#屯門裁判法院第七庭
#李志豪裁判官
#1225沙田 #審訊 [5/4]
D1: 邱(27)
D2: 麥(16)
D3: *
控罪：
(1) 襲擊警務人員 [D1]
(2) 襲擊在正當執行職務的警務人員 [D2]
(3) 參與非法集結 [D3]
——————
📌特別事項
會面記錄嘅呈堂性
D1嘅特別事項由D1作供，另外傳召一位辯方證人。
D3嘅特別事項由D3作供，並無另外傳召證人。
📌D1辯方大律師主問D1
喺主問嘅時候D1透露當時發生嘅背景。佢同佢女朋友當日喺新城市廣場3樓企喺電梯側邊，行街同埋食花生。突然，佢聽到有防暴嘅聲音，然後就從後撞過嚟D1所在嘅人群。D1無啦啦比胡椒噴霧制服，並且被警棍毆打右邊大腿三下。當時情況混亂，佢唔知咩事就俾人制服，又聽到佢女朋友激動尖叫，所以好驚。同時聽到有人問佢叫咩名，於是，佢大叫自己個名同埋佢阿哥嘅電話號碼。
被制服嘅時候，有人喺佢耳邊講「我依家拉你返去，睇你有幾咁威」。之後佢就被鎖上索帶坐埋一邊。由於佢被噴咗胡椒噴霧，佢想問防暴攞水洗眼，獲得回覆「你要水啊？我成支水淋落你個頭度」，佢就答唔使啦。過咗一陣，佢視線比較清晰，見到女朋友瞓咗係地下，而且情緒激動咁樣尖叫，佢當時唔知道女朋友有冇被拘捕，但係聽到有防暴問另一個人「使唔使拉埋佢（望住佢女朋友）」，D1就話「你唔好拉我女朋友，我叫佢冷靜啲，你拉我得啦」。之後，佢就被拉去2樓，有人同佢宣佈拘捕佢公眾妨擾罪，同埋襲警，被告就同佢講「冇」。
D1形容，當時女朋友瞓咗係地下，又唔知點解被制服同埋被告兩條罪，所以好亂同埋好驚。之後，佢被押至馬鞍山警署。喺停車場嘅側邊有一間房，房有半個法庭咁大，由屏風分隔左兩個空間，其中一個有枱櫈。D1被帶到其中一張凳坐低，由便衣警察剪索帶。係呢個時候佢聽到34696好大聲咁樣話「你都唔使見律師㗎啦」；隨後，佢被帶到屏風嘅另一邊食飯，又聽到一把聲音大聲呼喝「我都忍撚咗你好耐，你要玩，我今晚拉你入房除埋你衫慢慢玩，打你都仲得」。期間，其他警員嘅態度都非常之不友善。
D1話，因為當時嘅心情有被捕開始一直都係好驚同埋好亂去到警署嘅時候因為驚不人道嘅對待，所以唔敢提出要搵律師。當時唔知道自己有律師搵緊佢，但其實好想搵律師。佢又聽到50657話「唔好聽外面教你冇嘢講，冇嘢講只會害撚死你」，最後係冇律師陪同嘅情況下被錄咗口供。
口供嘅內容好有引導性，例如，錄口供嘅警員問佢「你當時點解衰呢單野㗎？」，錄嘅期間講一大段說話先至寫。
有關口供紙嘅內容，D1指唔同意，但係驚提出反對會受到不人道嘅對待，所以係唔情願嘅情況下簽咗。D1承認，佢知道有權請律師，但係冇提出過。原因係喺佢被捕嘅環境，例如比拘捕佢嘅警察恐嚇兜頭淋佢水，自己無緣無故被拘捕等等都令到佢受驚，而且冇人問過佢要唔要律師。佢亦都知道有緘默權，但係聽到恐嚇嘅說話，故所以冇行駛。佢話，其實當時並唔係自願錄呢一份口供，佢會希望有律師嘅陪同。
📌控方大律師盤問D1
控方大律師由D1被捕嘅時候開始嘗試質疑，知唔知道佢要求水嘅時候，當時回答佢嘅警員手上面有冇水，被告解釋佢視線唔清晰唔知道佢手上面有冇水，唔知道係唔係真係會俾人淋，控方大律師聲稱呢段情節冇發生過，被告唔同意。
控方大律師其後問過佢，有關一份D1簽個名嘅「發給被告人仕通知書」，問D1點解唔去醫院？D1解釋因為佢係被捕嘅時候話唔使去醫院，以為講過就冇得再去。控方大律師又問，點解口供紙有出入，得到保釋離開警署之後無向警察投訴？D1話有向律師講，其後亦都搵到一份由律師向投訴警察課嘅投訴。
