女監限定系列「髮夾」
女性可以入的物資比男性多少少咁啦
🤏🏻但係相對上難度都比較高架
所以今次我就做一個記錄啦
懲教可以入的髮夾有兩款(圖二)
不過相信大家聽得最多就係(圖一)的8字夾
另外一款有親友同我分享(圖四)嗰款!(網上圖片)
都係全塑膠的髮夾!
我因為唔想買錯唔啱規格的髮夾
所以我都係認命買8字夾
買錯事少
佢地無得用要等下次探訪先再入就大件事(定罪一個月先探到2+2)
如果有親友買過其他款可以入!話我知呀!!
之前問左女手足親友
佢就指引我去依間鋪頭(圖三)感謝
🥲🫶🏻地址係:深水埗基隆街324號地下奇興百貨
入到去鋪頭右邊會有啲髮夾頭飾
而掛出黎的sample 8字夾係約一隻手指尾長的size
如果想買其他size要直接問店員
佢就會攞比你睇(nice的姨姨
✨)
我買左鋪頭入面最大的size
大過一張八達通(9.3cm計8字形狀個位)
不過要一次過買12個
無得散買
另外店員姨姨都有問我要唔要橡筋(圖二)
佢估到我係黎買物資
不過由於
🎀唔需要我就唔買住了
所以唔知最低消費要買幾多條
另外聽過大欖出面士多同羅湖間小鐵皮屋都有得買嘅
有其他地方買到都可以話我知
🫶🏻handwritingletters