星期日現場：在囚如何學習……
暴動案一宗又一宗開審，「暴徒」一個又一個被帶進監獄，但案件複雜又類似，被告數目眾多又面目模糊，公眾關注少，社會對案件的研究亦少。其中一宗「理大圍城」油麻地暴動案去年判刑，此為一些法庭紀錄及家屬訪問，希望對社會支援更生提供一些資訊。
4年前，已塵封的歷史。2019年11月18日警方圍堵理大，有示威者於多區發起「圍魏救趙」分散警力，其中油麻地一帶共213人被捕，全被控告暴動罪，並分成17案審理。213人當中的13人在去年12月31日判刑。
這13名被告現時分佈各監獄服刑，我接觸到其中兩名被告的親友，均指他們能適應獄中生活，但不約而同面對學習困難。「師傅」是其中一名被告的中學同學，他說同學入獄後狀態很好，「佢入到去開心咗，仲肥到成隻豬咁𠻹！（笑）第一次探佢，佢話入面啲日子好好過，好過出面，因為入面有規律，日頭就去洗衣房做嘢……佢係唔鍾意講嘢的人，但佢係一個心地善良嘅人。佢未畀人拉之前都講下嘢，畀人拉咗之後都唔講嘢，好少同人講嘢。佢入咗去坐，就話如釋重負……」
師傅說同學在生活上適應，但就放棄在獄中讀書，因為他了解過都會大學的遙距課程，要全靠囚友自修閱讀，沒有教學，加上學費跟巿價一樣，文憑或學位課程都要十幾萬，於是放棄。師傅說同學知道他受訪，很希望提出建議：「佢好想建議，上堂透過ZOOM有recording的功能錄影，如果懲教可以播出來畀佢哋睇，預先錄好片，好過現在自己摸索。」
Rainbow是另一名被告的朋友，她說朋友已還押多時，適應還好，「可能因為佢坐咗一段唔短嘅時間，坐過好多唔同嘅監獄，轉換過好多唔同的環境。喺某啲好惡劣的環境，佢都堅持自己無被其他人同化，亦都覺得佢係好自律和非常有planning的人，佢一直堅持自己喺入面自修……點解佢咁想讀書？因為求學的過程比其他人付出更加多，佢有專注力不足症，佢成日話，由細到大都好專心去諗點可以專心啲（笑）」。她說朋友最終考上大學，學位得來不易，一直很想在獄中自修，但缺乏支援，例如申請送入教科書或計數機也十分困難，加上獄中工作沒自由時間和環境嘈雜，他難以集中，「佢好難專心，上個月佢喺入面申請咗去睇番精神科，想攞藥，因為佢專心唔到讀書，focus唔到做任何嘢，要開始食番藥」。Rainbow說朋友很想表達獄中學習的困難，望有改善。
囚徒學習難免是一個困境。善牧助更生協會總幹事張文達表示，在囚學習有幾大困難，例如學生基本上只能選擇都大的課程，而不能延續其他大學的學位課程，而都大選修的科目有限，獄中難有好的學習環境和設施，還有成年囚犯要工作，少有自由時間。不過有被告建議播放上課錄影提升教學，未必是一個夢。
懲教署回覆，署方去年12月推出「Learning on Demand」的在囚人士電子學習平台，參與公開考試及修讀大學/專上課程的在囚人士，可透過平板電腦配合院所的內聯網，瀏覽電子學習材料。都會大學亦回覆說會加強學習支援，例如提供平板電腦讓學生修讀資訊科技課程，及加派導師到懲教院所解答學生問題。張文達說暫時知道平板電腦只限壁屋懲教所和赤柱監獄的部分犯人，導師亦是每年一兩次到訪，希望措施能進一步執行，全面惠及在囚學生。
明報
暴動案一宗又一宗開審，「暴徒」一個又一個被帶進監獄，但案件複雜又類似，被告數目眾多又面目模糊，公眾關注少，社會對案件的研究亦少。其中一宗「理大圍城」油麻地暴動案去年判刑，此為一些法庭紀錄及家屬訪問，希望對社會支援更生提供一些資訊。
4年前，已塵封的歷史。2019年11月18日警方圍堵理大，有示威者於多區發起「圍魏救趙」分散警力，其中油麻地一帶共213人被捕，全被控告暴動罪，並分成17案審理。213人當中的13人在去年12月31日判刑。
這13名被告現時分佈各監獄服刑，我接觸到其中兩名被告的親友，均指他們能適應獄中生活，但不約而同面對學習困難。「師傅」是其中一名被告的中學同學，他說同學入獄後狀態很好，「佢入到去開心咗，仲肥到成隻豬咁𠻹！（笑）第一次探佢，佢話入面啲日子好好過，好過出面，因為入面有規律，日頭就去洗衣房做嘢……佢係唔鍾意講嘢的人，但佢係一個心地善良嘅人。佢未畀人拉之前都講下嘢，畀人拉咗之後都唔講嘢，好少同人講嘢。佢入咗去坐，就話如釋重負……」
師傅說同學在生活上適應，但就放棄在獄中讀書，因為他了解過都會大學的遙距課程，要全靠囚友自修閱讀，沒有教學，加上學費跟巿價一樣，文憑或學位課程都要十幾萬，於是放棄。師傅說同學知道他受訪，很希望提出建議：「佢好想建議，上堂透過ZOOM有recording的功能錄影，如果懲教可以播出來畀佢哋睇，預先錄好片，好過現在自己摸索。」
Rainbow是另一名被告的朋友，她說朋友已還押多時，適應還好，「可能因為佢坐咗一段唔短嘅時間，坐過好多唔同嘅監獄，轉換過好多唔同的環境。喺某啲好惡劣的環境，佢都堅持自己無被其他人同化，亦都覺得佢係好自律和非常有planning的人，佢一直堅持自己喺入面自修……點解佢咁想讀書？因為求學的過程比其他人付出更加多，佢有專注力不足症，佢成日話，由細到大都好專心去諗點可以專心啲（笑）」。她說朋友最終考上大學，學位得來不易，一直很想在獄中自修，但缺乏支援，例如申請送入教科書或計數機也十分困難，加上獄中工作沒自由時間和環境嘈雜，他難以集中，「佢好難專心，上個月佢喺入面申請咗去睇番精神科，想攞藥，因為佢專心唔到讀書，focus唔到做任何嘢，要開始食番藥」。Rainbow說朋友很想表達獄中學習的困難，望有改善。
囚徒學習難免是一個困境。善牧助更生協會總幹事張文達表示，在囚學習有幾大困難，例如學生基本上只能選擇都大的課程，而不能延續其他大學的學位課程，而都大選修的科目有限，獄中難有好的學習環境和設施，還有成年囚犯要工作，少有自由時間。不過有被告建議播放上課錄影提升教學，未必是一個夢。
懲教署回覆，署方去年12月推出「Learning on Demand」的在囚人士電子學習平台，參與公開考試及修讀大學/專上課程的在囚人士，可透過平板電腦配合院所的內聯網，瀏覽電子學習材料。都會大學亦回覆說會加強學習支援，例如提供平板電腦讓學生修讀資訊科技課程，及加派導師到懲教院所解答學生問題。張文達說暫時知道平板電腦只限壁屋懲教所和赤柱監獄的部分犯人，導師亦是每年一兩次到訪，希望措施能進一步執行，全面惠及在囚學生。
明報