【反抗運動兩周年】眾籌追究警暴 堅持兩年未放棄 爆頭爸爸陳恭信：我要攞返個公道
【立場新聞】2019 年 8 月初，將軍澳居民陳恭信在公園內被防暴警員擊中頭部，即場血流披面。去年他和一群警暴受害者，一起入稟向警方作民事索償。至今已過兩年，社會氣氛轉變，但陳依然期望可在泰米斯女神的天秤前，取回公道，「我哋好似要搏一搏，會唔會遇到一個通情達理、明白事理嘅官呢......你第日判到我係得直嘅，赢嘅，還返我公道嘅，我梗係相信（法院）。」
無故被打、心有不甘，他向投訴警察課投訴，又入稟要求警方披露襲擊他的警員身份，但結果嚇人一跳，「後來警方回覆高院，就話佢有畀返晒啲 record 我哋睇，即係比返個晚個兩隊『流水薄』，嗰啲 record 有名果啲，當晚呢係無使用警棍嘅紀錄」。
由於他和警方打官司，投訴警察課在他預約到警察總部落口供前三天，通知陳恭信調查亦按程序暫緩，「（警方）通知我落口供要暫時 hold 住先，因為司法程序諸如此類，咁跟住咪 hold 到依家，司法覆核完咗，跟住佢（警方）又上訴，所以我都無搵佢地。其實，會唔會再繼續呢？我自己都有個疑問。」
8.4 的襲擊案，聆訊還未展開，遑論成功索取賠償。事件折騰近兩年，陳恭信坦言，其實不一定需要金錢貼償，「我其實有啲藍絲性格，咁嘅年紀，唔好搞咁多嘢啦，大家好過就得啦，即係我告到你傾家蕩產有咩意思，我其實對我嚟講小意思，我最主要唔係想做（索償）呢樣嘢，我係想 prove （證明）警暴。我要攞返個公道，就係咁簡單，就係是其是，非其非。」（全文）
#20210611新聞 #0804將軍澳
【立場新聞】2019 年 8 月初，將軍澳居民陳恭信在公園內被防暴警員擊中頭部，即場血流披面。去年他和一群警暴受害者，一起入稟向警方作民事索償。至今已過兩年，社會氣氛轉變，但陳依然期望可在泰米斯女神的天秤前，取回公道，「我哋好似要搏一搏，會唔會遇到一個通情達理、明白事理嘅官呢......你第日判到我係得直嘅，赢嘅，還返我公道嘅，我梗係相信（法院）。」
無故被打、心有不甘，他向投訴警察課投訴，又入稟要求警方披露襲擊他的警員身份，但結果嚇人一跳，「後來警方回覆高院，就話佢有畀返晒啲 record 我哋睇，即係比返個晚個兩隊『流水薄』，嗰啲 record 有名果啲，當晚呢係無使用警棍嘅紀錄」。
由於他和警方打官司，投訴警察課在他預約到警察總部落口供前三天，通知陳恭信調查亦按程序暫緩，「（警方）通知我落口供要暫時 hold 住先，因為司法程序諸如此類，咁跟住咪 hold 到依家，司法覆核完咗，跟住佢（警方）又上訴，所以我都無搵佢地。其實，會唔會再繼續呢？我自己都有個疑問。」
8.4 的襲擊案，聆訊還未展開，遑論成功索取賠償。事件折騰近兩年，陳恭信坦言，其實不一定需要金錢貼償，「我其實有啲藍絲性格，咁嘅年紀，唔好搞咁多嘢啦，大家好過就得啦，即係我告到你傾家蕩產有咩意思，我其實對我嚟講小意思，我最主要唔係想做（索償）呢樣嘢，我係想 prove （證明）警暴。我要攞返個公道，就係咁簡單，就係是其是，非其非。」（全文）
#20210611新聞 #0804將軍澳