我們的驕傲

完全令你無言嘅其中一粒星仔...
幅畫係寫實畫，圖片重點係佢條底褲（孖煙通款）！

早有聽聞班智障（都係手足啦）玩撕底褲遊戲，問我想唔想像到孖煙通變旗袍。一個月佢地得3條新底褲，我叫佢地唔好咁粗暴咁玩，唔係就無底褲著！（p.s. 其實爛哂都有懲教公家底褲嘅，但我諗就唔會想著啦，都唔知咩人著過。）

隔左幾日佢著住條褲頭橡筋同d布分開哂嘅底褲黎見我。塊布係佢自己打個結去綁住條褲頭橡筋。條低能仔仲要將個結前後移去話條旗袍好性感！問我佢係唔係好正！

我對住個畫面係真係呆左，之後就爆笑！點解可以咁嫁佢地？佢仲話著得返！仲有一邊腳未爛！

佢係永遠都著唔好條褲咁去拜山房咁見你，我都放棄左叫佢著返好d條褲喇！

最後都係個句，留多d言同寫信比佢地啦，佢地睇到會好開心！
*
*
*

三粒星 Saam Lap Sing