【吳生近況與自學進度】

小編同小助手講，上次報告完吳生近況後，大家都幾關注佢嘅自學情況🤣所以再同大家update 吓！

一，法律書同幾百頁notes 已經到手，最厚嗰本書成千二頁😵問佢有冇重拾做學生嘅感覺，佢話嗰陣讀純數，唔洗睇同背咁多字，因為通常對住條數諗一個鐘，諗通咗就識㗎啦邊洗記😹同佢話唔明點解啲法律用語成日都咁累贅😅但都應付到嘅！（呢句佢係皺住眉咁講😅）

二，眼殘小助手探咗好多次先發現，原來吳生喺入面都有gel頭㗎！就咁睇佢個all back頭都gel得幾靚，睇唔出係用BB油整🤟🏻佢話入嚟先發現，人其實真係唔需要太多嘢，出返嚟應該會變斷捨離主義者😇

三，雖然天氣仲係時凍時熱，但佢已經換咗長袖衫了～朋友每次探佢時入嘅m&m 亦都有乖乖食晒😹佢話以前已經好鍾意食朱古力，同埋飲威士忌🥃所以先一直放棄磅重，到入嚟之後先有磅吓，最低潮係82kg🥲

四，最後係小助手誠懇嘅呼籲（冇問準吳生不過冇所謂啦）🙏🏻聖誕將至，希望大家可以寫信/畫畫幫吳生打個氣，等佢更有動力刨法律書🔥⛄亦都可以講啲日常生活嘅無聊嘢，搵吓可愛嘅動物相/搞笑memes畀佢，等佢放鬆下！

⭐ 支持吳政亨(李伯盧)關注組 Patreon：
https://www.patreon.com/GordonNgConcernGroup
----------------------------------
吳政亨（李伯盧）關注組：
Fb: https://bit.ly/3x300Ec
Ig: http://instagram.com/gordonngconcerngroup

吳政亨（李伯盧）關注組