D1指，喺羈留室見到律師嘅時候，已經即時向律師反映，而且係錄口供嘅時候被威嚇「有片睇到你㗎，單手定雙手」。
最後，辯方傳召一位證人DW2，係當時聽到被告姓名同埋電話號碼嘅路人。佢主要交代同埋確認當時被告被拘捕嘅時候嘅情況。
📌D3辯方大律師主問D3
D3係同一日喺新城市廣場被捕，同埋被送往馬鞍山警署嘅，佢補充D1所指，當時佢哋入到去連接停車場嘅房間嘅時候，大概有10個被捕人士一齊到達，每個被捕者都有一個便衣警察跟進。
12799喺房間入邊坐咗佢嘅對面，同佢講「依家同你錄一份簡單口供，你唔使律師㗎啦？」當時D3考慮要唔要律師，聽到有警員大聲夾惡咁樣呼喝話「你哋唔使搵律師㗎啦，律師好貴㗎喎，你哋冇錢比㗎啦」。D3形容，呢段說話係講比在場被捕嘅人聽嘅。12799同佢講「係㗎啦，搵律師有排等，不如快快脆脆錄咗去」。D3形容， 12799唔想佢搵律師。
之後， 34696好大聲咁樣呼喝「邊個唔肯錄，要搵律師呀？」D3冇諗到警察態度咁差，現場又有咁多警察，態度好惡，因為佢驚俾人鬧同埋呼喝，於是唔敢提出請求搵律師。最後D3係冇搵到律師嘅情況下錄口供。
12799喺口供入邊寫到，「你告知我冇嘢改」，D3指事實上並冇咁講過。口供入邊有寫到「我向你再次警誡」，但係事實上亦都冇發生過。D3認為份口供係部份由12799虛構嘅。
喺錄口供期間， 34696行入嚟，用好惡嘅聲線大聲咁問「邊個冇嘢講？」之後同12799對望。然後12799同D3講「你唔使驚，你有啲嘢有嘢講，有啲冇嘢講就得㗎啦」。D3形容當時嘅感受係驚被針對，以為只要聽12799講就唔會被鬧。
隨後， 34696行咗去坐喺12799後面嘅被捕人士果面，距離D3大概1米，問一個姓馬嘅被捕人士嘅個人資料，馬冇回應， 12799突然轉身用右手向馬右邊面掌摑左三下，好大聲咁樣鬧「我都忍撚咗你好耐，你要玩，我今晚拉你入房除埋你衫慢慢玩，打你都仲得」。D3形容，當時感到非常震撼，見到有人被警察暴力對待，怕打埋自己。12799拎返轉向着D3講，「醒醒定定，唔好得罪大sir」。D3指，佢嘅理解係唔好俾人認為佢不合作，否則就會好似馬咁樣俾人打。故所以D3唔敢再有要求，想搵律師都唔敢提出。
最後，佢冇對口供嘅內容提出修改因為佢驚被暴力對待。之後，佢被帶到屏風嘅另一邊影全身相片，冇人解釋過影嚟做咩，冇人話過係自願，亦都冇俾機會佢尋求法律意見應否影相。D3話，如果佢知道可以唔影嘅話佢唔會影。佢係被錄完口供同埋影完相之後兩個鐘先至見到律師。
佢冇喺即時就作出投訴，因為驚俾人打，想離開咗先講。
📌控方大律師盤問D3
控方大律師指，佢係喺上庭嘅時候先至作出投訴，而且對於監警會要求聯絡嘅信件冇作出回覆，認為D3所指嘅投訴漠不關心。D3回應佢唔係漠不關心，只係交咗比律師跟進，所以自己冇作出回覆，至於律師有冇跟進監警會嘅信件，佢自己就冇留意，因為佢信任律師。
講返當時錄口供嘅場面，控方大律師指無論係12799同埋34696都冇明示拒絕被告獲得法律意見，亦都冇明示會打佢同埋威嚇佢。D3雖然同意，但係指出呢啲恐嚇同埋利誘唔係經明示作出嘅。
至於影相，控方大律師指，係被告自己選擇唔搵律師，被告唔同意，佢只係不情願下被迫同意影相。
——————
明日14:30雙方提交書面陳詞
案件押後至明日12月22日1430續審
✅期間以原有條件繼續保釋✅
