【圍城．兩年】入理大後離港 至親去世不敢奔喪：我好驚畀人拉
//17 日下午，理大外已起了零星衝突，A 子（化名）感覺那裡「會成為重要的抗爭場合」，和家人飲完茶，就相約了三個朋友一起進入理大。
A 子原本以為，這次就如前幾日一樣，入夜就可以離開。
「從來冇諗過警察要拉你，竟然係將成千幾人困左喺 Poly 入面。」A 子難掩震驚。那時她還心存僥倖想，警方會否圍封一晚就解封，又或外面的示威者可以反攻進來。
當然這一切都沒有發生。那刻，A 子死心了。她與隊友商量後，決定坐救護車離開，也預計了會被捕。
上救護車前，A 子被警員登記了個人資料，也拍了照。那時她以為，醫院會有大批警察等着拘捕他們，同車有個中了水炮、手腳染成藍色的男生，也害怕得嚷着要跳車。但到達醫院那刻，眼前卻一個警察都沒有，醫護只是說：「你走得啦。」
做好被捕心理準備的 A 子很震驚，翌日帶點緊張地到機場。沒有人留難、沒有人拘捕，她上了原定 20 日離港的飛機。
「死過返生囉好似⋯⋯」坐在去外地的飛機，A 子有點難以置信：「Poly 入面最壞打算係會死㗎嘛，而家竟然坐到飛機，去返第二度之後係高床軟枕，係兩個世界。」回到外地工作，她生活如常，也不覺受理大一事影響，只是擔心登記資料後或會被秋後算帳，在朋友建議下報名翌年去外國讀書暫避。
直到今年中，她的至親去世，原本答應家人「過兩日」就回港奔喪的她，去到買機票揀位時，才發現自己原來「好驚畀人拉」，根本買不到機票。那晚，她驚恐到打電話叫朋友來陪她，「我先發現 Poly 呢件事對我嘅影響原來好大，你會有種無日無之嘅恐懼，覺得係咪返咗去有一日會畀人敲門，然後就有人嚟拉我。」
A 子形容，自己是「半個」流亡者：「我唔似真正嘅流亡者咁慘咁危險，但又唔係普通人咁安全。就好似『薛丁格的貓』咁樣，你一日唔打開個盒都唔知隻貓死未，一日唔返去都唔知會唔會畀人拉。」
不過，與其說那是一種對自己行為堅定的無悔，不如說是一種事已至此，「冇計」的心態。「好多人事後對 Poly 呢件事 comment 係打陣地戰冇得打、覺得啲學生蠢咗，但我自己都唔會咁諗。」A 子淡然說，「咁當下就係咁發生咗，冇計。」她只是覺得參與不多的自己有點「唔好彩」，也對「發生少少事都想着草」有點愧疚：「好似對唔住啲真正身土不二嘅人。」//
📌 訪問全文：《獨立媒體》
//17 日下午，理大外已起了零星衝突，A 子（化名）感覺那裡「會成為重要的抗爭場合」，和家人飲完茶，就相約了三個朋友一起進入理大。
A 子原本以為，這次就如前幾日一樣，入夜就可以離開。
「從來冇諗過警察要拉你，竟然係將成千幾人困左喺 Poly 入面。」A 子難掩震驚。那時她還心存僥倖想，警方會否圍封一晚就解封，又或外面的示威者可以反攻進來。
當然這一切都沒有發生。那刻，A 子死心了。她與隊友商量後，決定坐救護車離開，也預計了會被捕。
上救護車前，A 子被警員登記了個人資料，也拍了照。那時她以為，醫院會有大批警察等着拘捕他們，同車有個中了水炮、手腳染成藍色的男生，也害怕得嚷着要跳車。但到達醫院那刻，眼前卻一個警察都沒有，醫護只是說：「你走得啦。」
做好被捕心理準備的 A 子很震驚，翌日帶點緊張地到機場。沒有人留難、沒有人拘捕，她上了原定 20 日離港的飛機。
「死過返生囉好似⋯⋯」坐在去外地的飛機，A 子有點難以置信：「Poly 入面最壞打算係會死㗎嘛，而家竟然坐到飛機，去返第二度之後係高床軟枕，係兩個世界。」回到外地工作，她生活如常，也不覺受理大一事影響，只是擔心登記資料後或會被秋後算帳，在朋友建議下報名翌年去外國讀書暫避。
直到今年中，她的至親去世，原本答應家人「過兩日」就回港奔喪的她，去到買機票揀位時，才發現自己原來「好驚畀人拉」，根本買不到機票。那晚，她驚恐到打電話叫朋友來陪她，「我先發現 Poly 呢件事對我嘅影響原來好大，你會有種無日無之嘅恐懼，覺得係咪返咗去有一日會畀人敲門，然後就有人嚟拉我。」
A 子形容，自己是「半個」流亡者：「我唔似真正嘅流亡者咁慘咁危險，但又唔係普通人咁安全。就好似『薛丁格的貓』咁樣，你一日唔打開個盒都唔知隻貓死未，一日唔返去都唔知會唔會畀人拉。」
不過，與其說那是一種對自己行為堅定的無悔，不如說是一種事已至此，「冇計」的心態。「好多人事後對 Poly 呢件事 comment 係打陣地戰冇得打、覺得啲學生蠢咗，但我自己都唔會咁諗。」A 子淡然說，「咁當下就係咁發生咗，冇計。」她只是覺得參與不多的自己有點「唔好彩」，也對「發生少少事都想着草」有點愧疚：「好似對唔住啲真正身土不二嘅人。」//
📌 訪問全文：《獨立媒體》