3C,即係3C報告裏面既三個院所，勞教中心，更生中心，教導所，呢三個院所既監管令都係各有特色，講左勞教中心先

勞教中心（沙咀），沙咀既監管令其實就好普通既姐，要喺豐力樓逗留兩個月先，可以返工返學，期間有得外出放假，由豐力樓釋放之後嗰十個月要守晚11至朝早六點既宵禁，住喺報稱地址，定時打電話同主任沙展報到，我自己就要喺每日朝早同沙展報到，夜晚18：00同返主任報到，監管令期間要有固定工作同埋工時，咁返學都係冇問題既，但係主任會無lala喺夜晚凌晨殺到，睇下你喺唔喺屋企，呢樣係最麻煩，咁犯左以上規例就要返沙咀，俗稱recall，大約兩個月時間，所以成個勞教中心既刑期大約係5+2，5個月沙咀，2個月豐力樓

更生中心就麻煩啲，成個刑期大約係4+3，四個月更生中心，三個月豐力樓（勵行），監管令都係一年，但係喺豐力樓冇得外出放假，每次放假留喺豐力樓，完左呢三個月，剩返嗰九個月都係守宵禁，我記得都係晚十一至朝六，定時向主任沙展報到，但係最麻煩既係要去荔枝角收押所擺柳（即係驗尿）

教導所，教導所刑期完結後就唔洗去豐力樓，要守宵禁，固定工作，定時報到，我相信都係一樣，但係一衰左，就要recall返教導所半年，重新開始3年監管令

希望大家可以認清每個懲教院所既監管令，始終大家都會有權利去選擇去邊個院所，咁多位手足可以喺臨還押索取報告之前睇一睇呢篇野，一定會幫到大家

hksun_1204