💛感謝臨時直播員💛
#李志豪裁判官
#1225沙田 #審訊 [5/4]
D1: 邱(27)
D2: 麥(16)
D3: *
控罪：
(1) 襲擊警務人員 [D1]
(2) 襲擊在正當執行職務的警務人員 [D2]
(3) 參與非法集結 [D3]
——————
📌特別事項
會面記錄嘅呈堂性
D1嘅特別事項由D1作供，另外傳召一位辯方證人。
D3嘅特別事項由D3作供，並無另外傳召證人。
📌D1辯方大律師主問D1
喺主問嘅時候D1透露當時發生嘅背景。佢同佢女朋友當日喺新城市廣場3樓企喺電梯側邊，行街同埋食花生。突然，佢聽到有防暴嘅聲音，然後就從後撞過嚟D1所在嘅人群。D1無啦啦比胡椒噴霧制服，並且被警棍毆打右邊大腿三下。當時情況混亂，佢唔知咩事就俾人制服，又聽到佢女朋友激動尖叫，所以好驚。同時聽到有人問佢叫咩名，於是，佢大叫自己個名同埋佢阿哥嘅電話號碼。
被制服嘅時候，有人喺佢耳邊講「我依家拉你返去，睇你有幾咁威」。之後佢就被鎖上索帶坐埋一邊。由於佢被噴咗胡椒噴霧，佢想問防暴攞水洗眼，獲得回覆「你要水啊？我成支水淋落你個頭度」，佢就答唔使啦。過咗一陣，佢視線比較清晰，見到女朋友瞓咗係地下，而且情緒激動咁樣尖叫，佢當時唔知道女朋友有冇被拘捕，但係聽到有防暴問另一個人「使唔使拉埋佢（望住佢女朋友）」，D1就話「你唔好拉我女朋友，我叫佢冷靜啲，你拉我得啦」。之後，佢就被拉去2樓，有人同佢宣佈拘捕佢公眾妨擾罪，同埋襲警，被告就同佢講「冇」。
D1形容，當時女朋友瞓咗係地下，又唔知點解被制服同埋被告兩條罪，所以好亂同埋好驚。之後，佢被押至馬鞍山警署。喺停車場嘅側邊有一間房，房有半個法庭咁大，由屏風分隔左兩個空間，其中一個有枱櫈。D1被帶到其中一張凳坐低，由便衣警察剪索帶。係呢個時候佢聽到34696好大聲咁樣話「你都唔使見律師㗎啦」；隨後，佢被帶到屏風嘅另一邊食飯，又聽到一把聲音大聲呼喝「我都忍撚咗你好耐，你要玩，我今晚拉你入房除埋你衫慢慢玩，打你都仲得」。期間，其他警員嘅態度都非常之不友善。
D1話，因為當時嘅心情有被捕開始一直都係好驚同埋好亂去到警署嘅時候因為驚不人道嘅對待，所以唔敢提出要搵律師。當時唔知道自己有律師搵緊佢，但其實好想搵律師。佢又聽到50657話「唔好聽外面教你冇嘢講，冇嘢講只會害撚死你」，最後係冇律師陪同嘅情況下被錄咗口供。
口供嘅內容好有引導性，例如，錄口供嘅警員問佢「你當時點解衰呢單野㗎？」，錄嘅期間講一大段說話先至寫。
有關口供紙嘅內容，D1指唔同意，但係驚提出反對會受到不人道嘅對待，所以係唔情願嘅情況下簽咗。D1承認，佢知道有權請律師，但係冇提出過。原因係喺佢被捕嘅環境，例如比拘捕佢嘅警察恐嚇兜頭淋佢水，自己無緣無故被拘捕等等都令到佢受驚，而且冇人問過佢要唔要律師。佢亦都知道有緘默權，但係聽到恐嚇嘅說話，故所以冇行駛。佢話，其實當時並唔係自願錄呢一份口供，佢會希望有律師嘅陪同。
📌控方大律師盤問D1
控方大律師由D1被捕嘅時候開始嘗試質疑，知唔知道佢要求水嘅時候，當時回答佢嘅警員手上面有冇水，被告解釋佢視線唔清晰唔知道佢手上面有冇水，唔知道係唔係真係會俾人淋，控方大律師聲稱呢段情節冇發生過，被告唔同意。
控方大律師其後問過佢，有關一份D1簽個名嘅「發給被告人仕通知書」，問D1點解唔去醫院？D1解釋因為佢係被捕嘅時候話唔使去醫院，以為講過就冇得再去。控方大律師又問，點解口供紙有出入，得到保釋離開警署之後無向警察投訴？D1話有向律師講，其後亦都搵到一份由律師向投訴警察課嘅投訴。
