【一牆相隔 假若無罪的是我(下)】//在窄小的裁判法庭內, 一男一女年輕被告立直身子聽取裁決,他們同被控反修例運動中參與非法集結。在冗長的判詞尾段,男被裁定罪成,女則無罪釋放。
2019年一天,女生Yoyo(化名)被押上警車時極為驚恐,思緒混亂,擔心「屋企人唔知我去咗邊」。她在被捕不足48小時內「踢保」,以為事情告一段落,卻在事隔8個月後,遭警方以非法集結起訴她。
事後他們才知道,原來當日被帶上同一輛警車、一起在警署「踢保」、再一同被起訴。他們原不相識,卻因為案件被連繫起來,兩人原來聘用同一名指示律師,「連律師都有問我哋係咪識,我哋一齊講『唔係呀,真係唔識』」。
落案起訴前1個月,Yoyo剛成為護理系一年級生。她自中三選科起朝著目標發奮,「鍾意做護士有使命感,可以貼近同直接咁treat病人」,跨過重重關卡成為護士學生,後來卻背負著案件踏入新校園。她說最困難的,是同時面對審訊與學業壓力,「一樣係夢想,另一樣係影響我人生,兩樣我都唔可以放低」。
裁決前夕,Yoyo與男生互傳短訊,問到男生有何打算,男生表現淡然,一早辭職「打定輸數」。Yoyo說:「佢唔係唔關心自己前途,明明都好sad,只係冇表現出嚟。」
裁判官宣判時,Yoyo一直用力握緊拳頭,使掌心留下一排月牙痕。結果男生被定罪、她則脫罪。聞判後,她頃刻放鬆落淚,同時為男生感到擔憂。
二人的親友有人釋然地大聲嘆氣,亦有人不停拭淚。男生靠近Yoyo耳邊說:「請唔到食三哥啦,要乖乖哋讀書。」她則回話:「出嚟(米線)全餐都請你!一定嚟探你,頂住呀!記住加我名(寄信)!」
Yoyo坦言,自己無事非最好的裁決結果,惜最終仍未能與男生「齊上齊落」。律師曾說二人的官司均有「五五」勝算,最終一定罪一脫罪,Yoyo苦笑說:「真係五、五,總覺得佢承受埋我嗰份。」
此刻Yoyo抱著吉他,悠然唱著《風的形狀》—一首浮現她腦海的歌,「感覺係所有嘅煩惱都冇晒」。她憑歌希望寄語自己、男生及他人。
「冇人知道風嘅形狀係點樣、未來係點樣,可唔可以順順利利跟着自己嘅計劃而行。可能遇到障礙、有不安迷惘嘅時候,亦希望可以跟住心入面嘅直覺去行。」//
📌 訪問全文:
《誌》hk.feature