【專訪】越過內疚與傷痛 赴湯眼中的光復//明明對法治不抱期望,明明已經免去牢獄之災,明明可以選擇抽身淡忘,
「赴湯」湯偉雄卻決定就「共同犯罪原則」申請上訴至終審法院。
由原審、獲判無罪、律政司上訴、到敗訴……一而再、再而三的訴訟,赴湯形容:「根本就戇鳩,呢啲分明係唔夠料嘅生安白造,喺火星都畀佢告暴動。」
他們深明,政權意欲藉這場大龍鳳「加鹽加醋」演繹《公安條例》,以擴大暴動罪的拘捕範圍,創造就一個更有利消除異見的社會。
告上終院的最壞情況,可能是案件發還重審,然後被判暴動成入獄,但他們卻毫不猶豫。幾經討論後,赴湯堅持不欲妻子及同案少女再承受種種折磨,決定獨力承擔風險,最後以個人名義申請上訴至終院,隨後申請法援但不獲批,便發起義賣籌集律師費。
命運由被捕一刻交疊。保䆁後,他們以羈留室最難吃的餸菜「蘿蔔」為名建立群組。這種由陌路人變成共患難的羈絆,牢牢地互相牽引著,年紀最大的赴湯可謂當中支柱。
每張臉孔他都記得,每個人都是實實在在,不只是一個名字,不只是新聞報道中的被捕人士,而是出現在他生命中的幾十人。
內疚、責任、手足情,赴湯知道,無論如何他都需要為他們做一點事,甚至是回到惡夢之中也在所不惜。
來來回回,
終審法院昨日(4日)頒下終極裁決的判詞,裁定「共同犯罪原則」不適用於暴動及非法集結案。「赴湯」終於完成歷史賦予他的任務,可以鬆一口氣?
暫時吧。
作為香港人,他知道,如今仍未勝利。「今次裁決唔可以講係一個勝利,我哋只係打爛咗其中一個政權喺司法系統上嘅僭建。贏咗單官司係唔可以將成個香港扭轉,亦都冇改變到任何大環境。」
回望當初決定上訴,赴湯說:
「唔係因為覺得會贏先去做,而係因為覺得應該做,所以就去做。就好似當初我哋走上街頭咁。」赴湯特別提到另一名上訴人、 2016 年旺角騷亂案暴動罪成的盧建民,「大家千祈唔好唔記得光明(盧建民),其實佢已經差唔多坐完冤獄,但都堅持上訴,完全係為咗之後未審訊嘅手足……」
正就如盧建民般,「我哋可以做嘅,就係盡力改變自己身邊可觸及嘅事。」
「如果仲相信未來仲有一次機會嘅話,我哋依家嘅能力係完全唔足夠,所以要趁住呢個機會去強化自己,好好規劃未來日子。每個人都盡力改變身邊可觸及嘅事,喺唔同嘅領域一齊頂住嗰少少,就係呢少少,咁先有機會將香港回復原貌。」這是他眼中的光復。//
📌 專訪全文:
休班記者