D1指，喺羈留室見到律師嘅時候，已經即時向律師反映，而且係錄口供嘅時候被威嚇「有片睇到你㗎，單手定雙手」。
最後，辯方傳召一位證人DW2，係當時聽到被告姓名同埋電話號碼嘅路人。佢主要交代同埋確認當時被告被拘捕嘅時候嘅情況。
📌D3辯方大律師主問D3
D3係同一日喺新城市廣場被捕，同埋被送往馬鞍山警署嘅，佢補充D1所指，當時佢哋入到去連接停車場嘅房間嘅時候，大概有10個被捕人士一齊到達，每個被捕者都有一個便衣警察跟進。
12799喺房間入邊坐咗佢嘅對面，同佢講「依家同你錄一份簡單口供，你唔使律師㗎啦？」當時D3考慮要唔要律師，聽到有警員大聲夾惡咁樣呼喝話「你哋唔使搵律師㗎啦，律師好貴㗎喎，你哋冇錢比㗎啦」。D3形容，呢段說話係講比在場被捕嘅人聽嘅。12799同佢講「係㗎啦，搵律師有排等，不如快快脆脆錄咗去」。D3形容， 12799唔想佢搵律師。
之後， 34696好大聲咁樣呼喝「邊個唔肯錄，要搵律師呀？」D3冇諗到警察態度咁差，現場又有咁多警察，態度好惡，因為佢驚俾人鬧同埋呼喝，於是唔敢提出請求搵律師。最後D3係冇搵到律師嘅情況下錄口供。
12799喺口供入邊寫到，「你告知我冇嘢改」，D3指事實上並冇咁講過。口供入邊有寫到「我向你再次警誡」，但係事實上亦都冇發生過。D3認為份口供係部份由12799虛構嘅。
喺錄口供期間， 34696行入嚟，用好惡嘅聲線大聲咁問「邊個冇嘢講？」之後同12799對望。然後12799同D3講「你唔使驚，你有啲嘢有嘢講，有啲冇嘢講就得㗎啦」。D3形容當時嘅感受係驚被針對，以為只要聽12799講就唔會被鬧。
隨後， 34696行咗去坐喺12799後面嘅被捕人士果面，距離D3大概1米，問一個姓馬嘅被捕人士嘅個人資料，馬冇回應， 12799突然轉身用右手向馬右邊面掌摑左三下，好大聲咁樣鬧「我都忍撚咗你好耐，你要玩，我今晚拉你入房除埋你衫慢慢玩，打你都仲得」。D3形容，當時感到非常震撼，見到有人被警察暴力對待，怕打埋自己。12799拎返轉向着D3講，「醒醒定定，唔好得罪大sir」。D3指，佢嘅理解係唔好俾人認為佢不合作，否則就會好似馬咁樣俾人打。故所以D3唔敢再有要求，想搵律師都唔敢提出。
最後，佢冇對口供嘅內容提出修改因為佢驚被暴力對待。之後，佢被帶到屏風嘅另一邊影全身相片，冇人解釋過影嚟做咩，冇人話過係自願，亦都冇俾機會佢尋求法律意見應否影相。D3話，如果佢知道可以唔影嘅話佢唔會影。佢係被錄完口供同埋影完相之後兩個鐘先至見到律師。
佢冇喺即時就作出投訴，因為驚俾人打，想離開咗先講。
📌控方大律師盤問D3
控方大律師指，佢係喺上庭嘅時候先至作出投訴，而且對於監警會要求聯絡嘅信件冇作出回覆，認為D3所指嘅投訴漠不關心。D3回應佢唔係漠不關心，只係交咗比律師跟進，所以自己冇作出回覆，至於律師有冇跟進監警會嘅信件，佢自己就冇留意，因為佢信任律師。
講返當時錄口供嘅場面，控方大律師指無論係12799同埋34696都冇明示拒絕被告獲得法律意見，亦都冇明示會打佢同埋威嚇佢。D3雖然同意，但係指出呢啲恐嚇同埋利誘唔係經明示作出嘅。
至於影相，控方大律師指，係被告自己選擇唔搵律師，被告唔同意，佢只係不情願下被迫同意影相。
——————
明日14:30雙方提交書面陳詞
案件押後至明日12月22日1430續審
✅期間以原有條件繼續保釋✅
💛感謝臨時直播員💛