[ Miss 咗福利官電話點算好???????]

作為一個電話長期靜音既人嚟講，小編係經常miss咗懲教署福利官打嚟既電話。唔係無聽福利官電話就要等佢打返嚟，你都可以主動搵佢。

喺呢到要同大家分享一下，如果miss咗福利官電話可以點做。

- 你Miss咗邊個電話就打返嗰個電話返去。(如圖)
因為一個院所入面都有唔同福利官，佢哋都有自己嘅直線電話號碼，打返轉頭有70%既機會都搵得返福利官。但記得福利官食飯時間係1:00pm-2:00pm，避開呢個時間就得。

如果打返轉頭，冇人接聽電話號碼可以點？
- 由於福利官都會用唔同電話號碼打俾親友，所以最好每次打嚟都save低佢地電話。就算A電話號碼唔聽，都可以打返B電話號碼，再唔係就打C電話號碼。

- 上網搵返嗰個院所嘅更生事務組既電話號碼，接通之後同佢講你係邊個號碼嘅屋企人/朋友，啱啱福利官打電話俾你唔小心Miss咗，依家想搵返福利官。咁接電話嗰個人會幫你駁返條線俾福利官。

***記住唔好覺得唔好意思或者麻煩到懲教，接聽你嘅電話亦都係福利官嘅職責。
***跟進返自己親人/朋友既狀況係理所當然，呢啲全部都係應有嘅權利。
———————————————
Instagram: @Teemo.hk
Patreon: https://www.patreon.com/Teemomo_hk

Teemo的震撼教育課