【探監】
平時好少公開分享探監嘅嘢，但對於某幾次探監發生嘅一啲「小事」特別有感受，想好好梳理同紀錄低，但如果大家睇完之後都有反思就係bonus 🙌🏼
首先講講探訪室係點嘅，之後會容易啲理解：
喺部份懲教院所嘅探訪室入面，每個窗前正中央都有個倒數計時鐘，無鐘嗰啲院所就係另外以人手計的；大部份有兩個電話供探訪人士使用，但亦有院所只有一個電話，要輪流。
用鐘計時就係由懲教開掣、然後拎起電話聽筒嗰刻，紅色數字開始跳動倒數；唔開鐘就連聽筒都無聲。時間由15（還押）或者30（定罪）分鐘開始倒數，到剩餘3分鐘同1分鐘嗰陣都會有響聲提示，夠鐘之後聽筒就會自動截斷，一秒都唔會比多你。
另外喺窗嘅角落頭或者下角位置會長期貼住張告示，提醒你個對話會被錄音，亦有機會被執法人員使用 etc 其實諗都諗到，喺探訪室嘅一舉一動都被監視住。
其中一位朋友，佢開頭幾次喺最後3分鐘時，幾乎每句說話前後都會自覺或不自覺地望鐘，密到我都會忍唔住望吓；倒數時間越少，就覺得有越多嘢未講，有時一個話題未講完又要趕緊講埋下一件事。
喺只有一個電話嘅院所探訪，朋友匆匆對我交代幾件事後，話想同女朋友講兩句，我回頭望一望站在後方的女友，示意叫佢過嚟。女友拎起聽筒後，我當然識趣地往後退幾步，免得佢哋尷尬，但有時都會忍唔住偷望佢哋相視而笑嘅表情，一邊諗到底有幾多對伴侶，因政權嘅無情，無法透過牽手、擁抱、接吻，感受對方的溫度。
另一件事發生喺某朋友剛進院所後嘅頭一個月，嗰陣第一次去探佢，一見面已經覺得佢精神好緊張。
然後開始傾偈，即使對話只係平平無奇嘅閒話家常，朋友都不時望向監聽通告，好似處於一種非常繃緊嘅狀態。雖然係可以理解的，但見到都仍然覺得好心酸，好彩近月再去時，情況已有改善。
最後一件事：啱啱探完個朋友，佢話我去之前連續三日本身都排咗探訪，但最後三日都無人出現⋯⋯ 就算臨時唔得閒都明白的，但排咗探又無人，對入面充滿期待嘅人嚟講好失望。可能以為一日無人好小事，點知個個都咁諗就變咗連續三日發生；如果有出聲，起碼可以搵吓有無其他朋友可以頂上。
希望大家如果有機會探監時都可以多加體諒一下對方嘅心情，講多啲自己同身邊朋友發生嘅事、update吓佢哋有咩趣事就已經好好；最緊要係唔好講埋啲無謂嘢，例如「點解你哋食肉乾都可以食得咁滋味嘅？」之類，同何不食肉糜係一模一樣的 🥺🥺
#探監師
Chan On Yi
平時好少公開分享探監嘅嘢，但對於某幾次探監發生嘅一啲「小事」特別有感受，想好好梳理同紀錄低，但如果大家睇完之後都有反思就係bonus 🙌🏼
首先講講探訪室係點嘅，之後會容易啲理解：
喺部份懲教院所嘅探訪室入面，每個窗前正中央都有個倒數計時鐘，無鐘嗰啲院所就係另外以人手計的；大部份有兩個電話供探訪人士使用，但亦有院所只有一個電話，要輪流。
用鐘計時就係由懲教開掣、然後拎起電話聽筒嗰刻，紅色數字開始跳動倒數；唔開鐘就連聽筒都無聲。時間由15（還押）或者30（定罪）分鐘開始倒數，到剩餘3分鐘同1分鐘嗰陣都會有響聲提示，夠鐘之後聽筒就會自動截斷，一秒都唔會比多你。
另外喺窗嘅角落頭或者下角位置會長期貼住張告示，提醒你個對話會被錄音，亦有機會被執法人員使用 etc 其實諗都諗到，喺探訪室嘅一舉一動都被監視住。
其中一位朋友，佢開頭幾次喺最後3分鐘時，幾乎每句說話前後都會自覺或不自覺地望鐘，密到我都會忍唔住望吓；倒數時間越少，就覺得有越多嘢未講，有時一個話題未講完又要趕緊講埋下一件事。
喺只有一個電話嘅院所探訪，朋友匆匆對我交代幾件事後，話想同女朋友講兩句，我回頭望一望站在後方的女友，示意叫佢過嚟。女友拎起聽筒後，我當然識趣地往後退幾步，免得佢哋尷尬，但有時都會忍唔住偷望佢哋相視而笑嘅表情，一邊諗到底有幾多對伴侶，因政權嘅無情，無法透過牽手、擁抱、接吻，感受對方的溫度。
另一件事發生喺某朋友剛進院所後嘅頭一個月，嗰陣第一次去探佢，一見面已經覺得佢精神好緊張。
然後開始傾偈，即使對話只係平平無奇嘅閒話家常，朋友都不時望向監聽通告，好似處於一種非常繃緊嘅狀態。雖然係可以理解的，但見到都仍然覺得好心酸，好彩近月再去時，情況已有改善。
最後一件事：啱啱探完個朋友，佢話我去之前連續三日本身都排咗探訪，但最後三日都無人出現⋯⋯ 就算臨時唔得閒都明白的，但排咗探又無人，對入面充滿期待嘅人嚟講好失望。可能以為一日無人好小事，點知個個都咁諗就變咗連續三日發生；如果有出聲，起碼可以搵吓有無其他朋友可以頂上。
希望大家如果有機會探監時都可以多加體諒一下對方嘅心情，講多啲自己同身邊朋友發生嘅事、update吓佢哋有咩趣事就已經好好；最緊要係唔好講埋啲無謂嘢，例如「點解你哋食肉乾都可以食得咁滋味嘅？」之類，同何不食肉糜係一模一樣的 🥺🥺
#探監師
Chan On Yi