「法庭餐/飯」

上次「高院探訪」果篇提過
如果還押緊的手足在區院/高院上庭
係可以訂俗稱「法庭餐」的Lunch俾佢地食

有朋友問我係咪要申請
我特地請教左朋友好多關於法庭餐的問題
各位親友/手足歡迎更正/更新/補充更多資訊🙏🏻

首先法庭餐要在當日早上11點鐘前訂
上次我講過會有本簿可以寫低手足編號同自己電話方便聯絡
但原來9點之後
懲教就會俾一個「當日上庭的人」名單俾大家樂/高院餐廳
所以
如果親友9點後去
就可以直接同餐廳收銀職員講訂法庭餐
同埋講編號
職員就可以即時在名單度查下有無依個編號
如果有，都係交錢，留聯絡方法就得
（無？唔洗上庭？其他原因？）

但係有時候可能會有唔同人重複交錢的情況
咁職員就會打番比你，話退番錢比你
親友記住好好溝通！

依個法庭餐係咪要同福利官申請？
根據我同朋友的經驗都係唔需要的
只要當日餐廳職員名單上有手足的編號就可以訂
（由於對上一次訂飯係1月
如果情況有變有更新，請務必話俾我知🙏🏻）

如果無訂飯會點？
懲教職員係會提供粥+麵包俾手足食
（歡迎補充）

同埋最近鎖倉
好多手足都無得上庭，押後再上庭
依黎時間親友對於手足要唔要上庭要多加留心
可以同律師提前聯絡！

可能你會繼續擔心
係咪真係唔洗申請，可以當日直接同餐廳訂？
由於而家唔可以探訪
我都一律建議
有任何問題都可以直接在辦公時間打俾該院所的福利官問清楚

因為我都唔排除懲教會有咩規則更改
畢竟百年懲教都在依幾年不斷轉變…

***法庭餐並不是/包含於私飯
***高院/區院限定，其他法院無得訂

P.S.而上庭當日
無食到的私飯的lunch會點？
由於唔同餐廳有唔同做法
有餐廳係可以在訂飯時同佢講上庭當日唔訂中午飯
係可以扣番一餐的錢
請親友同訂私飯的餐廳好好溝通🙏🏻

handwritingletters