可能有機會之後會離開大家一段時間喇，自從我接受立場同蘋果既訪問後，沙咀既RU（更生事務組）開始對我所作既行為有所行動，由之前蘋果既訪問之後，佢哋已經有去游說我去盡量避免接受訪問，可能佢哋覺得我屢勸不改，喺琴日，佢哋已經上門兩次，一次係10：00，面談咗接近兩個鐘，期間會問及訪問既事宜，同埋索取我另一宗案件既法律文件諸如此類既野，咁我另一宗暴動案係有匿名令，其實佢哋咁做其實係違反法庭命令，比唔比法律文件你係我既自由，唔係你哋要求就可以比你

另一次係凌晨00：30，上來我屋企做夜訪，目的係睇下我喺唔喺屋企，咁我當時在家既，冇違反監管令，但係由我豐力樓出來到而家都未曾試過一日做兩次家訪，我自己都感覺到咩事，可能係懲教署上頭有命令要搵辦法recall我返沙咀，呢個只係懲教署對我其中一個打壓方式，就算recall唔到返去，都可以令我提心吊膽

我唔會怕懲教署既任何花招，喺未recall返沙咀之前，喺呢段時間我都會緊守自己既崗位，如果我呢一刻卻步，未來既手足面對既恐懼比我更加多，我因為咁而退縮，就冇咗我當初我開設呢個專頁既意義同埋宗旨，當初我自己都預計咗做呢d爆監房醜聞既事會成為懲教署眼中釘，如果我真係咁不幸離開咗大家，都只係兩至三個月，完咗之後我都會繼續同大家面對更多既難關，同大家共同進退，無畏無懼

hksun_1204