羊小齡喺裏面已經第12日。
今日終於到我探佢喇，事前突登plan好個15分鐘點用，因為要傳達好多重要嘅訊息，例如律師安排、收信狀況、入零食等等。通常我地會有啲小小嘅旁門左道幫我地記得晒啲重點，等我地一入去就可以一炮過講晒啲嘢。不過羊小齡就只可以用腦記，所以有啲野要講黎講去搞成個星期先事成。佢今日仲要啱啱瞓醒晏教冇耐，完全不在狀態，所以都係輕鬆吹下水算。
今日係佢試食私飯嘅第二日，佢話餐餐都冇乜菜，不過好彩啲橙夠大隻，每日都有屎屙，好暢通。另外，羊小齡本身好中意亦都好擅長玩數獨。之前玩開《好辣》，入去之後友人突登入咗本《勁辣數獨》比佢挑戰下，但佢表示呢本真係「太辣」，做咗幾日先解到一題...... 要求換本「三小辣」......
啱啱出嚟見我哋之前，佢同倉嘅倒立阿婆又因為無啦啦倒立俾人話🤸🏻♀️；佢又話自己有keep住每日運動30分鐘，問我佢有冇瘦咗。我建議佢應該要跟阿婆練倒立，如果佢夠力撐得起自己🐖出返嚟應該可以打死人。講開做運動，係女懲教所平時日常生活包括運動都只可以著拖鞋，然後佢突然舉起隻羊腳上枱🦵🏻
「呢款拖鞋真係好舒服，聽囚友講係近排多咗議員入冊先有靚款啲嘅拖鞋著，唔知算唔算係另類成功爭取呢......？」
最後我地仲有幸見到鄒幸彤一眼。佢依舊精神，滿面笑容同我哋打招呼。
manlinthanks
今日終於到我探佢喇，事前突登plan好個15分鐘點用，因為要傳達好多重要嘅訊息，例如律師安排、收信狀況、入零食等等。通常我地會有啲小小嘅旁門左道幫我地記得晒啲重點，等我地一入去就可以一炮過講晒啲嘢。不過羊小齡就只可以用腦記，所以有啲野要講黎講去搞成個星期先事成。佢今日仲要啱啱瞓醒晏教冇耐，完全不在狀態，所以都係輕鬆吹下水算。
今日係佢試食私飯嘅第二日，佢話餐餐都冇乜菜，不過好彩啲橙夠大隻，每日都有屎屙，好暢通。另外，羊小齡本身好中意亦都好擅長玩數獨。之前玩開《好辣》，入去之後友人突登入咗本《勁辣數獨》比佢挑戰下，但佢表示呢本真係「太辣」，做咗幾日先解到一題...... 要求換本「三小辣」......
啱啱出嚟見我哋之前，佢同倉嘅倒立阿婆又因為無啦啦倒立俾人話🤸🏻♀️；佢又話自己有keep住每日運動30分鐘，問我佢有冇瘦咗。我建議佢應該要跟阿婆練倒立，如果佢夠力撐得起自己🐖出返嚟應該可以打死人。講開做運動，係女懲教所平時日常生活包括運動都只可以著拖鞋，然後佢突然舉起隻羊腳上枱🦵🏻
「呢款拖鞋真係好舒服，聽囚友講係近排多咗議員入冊先有靚款啲嘅拖鞋著，唔知算唔算係另類成功爭取呢......？」
最後我地仲有幸見到鄒幸彤一眼。佢依舊精神，滿面笑容同我哋打招呼。
manlinthanks