人群聚集係果度係因為咩野？
答: 當時唔太清楚，因為適逢家中變化，無太留意社會時事，怕影響情緒，只知道係反修例。
再問: 知唔知佢地聚集係針對警察嘅一場示威
答: 真係唔太清楚。
問: 當時N係你身邊吹牧童笛知唔知吹緊咩野？
答: 當時比較嘈吵，只隱隱約約聽到好似係有隻雀仔跌落水。
問: 圖片中明明你係搭住N膊頭，有咩理由你聽唔到?
答: 咁現場咁嘈，真係聽唔清楚
問: 點解你覺得想走，但又唔走？
答: 因為聽到警方開始用擴音機叫咪，但現場環境太嘈，所以聽唔到叫緊咩野。由於圖寶執意留低等朋友來還錢，擔心朋友(指圖寶)，當然留低陪佢。即使覺得環境有問題想走。
再問雷射筆，是否蓄意照向警方
D3指只係見到激光中(科學館)片段，所以有樣學樣射向警署牆上。反問如果蓄意照向警，為何唔用雷射筆集中指定一名警員。
到最後控方律師直指，片段中你同男子A交談，你根本認識男子A，你同佢處於果一度嘅目的都係相同，意圖擾亂社會秩序同騷擾警方。
D3指片段中所謂同男子A交談，只係同圖寶對話，並沒有和男子A有任何交流。
(只節錄比較主要對答，因控方對D3提問重覆性太高，Part Time旁聽師覺得控方律師提問有誘導或意圖令D3承認一啲同佢口供不符合嘅野。)
💛感謝臨時直播員💛