被控煽動顛覆國家政權、認罪判監三年的賢學思政前召集人王逸戰今日刑滿出獄，高溫之下，他仍身穿兩年前的長袖衛衣，王逸戰說，這兩年經歷傷痛、憂愁和分離，「但我都始終都相信，一切都係最好嘅安排，所有經歷都會成為我哋每個人，成長嘅養份。」

在家人的擁抱下，王逸戰淚水盈眶，他說發現自己比想像中懦弱，「係咁容易喊」，雖然經歷兩年牢獄，雖然有很多遺憾但仍覺感恩，幸運身邊有人支持鼓勵，「令我自己有足夠勇氣抵御黑暗」，他最大的得著是要好好珍惜擁有的一切，「好似我咁呢兩年最掛住嘅，係我媽咪煲嘅湯，之前喺出面，媽咪煲湯都唔會飲。」

展望未來，他稱自己主要的任務是陪伴家人朋友，亦希望專注學業，「咩時代知識都重要」，而他作為過來人，亦希望加入非政府組織或社企關注在囚人士，「佢哋都係被遺忘嘅香港人。」

王逸戰說，自己從來沒有打算過離開香港，過去兩年雖然身在香港，「但係一牆之隔，我會有種莫名嘅鄉愁」，感覺自己和香港密不可分，「無論未來變得幾壞，我都想留喺呢片土地，同呢片土地同甘共苦」，他相信未來仍然有可能性，「生活當中，總有美好嘅事情，值得期許或者守護。」

「社會愈動盪，愈要善良、活得真誠、相信希望，挺直腰骨企好大家。」

ReNews